MAHTE 17:6 - Jinghpaw Common Language Bible 2009

⁶ Sape ni dai hpe na jang, shanhte nachying hkrit gari mat nna, shanhte a myi man ga de dagup nga ma ai.

Jinghpaw Hanson Version Bible

⁶ Sape ni dai hpe na jang, shanhte myi man dagup nna, nachying hkrit gari nga ma ai.

MAHTE 17:6 ပူးပေါင်းရင်းမြစ်များ

1 HKAWHKAM LABAU 21:16

Dai lamu kasa gaw Yerusalem mare hpe jahten sharun kau na matu shi a lata hta nhtu lang da nhtawm nbung ka-ang e tsap nga ai lamu kasa hpe Dawi mu wu ai. Dawi hte shi a amyu masha ni a ningbaw ni gaw lachyit nba bu hpun let shanhte a myi man ga de du hkra gum dagup nga ma ai.

EZEKELA 3:23

Dai rai nna, ngai gaw kadit hkam wam de pru sa wa nhtawm dai yang e Hkebara hka kau kaw ngai mu yu sai dai Madu a hpung shingkang dan hkung nga ai hpe ngai mu nngai. Ngai gaw ga de myi man gum dagup da nngai.

EZEKELA 43:3

Ndai shingran gaw Yerusalem hpe jahten kau na matu Karai Kasang yu sa ai shaloi ngai mu ai shingran hte Hkebara hka kau e ngai mu yu sai zawn rai nga ai. Dai rai nna ngai gaw ga de gum dagup mat nngai.

Daniela 8:17

Gabriela gaw nye a makau e sa tsap nga ai rai nna, ngai grai hkrit gari mat ai hte ga de kadawng taw mat nngai. Shi gaw ngai hpe, “Si chye ai masha wa e, lachyum chye na u. Dai shingran gaw mungkan ga a jahtum aten hta byin wa na lam rai nga ai,” ngu nna tsun wu ai.

JAW JAU 9:24

Dai Madu gaw wan hpe akajawng sha dat dat nna tawn hkungri na wan nat hkungga hte sau man ni hpe hkru kau nga ai. Dai lam hpe amyu masha ni mu ma yang, shanhte yawng marawn jahtau ai hte ga de myi man gum dagup let dingnyawm nga ma ai.

MAHTE 17:5

Petru ga naw shaga nga yang, htoi tu ai sumwi gaw shanhte a ntsa e ka-up mu ai hte dai sumwi hta na nsen ngoi pru nna, “Ndai wa gaw ngai sharawng awng ai, ngai tsaw ra ai ngai sha rai nga ai; shi a ga madat mara mu,” nga ai.

MAHTE 17:7

Shaloi Yesu wa nna shanhte hpe ahtawk let, “Rawt mu, hkum hkrit nga myit,” ngu wu ai.

KASA 22:7

Ga de ngai kadawng taw nna, Shawlu, Shawlu! Nang hpa rai ngai hpe zingri nga n ta? nga ai nsen langai mi hpe ngai na lu nngai.

KASA 26:14

Shaloi anhte yawng ga de kadawng taw mat shajang nga yang Hebre ga hte ngai hpe, ‘Shawlu, Shawlu! Nang ngai hpe hpa rai zingri nga n ta? Usu gaw madu a nga gau shingna masen hpe lahkat htawng yang na zawn dai masawn hpe htawng ai hte na hkum hpe machyi la shangun nga n hka!,’ nga ai nsen langai mi ngai na nngai.

2 PETRU 1:18

Dai ten hta anhte ni nan Madu hte rau chyoi pra ai bum ntsa e nga nga yang, lamu de na ngoi pru wa ai nsen hpe anhte na lu ga ai.

TARA AGYI 13:20

Tawn hkungri kaw na wan numli dingchyung lung wa ai shaloi, dai Madu a lamu kasa gaw wan numli ni hta sumsing lamu de lung mat wa ai hpe Mano hte shi a madu jan yan mu dat ma ai. Mano mahtang dai masha gaw dai Madu a lamu kasa rai nga ai hpe myit dum wa wu ai rai nna shi hte shi a madu jan ga de gum dagup mat ma ai. Dai hpang shan mung dai lamu kasa hpe galoi mung bai n mu mat ma ai.

TARA AGYI 13:22

Mano gaw shi a madu jan hpe, “An gaw Karai Kasang hpe mu kau saga ai majaw teng teng si mat na saga ai!,” ngu nna tsun wu ai.