MAHTE 17:27 - Jinghpaw Common Language Bible 2009

²⁷ Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

Jinghpaw Hanson Version Bible

²⁷ rai timung, anhte a majaw shanhte myit n kataw mu ga, nawng de sa nna, nga myek jahkrat bang u; shawng lu ai nga hpe shaw la nhtawm, n-gup mahka yang, shekela pa mi nang mu na ru ai: dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 17:27 ပူးပေါင်းရင်းမြစ်များ

NINGPAWT NINGHPANG 1:28

shan hpe shaman ya nna, “Kashu kasha law law shaprat mu, shaloi nan a matu mara ni aga ting hta shanu nga lu nna, dai hpe up hkang lu na mara ai. Ngai gaw nan hpe nga ni hpe mung, ntsa malen u ni hpe mung, dusat nhprang ni hpe mung up hkang na ahkang jaw da nga nngai.

1 HKAWHKAM 17:4

Dai hka shi gaw nang lu na hka ntsin jaw ya na ra ai; ngai hkang da ni ai hte maren uhka ni mung dai yang e nang hpe shahpa la sa ya na mara ai,” ngu nna tsun wu ai.

SHAKAWN KUNGDAWN 8:8

ntsa malen u ni, nga ni hte panglai kata e rawng ai hkrung kanu ni yawng hte hpe mung, shi a npu hta nang tawn da nit dai.

YONA 1:17

Dai Madu hkang da ai ga hte maren, nga kaba langai gaw Yona hpe mayu kau ai rai nna shi gaw nga kan kata hta masum ya masum na rawng nga ai.

YONA 2:10

Dai hpang, Madu gaw Yona hpe hkin-gau ntsa de nhpat shapraw na matu hkang dat wu ai, dai hte maren nga galaw nga ai.

MAHTE 17:26

Petru gaw, “Maigan masha ni kaw na hta ma ai,” ngu wu yang, Yesu gaw, “Dai rai taw gaw, mungchying sha ni n bang ra ai lachyum rai nga ai.

MAHTE 18:6

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai mung, shi a du hta htum rin lung gyit noi nna, panglai na sung htum ai shara de jahkrat bang kau na shi a matu grau kaja nga ai.

MAHTE 18:8

“Na a lata, shing n rai, na a lagaw nang hpe makam masham hta myit kataw shangun n yang gaw, dai hpe kahtam dut kabai kau u! Lagaw lata hkum hkum re ai hte htani htana wan hta jahkrat kau ai hkrum na hta, lagaw shing n rai, lata n lawm ai sha asak hkrung ai de shang na gaw, grau mai nga ai.

MAHTE 5:29

Dai rai nna, na a hkra maga na myi nang hpe mara galaw shangun n-yang gaw, dai hpe malawk nna kabai kau u! Na a hkum ting hpe ngarai mung de jahkrat kau ai hkrum na hta na a hkum daw langai mi hten na gaw grau kaja nga ai.

MAHTE 5:30

Na hkra maga na lata nang hpe mara galaw shangun n-yang gaw, dai hpe kahtam dut nna kabai kau u! Na hkum ting hpe ngarai mung de jahkrat kau ai hkrum na hta, na a hkum daw langai mi hten na gaw grau kaja nga ai.

MARKU 9:42

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai rai ti mung, shi a du hta htum rin lung kaba langai mi gyit noi nna, panglai hta kabai bang kau na gaw, shi a matu grau nna mai nga ai.

MARKU 9:43

Dai rai nna, na a lata gaw na a makam masham hpe myit kataw shangun a yang gaw, dai hpe kahtam dut kau u! Lata lahkawng ahkum ara hte ngarai mung na n si n krip ai wan hta shang na hta lata maga mi n tu ai hte asak hkrung ai de shang na gaw grau mai nga ai.

LUKA 17:2

Dai wa gaw, ndai ma kaji ni hta na langai mi hpe yubak galaw shangun ai rai yang, shi a du hta htumrin lung kaba gyit noi nna, panglai hta jahkrat bang kau na gaw, shi a matu grau mai nga ai.

YAWHAN 6:61

Ndai zawn sape ni angun nga ma ai hpe shi dai shi myit hta chye wu ai majaw, shi shanhte hpe, “Ga ndai gaw nanhte hpe myit hten asum hkam mayu shangun wa sani?

ROMA 14:21

Na nhpu nnau wa hpe myit kataw shangun na lam rai yang gaw shan sha ai, sabyi lu ai shing n rai hpa baw sha hpa rai ti mung koi gam na gaw mai kaja ai lam rai nga ai.

1 KORINHTU 8:13

Dai rai nna, shahpa a majaw nye hpu nau wa hpe myit kataw nna mara galaw shangun na she rai yang gaw, nye a hpu nau wa hpe n kataw shangun na matu, ngai prat dingsa e shan n sha na ni ai.

1 KORINHTU 8:9

Rai ti mung, nanhte ndai zawn n dut n dang sha lu ai ahkaw ahkang gaw, Karai Kasang hpe kam sham ai lam hta n-gun kya nga ai ni hpe lam shadam, mara galaw shangun ai lam n byin u ga, sadi nga mu.

2 KORINHTU 6:3

Anhte galaw ai amu hte seng nna kadai wa mung shatan nhkan hte mara tam ai lam n byin shangun mayu ga ai majaw, anhte gaw kade a lam mung ahtu kataw shara hpa n byin hkra shakut ga ai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

1 HTESALONI 5:22

n hkru n kaja ai lam shagu hpe koi yen kau mu.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.