MAHTE 16:26 - Jinghpaw Common Language Bible 2009

²⁶ Bai, masha gaw mungkan ting hpe awm dawm madu lu da nna tinang a asak sum mat a yang gaw, shi a matu hpa akyu nga lu ta? Masha gaw, hpa gawng malai hkungga hte wa tinang a asak hpe shaw la lu na a ta?

Jinghpaw Hanson Version Bible

²⁶ Bai, masha gaw nga yawng nga pra kawm dawm amyat lu la ninglen, tinang asak sum mat yang gaw, shi a matu hpa akyu nga lu ta? masha gaw, hpa gawng malai hkungga hte wa tinang a asak hpe shaw la lu na a ta?

MAHTE 16:26 ပူးပေါင်းရင်းမြစ်များ

YOBA 2:4

Satan gaw, “Masha gaw asak hkrung nga lu na matu lam shagu hpe asum hkam shagawm kau na rai nga ai.

YOBA 27:8

Karai Kasang gaw karai kata masha ni a asak hpe hpyi la ai ahkying hta shanhte a matu hpa baw myit mada shara naw nga nga a ta?

MAHTE 16:25

Tinang a asak hpe hkye la mayu ai wa kadai mung, dai sum mat na lu ai; nye a jaw e tinang a asak sum mat ai wa gaw, dai hpe lu la na ru ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 5:29

Dai rai nna, na a hkra maga na myi nang hpe mara galaw shangun n-yang gaw, dai hpe malawk nna kabai kau u! Na a hkum ting hpe ngarai mung de jahkrat kau ai hkrum na hta na a hkum daw langai mi hten na gaw grau kaja nga ai.

LUKA 12:20

Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.

LUKA 16:25

“Shaloi Abraham gaw, Sha e, nang gaw naw hkrung nga ai aten hte yang, na a ngamu ngamai ai yawng hkam la lu nit dai hpe mung, Lazaru gaw dai ten hte yang, tsin-yam tsindam hkrum nga ai mung, dum nga u; ya gaw shi nang e pyaw pyaw ningngai nga nu ai, nang mahtang gaw nji nmu hkrum nga lit dai.

LUKA 9:25

Masha gaw, ndai mungkan ting hpe madu lu da nna, tinang dai hten byak sum mat yang gaw, shi a matu hpa akyu nga lu ta? Kaja wa akyu n nga na re ai.