MAHTE 16:23 - Jinghpaw Common Language Bible 2009

²³ Yesu mahtang kayin nna Petru hpe, “Satan e, ngai kaw na sit mat wa u! Nang myit ai lam gaw, Karai Kasang kaw na n rai, masha kaw na sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

Jinghpaw Hanson Version Bible

²³ Shi mahtang kayin nhtawm Petru hpe, “Satan e, nye hpang de sit mat wa u; Karai Kasang hte seng ai lam n rai, masha hte seng ai lam hpe sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

MAHTE 16:23 ပူးပေါင်းရင်းမြစ်များ

NINGPAWT NINGHPANG 3:17

Shi gaw lasha hpe mung, “Na madu jan a ga hpe nang madat nna, hkum sha ngu nna ngai tsun da ai hpun hta na asi hpe nang sha kau nit dai. Nang galaw kau nit dai amu a majaw aga gaw dagam dala hkrum na ra ai. Nang hkrung nga ai hte yang bungli shaja sha ra nna na a matu lusha hpe mung dai hta alaw alam galaw shapraw ra na ndai.

2 SAMUELA 19:22

Rai ti mung Dawi gaw Abishai hte shi a kahpu Yoab yan hpe, “Nan a myit nshat hpe kadai san yu a ta? Nan gaw ngai hpe ru yak shoichyum ai lam jaw na ngu myit ni? Ngai gaw Israela a hkawhkam wa rai nga nngai majaw dai ni e, Israela masha ni kadai mung sat kau hkrum lu na ma ai n rai,” ngu nna tsun wu ai.

1 HKAWHKAM LABAU 21:1

Satan gaw Israela amyu masha ni hpe sharu shatsang mayu wu ai majaw yuptung jahpan hta na matu Dawi hpe myit daw dan shangun wu ai.

ESAIA 8:14

Hkrit hkungga na zawn re ai nye a chyoi pra ai hpung shingkang a majaw, ngai gaw amyu masha ni hpe ahtu kataw shangun ai nlung zawn rai nga nngai; ngai gaw Yuda hte Israela a mungdan amyu masha ni hte Yerusalem mare masha ni hpe hkam ai mahkam zawn rai nga nngai.

MAHTE 16:22

Dai rai nna Petru gaw, Yesu hpe shaga la nna, “Dai nang hta n byin u ga,” ngu nna shi hpe jet kau wu ai.

MAHTE 18:7

Masha ni hpe makam masham myit kataw shangun ai baw lam ni nga ai majaw, mungkan ga na ni dingnye lu ma ai! Dai zawn re ai lam ni gaw galoi mung byin na ra ai rai ti mung masha hpe makam masham myit kataw shara shabyin ai wa gaw dingnye lu ai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

MARKU 8:33

Rai ti mung Yesu gaw kayin wa ai hte shi a sape ni hpe mada yu let, Petru hpe, “Satan e, ngai kaw na pru mat wa u. Na a myit ai lam ni gaw Karai Kasang kaw na n rai, masha kaw na she rai nga lit dai!,” ngu nna daru kau wu ai.

LUKA 4:8

Yesu gaw, “Dai Madu na a Karai Kasang hpe nang nawku lu na rai nna, shi hpe hkrai daw jau lu na ndai nga nna ka da nga ai,” ngu nna htan wu ai.

YAWHAN 6:70

Bai Yesu gaw, “Nanhte shi lahkawng hpe ngai lata la masa de ai n rai ni? Rai ti mung, nanhte hta na langai mi gaw nat matse rai nga ai,” ngu nna shanhte hpe htan mu ai.

ROMA 14:13

Dai re ai majaw, anhte shada da hpa n jeyang saga. Kadai rai ti mung, tinang a hpu nau wa yubak de ahtu kadawng shara hte myit kataw shara hpa n galaw hkra she myit daw dan saga.

ROMA 14:21

Na nhpu nnau wa hpe myit kataw shangun na lam rai yang gaw shan sha ai, sabyi lu ai shing n rai hpa baw sha hpa rai ti mung koi gam na gaw mai kaja ai lam rai nga ai.

HPILIPI 3:19

Dai ni gaw ngarai hta shanhte a lam htum na mara ai; hpa majaw nga yang dai ni a karai gaw shanhte a akan ngu ai hkum shan a marin marit ai lam tai nga ai. Shanhte gaw kaya kahpa lam hta gumrawng shara shatai ma ai hte ndai dinghta ga na arai hpe hkrai sha myit tsang nga ma ai.

KOLOSE 3:2

Ga ntsa e nga ai arai ni hpe n manoi nga ai sha ningtsa na arai ni hpe myit manoi nga mu.