MAHTE 16:19 - Jinghpaw Common Language Bible 2009

¹⁹ Sumsing lamu na mungdan a sumsaw ni ngai nang hpe ap ya na de ai rai nna, dinghta ga hta nang jep hkum da mada gaw, sumsing lamu hta mung Karai Kasang gaw jep hkum da na ra ai. Ga ntsa e nang ahkang jaw majaw gaw, sumsing lamu hta e mung ahkang jaw na ra ai,” ngu nna shi hpe htan wu ai.

Jinghpaw Hanson Version Bible

¹⁹ Sumsing lamu na mungdan a sumsaw ni ngai nang hpe ap ya na de ai rai nna, dinghta ga hta nang gyit da mada gaw, sumsing lamu hta mung gyit da ai hkrum na ra ai; dinghta ga hta nang raw maraw gaw, sumsing lamu hta mung, raw kau ai hkrum na ra ai,” ngu nna shi hpe htan wu ai.

MAHTE 16:19 ပူးပေါင်းရင်းမြစ်များ

ESAIA 22:22

Ngai gaw Dawi a aru arat hta na hkawhkam wa a npu e hkum tsup ai daru magam ahkang aya shi hpe ap ya na nngai. Shi gaw dai nta a sumsaw hpe jum da na ra ai, shi hpaw da ai hpe kadai mung pat na n rai, shi pat da ai hpe kadai mung hpaw na n rai.

MAHTE 18:18

“Ngai nanhte hpe teng teng tsun made ga, dinghta ga hta nanhte hkum da mada gaw, sumsing lamu hta mung hkum da ai hkrum na mara ai. Dinghta ga hta nanhte ahkang jaw majaw gaw, sumsing lamu hta mung ahkang jaw ai hkrum na mara ai.

YAWHAN 20:23

Nanhte gaw gade a yubak mara ni hpe raw dat kau ya myit yang gaw, shanhte yubak mara raw dat ya ai hkrum na mara ai. Gade a yubak mara ni hpe rai ti mung, nanhte n raw dat kau ya myit yang gaw, shanhte yubak raw dat ai hkrum na mara ai n rai,” ngu nna shanhte hpe tsun mu ai.

KASA 15:7

Dai lam hpe galu galang san htai lai hkat ai hpang, Petru rawt nna shanhte hpe, “Hpu nau ni e, maigan masha ni dai Kabu Gara Shiga na la nna kam sham wa na matu Karai Kasang gaw lai wa sai tsawmra na sai aten kaw nna dai Kabu Gara Shiga hpe tsun shana dan na nanhte a kata kaw na Karai Kasang ngai hpe lata san da sai gaw nanhte chye nga myit dai.

2 KORINHTU 2:10

Nanhte gaw marai langai ngai hpe shi shut ai mara dat kau ya myit yang, ngai mung raw dat ya nngai. Hpa majaw nga yang, lama rai nna masha marai langai ngai hpe mara dat ya ra wa ai shaloi, ngai gaw nanhte a myi man hpe tau nna Hkristu a man e shi a mara hpe dat ya nngai.

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.

SHINGRAN 11:6

Shan gaw dai Karai Kasang a mungga htawn tsun myihtoi htoi ai nhtoi hte hta, marang n htu lu u ga, lamu hpe pat kau na ahkang lu ma ai; hka hpe sai shatai kau na ahkang mung, shan gaw tinang ra ai ten shagu hta mungkan ga hpe ana zinli amyu shagu hte tsin-yam dat na ahkang mung lu ma ai.

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.

SHINGRAN 9:1

Bai, manga ngu na lamu kasa gaw, shi a pahtau dum dat wu ai. Shaloi, lamu de nna ga ntsa de shagan langai mi di hkrat wa ai hpe ngai mu nngai. Dai shagan hpe dai sung htum ai shara na nhkun a sumsaw ap ya wu ai.