MAHTE 18:10 - Jinghpaw Common Language Bible 2009

¹⁰ “Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

Jinghpaw Hanson Version Bible

¹⁰ Dai ma kaji langai mi hpe pyi nanhte n gawn n sawn n di kau myit ga, sadi nga mu: nanhte hpe ngai tsun made ga, Sumsing lamu kata e, shanhte a lamu kasa ni gaw, sumsing lamu na nye Wa a myi man hpe, galoi mung a mada nga ma ai.

MAHTE 18:10 ပူးပေါင်းရင်းမြစ်များ

2 SAMUELA 14:28

Absalom chyawm gaw hkawhkam wa hpe n mu lu ai sha lahkawng ning tup Yerusalem mare e nga nga wu ai.

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

ESHTA 1:14

Shi hpe hpaji jaw la na matu grau nna shi kam ging ai ni gaw Hkarashena, Shehta, Admahta, Tarshi, Mare, Marasena hte Memuhkan ni rai nga ai; dai ni gaw Persi hte Medi mung na du salang sanit hte rai nna, mungdan kata hta tsaw htum ai arawng lu ai ni rai ma ai.

SHAKAWN KUNGDAWN 15:4

Shi gaw Karai Kasang hpe nyet kau ai ni hpe matsat nga ai; Madu a ga madat mara ai ni hpe shagrau sha-a nga ai. Ga sadi shatup na matu kade wa yak hkra rai ti mung, shi jaw da ai ga sadi ni hpe tut nawng e galaw shatup nga ai.

SHAKAWN KUNGDAWN 17:15

Rai ti mung, ngai chyawm gaw shut hpyit ai amu hpa mung n galaw kau nga nngai majaw ngai nang hpe mu lu na ring ngai hte, ngai yup hprang wa ai shaloi, na a hpung shingkang gaw kabu gara ai hte ngai hpe jahpring ya na ra ai.

SHAKAWN KUNGDAWN 34:7

Madu hpe shagrau sha-a ai ni hpe shi a lamu kasa ni bau sin nga ma ai; hkrithpa shara kaw na mung, shanhte hpe mawai la nga ai.

SHAKAWN KUNGDAWN 91:11

Nang hkawm sa ai shara shagu hta nang hpe makawp maga na hte; nang hpe bau sin na matu, Karai Kasang gaw shi a lamu kasa ni hpe hkang da na ra ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MAHTE 1:20

Ya, shi ndai lam hpe naw myit aru yu nga yang, Madu a lamu kasa langai mi yupmang hta shi hpe hkum shadan dan nna, “Dawi a kasha Yosep e, Mari hpe na a madu jan hku hkap la na hkum hkrit et, hpa majaw nga yang, shi a na-um nasin gaw, dai Chyoi Pra Ai Wenyi a majaw byin wa ai rai nga ai.

MAHTE 12:20

Shi gaw kadang taw nga sai mai-aw hpe shadaw na ra ai n rai; Kachyi mi sha tu gala nga ai wan kawk hpe gawut sat kau na ra ai n rai. Shi gaw teng man rap ra ai hte awng padang hkam la lu ai aten du hkra, shakut shaja na ra ai.

MAHTE 18:14

Dai hte maren, ndai ma kaji langai mi hpe pyi jahten kau ai hkrum na gaw, sumsing lamu hta nga ai nye wa gaw, n hkraw nga ai.

MAHTE 18:6

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai mung, shi a du hta htum rin lung gyit noi nna, panglai na sung htum ai shara de jahkrat bang kau na shi a matu grau kaja nga ai.

MAHTE 2:13

Hpaji rawng ai ni wa mat ai hpang, dai Madu a lamu kasa langai mi yup mang hta Yosep kaw dan pru nna, “Herod gaw ma hpe sat kau na nga nna tam shangun dat ra ai. Dai rai nna, rawt u, dai ma kaji hte shi a kanu hpe woi nna, Egutu mung de hprawng sa su; ngai nang hpe bai shaga ai ladaw du hkra, dai yang e anga nga su,” ngu nna tsun wu ai.

MAHTE 2:19

Ya Herod si mat ai hpang, dai Madu a Lamu kasa langai mi Egutu mung e, yup mang hta Yosep kaw dan pru nna,

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

LUKA 1:19

Lamu kasa gaw, “Ngai gaw Karai Kasang a man e tsap nga ai Gabriela rai nga nngai; nang hpe tsun dan u nga nna, ndai Kabu Gara Shiga tsun shana ya na ngai hpe shangun dat ni ai.

