MAHTE 16:24 - Jinghpaw Common Language Bible 2009

²⁴ Dai hpang Yesu gaw sape ni hpe, “Ngai hpang de sa wa mayu ai wa kadai rai ti mung, tinang hkum hpe nyet kau lu na rai nna, shi a wudang hpai let, ngai kaw hkan nang ru ga,

Jinghpaw Hanson Version Bible

²⁴ Bai, Yesu gaw shi a sape ni hpe, “Ngai hpang de sa wa mayu ai wa kadai rai timung, tinang a hkum hpe nyet kau lu na rai nna, shi a wudang hpai let, ngai kaw hkan nang ru ga.

MAHTE 16:24 ပူးပေါင်းရင်းမြစ်များ

MAHTE 10:38

Tinang a wudang hpai let, nye a hpang n hkan ai wa gaw, nye a sape tai na n ging n dan nga ai.

MAHTE 27:32

Shanhte pru sa wa nga ma yang, shanhte gaw Kureni masha Simun mying ai masha langai mi hpe mu hkrum nna, Yesu a wudang hpai ya u ga, shi hpe adip arip di nna hpai shangun mu ai.

MARKU 10:21

Yesu shi hpe tsaw ra ai hte azi yu let, “Lam langai mi sha nang naw ra nga ndai: nang wa su, nang lu malu hpe dut kau nna, matsan mayan ni hpe karan jaw u. Shing rai jang sumsing lamu ntsa e nang sut gan lu na rin dai; dai hpang ngai kaw sa nna hkan nang rit,” ngu nna shi hpe san wu ai.

MARKU 15:21

Lam e rai nga yang, shanhte gaw Kureni mung masha, Alexandru yan Ruhpu a kawa, Simun ngu ai wa hte hkrum ma yang, hpyen la ni gaw shi hpe adip arip di nna Yesu a wudang hpai shangun mu ai.

MARKU 8:34

Dai hpang Yesu gaw shawa masha ni hte sape ni hpe shi hpang de shaga la nna, “Kadai rai ti mung ngai hpang de hkan sa mayu ai wa gaw, tinang hkum hpe ndang kau nna, shi a wudang hpai let, ngai kaw hkan nang ru ga.

LUKA 14:27

Kadai mung tinang a wudang hpai let, nye a hpang n hkan ai wa gaw, nye a sape n tai lu ai.

LUKA 23:26

Ya hpyen la ni Yesu hpe shapraw sa wa ma yang, nam kahtawng de nna mare de sa wa nga ai Kureni mung masha Simun ngu ai wa langai mi hte hkrum ma ai. Shanhte shi hpe rim la nhtawm, wudang jahpai nna Yesu a hpang e hkan sa shangun mu ai.

YAWHAN 19:17

Shanhte gaw Yesu hpe woi dun wa mu ai. Yesu gaw shi a wudang hpe shi nan hpai nna “Pungkum ngu ai Shara de sa wa ai.” Dai shara hpe, (Hebre ga hku “Golgahta,” nga ma ai.)

YAWHAN 21:19

(Shing nga tsun ai gaw, Petru gaw kaning re ai si lam hte Karai Kasang a hpung shingkang shapraw lu na ra ai lam hpe tau hkrau nna tsun ai rai nga ai.) Shing nga tsun ngut jang, Yesu gaw Petru hpe “Ngai kaw hkan nang rit!,” ngu wu ai.

YAWHAN 21:22

Yesu gaw, “Ngai du sa ai nhtoi du hkra ngai shi hpe asak hkrung nga shangun mayu yang, hkrung nga shangun na nngai, dai nang hte hpa seng a ta? Nang gaw nye a hpang hkan nang rit!,” ngu nna htan wu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

1 HTESALONI 3:3

Nanhte hta na kadai mung ndai ya hkrum hkra nga ai zingri zingrat lam ni a majaw makam masham hta kangi kanga n rai myit ga, nanhte hpe shadaw shalan n-gun jaw na matu, nanhte hpang de shi hpe shangun dat ga ai: Ndai zingri zingrat ai lam ni hpe anhte hkrum hkra nga ai gaw, anhte a matu Karai Kasang a yaw shada ai lam daw chyen mi rai nga ai ngu ai hpe nanhte nan chye nga myit dai.

2 TIMOHTI 3:12

Kaja wa Hkristu Yesu hta asak hkrung nna tara hkungga ai lam hta asak hkrung mayu ai wa kadai mung zingri zingrat ai hkrum na ra ai.

1 PETRU 2:21

Dai hte maren nanhte galaw hkan sa na matu she, Karai Kasang gaw nanhte hpe shaga la manit dai; hpa majaw nga yang Hkristu shi hkum nan mung nanhte a matu nni nkri hkrum wu ai hte nanhte shi a hkang hta hkan nang lu myit ga, nanhte a matu ningli tawn da nu ai.