MAHTE 17:9 - Jinghpaw Common Language Bible 2009

⁹ Ya dai bum na shanhte yu wa ma yang, Yesu gaw, “Dai Masha Kasha si ai ni kaw na sharawt la ai garai n hkrum hkrum gaw, ndai nanhte mu lu ai shingran hpe, kadai hpe mung hkum tsun dan myit,” ngu nna shanhte hpe hkang dat mu ai.

Jinghpaw Hanson Version Bible

⁹ Ya dai bum na shanhte yu hkrat wa ma yang, Yesu gaw, “Dai Masha Kasha si ai ni kaw na sharawt la ai garai n hkrum hkrum gaw, ndai shingran hpe, kadai wa hpe mung hkum tsun dan myit,” ngu nna shanhte hpe hkang dat mu ai.

MAHTE 17:9 ပူးပေါင်းရင်းမြစ်များ

MAHTE 12:16

Rai ti mung, shi a lam n tsun shabrawng dat mu ga, shanhte hpe shi hkang dat mu ai.

MAHTE 17:12

Rai ti mung, ngai nanhte hpe tsun made ai gaw, Elia du boi sai rai nna shanhte shi hpe n chye mu ai majaw, shanhte myit ra ai hte maren di kau manu ai. Dai Masha Kasha mung, shanhte a lata hta dai hte maren nni nkri hkrum na ra ai,” ngu mu ai.

MAHTE 17:20

Yesu gaw, “Nanhte ai n kam myit dai majaw, n di lu myit dai; nanhte hpe ngai teng teng tsun made ai gaw, kam sham ai myit chyinghkrang tum daram nanhte hta rawng nga ai rai yang gaw, ndai bum hpe, ‘Nang kaw nna wora de htawt sit mat u!,’ ngu nna nanhte tsun mu yang, dai htawt sit mat na ra ai: nanhte n di lu na amu hpa mung n nga na re,” ngu nna shanhte hpe tsun mu ai.

MAHTE 17:22

Ya, Galile mung hta shanhte yawng wa zup ma yang, Yesu gaw, “Dai Masha Kasha hpe masha ni a lata hta ap kau ai hkrum na ten ni magang wa ra ai.

MAHTE 17:23

Shanhte shi hpe sat kau na maru ai rai nna, masum ya nhtoi hta e shi hpe hkrung sharawt la ai hkrum na ra ai,” ngu nna shanhte hpe tsun mu ai. Dai rai nna shanhte nachying myit yawn nga ma ai.

MAHTE 17:8

Shing rai shanhte sharawt mada yu mu yang, Yesu hta kaga, kadai hpe mung n mu manu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u tsip ni lu ma ai, dai Masha Kasha chyawm gaw baw tawn na shara pyi n lu nga ai,” ngu shi hpe tsun wu ai.

MAHTE 8:4

Shaloi Yesu gaw, “Madat u! Ndai lam kadai hpe mung hkum tsun dan et, pru wa nhtawm na a hkum hkinjawng agyi wa hpe jep yu shangun u; dai hpang, nang san pra mat sai lam shanhte a man e sakse tai u ga, Mawshe hkang tawn da ai hkungga nawng ya u,” ngu shi hpe tsun wu ai.

MARKU 8:30

Dai shaloi Yesu gaw, “Nye a lam kadai hpe mung hkum tsun dan myit,” ngu nna shanhte hpe ginhtim hkang da mu ai.

LUKA 8:56

Dai ma a kanu yan kawa chyawm gaw, mau mahka mat ma ai. Rai ti mung, dai byin ai lam kadai hpe mung n tsun dan u ga, shi shanhte hpe ginhtim da mu ai.

LUKA 9:36

Dai nsen hkring ai shaloi, Yesu shi hkrai sha nga nga ai hpe, shanhte mu ma ai, Sape ni mung, ndai lam mahkra hte seng nna atsin sha nga nna, shanhte mu ai lam ni hpe dai nhtoi hte hta kadai hpe mung n tsun dan ma ai.