MAHTE 17:23 - Jinghpaw Common Language Bible 2009

²³ Shanhte shi hpe sat kau na maru ai rai nna, masum ya nhtoi hta e shi hpe hkrung sharawt la ai hkrum na ra ai,” ngu nna shanhte hpe tsun mu ai. Dai rai nna shanhte nachying myit yawn nga ma ai.

Jinghpaw Hanson Version Bible

²³ shanhte shi hpe sat kau na maru ai rai nna, masum ya nhtoi hta e sharawt la ai shi hkrum na ra ai,” ngu nna shanhte hpe tsun wu ai; dai rai nna, shanhte nachying myit yawn nga ma ai.

MAHTE 17:23 ပူးပေါင်းရင်းမြစ်များ

SHAKAWN KUNGDAWN 22:15

Nye a yuhkraw gaw ga nhpu zawn hkraw mat nna; nye a shinglet nye a gumra hta kap mat nga ai. Nang gaw ngai hpe ga nhpu hta si na matu tawn kau da nit dai.

ESAIA 53:7

“Shi adip arip hkrum nga ai, rai ti mung dai hpe shagrit shanem ai hte hkam sharang nga ai; shi gaw ga hkum mi pyi galoi mung shaga ai n rai. Sat na matu hkyen ai sagu kasha langai zawn, mun rep hkyen nga ai sagu langai zawn, shi gaw ga hkum mi pyi galoi mung shaga ai n rai.

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

MAHTE 17:9

Ya dai bum na shanhte yu wa ma yang, Yesu gaw, “Dai Masha Kasha si ai ni kaw na sharawt la ai garai n hkrum hkrum gaw, ndai nanhte mu lu ai shingran hpe, kadai hpe mung hkum tsun dan myit,” ngu nna shanhte hpe hkang dat mu ai.

MAHTE 20:19

maigan masha ni a lata de ap kau na mara ai rai nna, shanhte gaw shi hpe asawng asang di nna anu kayat ai hte wudang hta jen da na mara ai; rai ti mung masum ya nhtoi hta e bai jahkrung sharawt la ai hkrum na ra ai,” ngu nna tsun mu ai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

MARKU 8:31

Dai shaloi Yesu gaw, “Dai masha Kasha gaw nni nkri law law wa hkrum nna, agyi salang ni, hkinjawng agyi ni hte tara sara ni e nyet kau ai hkrum na ra ai. Shi hpe sat kau na mara ai, rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya hpang mu ai.

MARKU 9:30

Yesu hte sape ni gaw, dai shara kaw na pru mat wa nhtawm Galile ginwang hku ga sa wa ma ai. Yesu gaw shi kanang e nga nga ai ngu ai lam kadai hpe mung n chye shangun mayu wu ai.

YAWHAN 16:6

Rai ti mung ndai lam ni ngai nanhte hpe tsun made ai majaw nanhte a myit masin hta yawn hkyen ai lam hpring mat manit dai.

YAWHAN 2:19

Yesu gaw, “Ndai Nawku Htingnu hpe hpya kau u, masum ya laman e, ngai dai hpe bai sharawt na we ai,” ngu nna shanhte hpe htan mu ai.