MAHTE 16:21 - Jinghpaw Common Language Bible 2009

²¹ Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

Jinghpaw Hanson Version Bible

²¹ Dai aten kaw nna Yesu Hkristu gaw, Yerusalem mare sa lu na hte agyi salang ni, hkinjawng agyi ni hte laika ka ai sara ni a lata hta e nni nkri law law wa hkrum nna, sat kau na hpe hkam la nhtawm, masum ya nhtoi hta e, bai sharawt la lu na lam, shi a sape ni hpe madun dan hpang wu ai.

MAHTE 16:21 ပူးပေါင်းရင်းမြစ်များ

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

MAHTE 16:22

Dai rai nna Petru gaw, Yesu hpe shaga la nna, “Dai nang hta n byin u ga,” ngu nna shi hpe jet kau wu ai.

MAHTE 16:28

Ngai nanhte hpe teng teng tsun made ga, nang e tsap nga ai ni nkau mi, dai Masha Kasha gaw Hkawhkam hku du sa wa ai hpe garai n mu mu gaw, si ai n hkrum na ma ai,” ngu mu ai.

MAHTE 17:12

Rai ti mung, ngai nanhte hpe tsun made ai gaw, Elia du boi sai rai nna shanhte shi hpe n chye mu ai majaw, shanhte myit ra ai hte maren di kau manu ai. Dai Masha Kasha mung, shanhte a lata hta dai hte maren nni nkri hkrum na ra ai,” ngu mu ai.

MAHTE 17:9

Ya dai bum na shanhte yu wa ma yang, Yesu gaw, “Dai Masha Kasha si ai ni kaw na sharawt la ai garai n hkrum hkrum gaw, ndai nanhte mu lu ai shingran hpe, kadai hpe mung hkum tsun dan myit,” ngu nna shanhte hpe hkang dat mu ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 26:2

“Lahkawng ya lai jang, dai Shalai wa ai Poi du na ra ai, nanhte chye nga myit dai rai nna, Masha Kasha hpe wudang hta e jen da na matu ap kau ai hkrum na ra ai,” ngu mu ai.

MAHTE 26:47

Yesu ga naw tsun nga yang, sape shi lahkawng hta lawm ai Yuda du sa wa ai. Hkinjawng agyi ni hte mung masha ni a salang ni e shangun dat ai nhtu hte dawhkrawng ni lang ai shawa hpawng kaba shi hte rau lawm sa wa ma ai.

MAHTE 27:12

Rai ti mung Hkinjawng agyi ni hte salang ni shi hpe mara shagun ai lam ni hpe shi hpa mung n htan ya mu ai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

MAHTE 28:6

Shi nang e nga ai n rai, shi tsun da sai hte maren, shi bai hkrung rawt wa sai: sa marit, shi taw lai wa sai shara hpe sa yu maru.

MARKU 8:31

Dai shaloi Yesu gaw, “Dai masha Kasha gaw nni nkri law law wa hkrum nna, agyi salang ni, hkinjawng agyi ni hte tara sara ni e nyet kau ai hkrum na ra ai. Shi hpe sat kau na mara ai, rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya hpang mu ai.

MARKU 9:12

Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

LUKA 17:25

Rai ti mung, dai garai n byin yang, shawng nnan shi gaw nni nkri law law hte, ndai prat na masha ni e nyet ndang kau ai naw hkrum na rai nga ai.

LUKA 24:46

Madu gaw, “Chyum Laika hta Meshia gaw nni nkri hkam nna masum ya du ai nhtoi e, si ai kaw na bai hkrung rawt wa na ra ai.

LUKA 9:31

Shan gaw hpung shingkang hte dan pru nna Karai Kasang a myit ra ai lam hte maren gade nna yang, Yerusalem mare e Madu Yesu shatup shadik ai hkam lu na lam shi hte ga tsun nga ma ai.