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

LUKA 16:22

“Shaloi dai matsan wa si mat wa nna, lamu kasa ni shi hpe sumsing lamu na lusha poi hta Abraham a makau e dung nga na matu woi bang da mu ai, sahti wa mung si wa nna lup makoi hkrum nu ai.

KASA 10:3

Lani mi na shana de daw hkying masum daram e, Lamu kasa langai mi shi kaw du sa wa nna, “Korneli e!” nga nna shi hpe shaga ai hpe shingran langai mi hta leng leng mu wu ai.

KASA 12:15

Shanhte gaw, “Nang mana nit dai!,” ngu mu ai. Rai ti mung, dai numsha gaw shi tsun ai lam teng ai, nga nna atsun nga ai; dai majaw shanhte gaw, “Shi a lamu kasa rai nga lu ai,” nga ma ai.

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.

KASA 27:23

Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

ROMA 14:10

Dai majaw, nang shat mai shat maw lap sha ai wa hpa rai na a nhpu nnau wa hpe jeyang nga n ta? Nang hpa baw lu sha rai tim sha ai wa mung, na nhpu nnau wa hpe hpa n-gawn n sawn rai nga n ta? Anhte yawng mayawng hte gaw, tara daw dan ai hkrum na matu Karai Kasang a Tara tingnyang man e du tsap na raga ai.

ROMA 14:21

Na nhpu nnau wa hpe myit kataw shangun na lam rai yang gaw shan sha ai, sabyi lu ai shing n rai hpa baw sha hpa rai ti mung koi gam na gaw mai kaja ai lam rai nga ai.

ROMA 15:1

Dai rai nna makam masham hta n-gun ja ai anhte ni gaw, makam masham n-gun kya ai ni a makam masham n hten mat hkra shanhte a lit hpe madi shadaw na mai kaja nga ai. Anhte gaw tinang a ra ai lam hpe n mai hkan tam ai.

1 KORINHTU 11:22

Ataw, sha na lu na matu tinang a nta n lu myit ni? Shing n rai Karai Kasang a Hpung hpe n gawn n sawn jahpoi asawng nna, n lu n su ai ni hpe kaya jahkrum ai ga rai myit ni? Ngai nanhte hpe ndai lam hte seng nna kaning ngu tsun na ra ai ngu nna nanhte myit mada myit ta? Ngai nanhte hpe shakawn na rai ni? Kaja wa nanhte hpe ngai shakawn na made ai n rai.

1 KORINHTU 16:11

Kadai mung shi hpe n gawn n sawn n di u ga, shi a hkrun lam hpe angwi apyaw sha matut hkawm sa wa lu u ga, nanhte shi hpe karum madi shadaw dat lu na rai myit dai; shing rai Hkristan hpu nau ni hte rau, ngai hpang de bai du sa wa na ra ai, ngu nna ngai myit mada ala nga nngai.

1 KORINHTU 9:22

Ngai gaw Karai Kasang hpe kam sham ai hta n-gun n ja ai ni a kata de du mat wa ai shaloi, shanhte hpe lum la lu hkra, makam masham n-gun n ja ai wa zawn ngai tai nga nngai. Dai rai nna, nkau mi hpe byin mai ai lam langai ngai hte hkye hkrang la lu hkra, ngai gaw masha amyu myu hta, amyu myu hku nga nngai.

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

2 KORINHTU 10:10

Hpa majaw nga yang, masha nkau mi gaw, “Pawlu a laika ni gaw grai sawng nna n-gun atsam namnak rawng ai laika ni rai lu ai, rai ti mung shi hkum nan anhte hte rau nga ai shaloi, shi gaw n-gun kya nna hpung n rawng ai hte shi a ga ni hpa tang n du lu ai,” nga nna tsun ma ai.

GALATI 6:1

Hpu nau ni e, masha langai ngai n dum shami e yubak galaw hkrup a yang gaw Wenyi e lam madun ai hku asak hkrung nga ai ni nanhte gaw, shing re ai wa hpe sumnung shingdi ai myit hte shading sharai ya na rai myit dai. Nanhte nan mung agung alau n hkrum u ga, tinang dai sadi nga mu.

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.

1 TIMOHTI 4:12

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

HEBRE 9:24

Hpa majaw nga yang, Hkristu gaw kaja wa chyoi pra ai shara majing a kanan rai nga ai masha lata hte galaw ai Chyoi Pra ai Shara de n shang ai sha, sumsing lamu de nan shang nna, ya anhte a malai Karai Kasang a man de dan pru nga sai.

SHINGRAN 8:2

Shaloi Karai Kasang a man e tsap nga ai lamu kasa sanit hpe ngai mu nngai; shanhte hpe pahtau sanit ya mu ai.