MAHTE 16:18 - Jinghpaw Common Language Bible 2009

¹⁸ Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

Jinghpaw Hanson Version Bible

¹⁸ Bai, nang hpe ngai tsun de ga, Nang Petru rai nga ndai hte, ndai lunghkrung ntsa e nye a Hpung hpe ngai de da na we ai rai nna. Katsan ga na chyinghka ni, dai hpe dang kau lu na n rai.

MAHTE 16:18 ပူးပေါင်းရင်းမြစ်များ

NINGPAWT NINGHPANG 22:17

Na a amyu matu ni hpe mung lamu na shagan ni shing n rai panglai zaibru ni zawn ngai nang hpe jaw na nngai. Na amyu matu ni mung shanhte a gumlau hpyen ni hpe dang kau lu na mara ai.

2 SAMUELA 18:4

Hkawhkam wa mung, “Nanhte myit ai lam shagu kaja htum nga myit dai majaw dai hku ngai hkan galaw na nngai,” ngu nna htan wu ai. Dai hpang shi gaw mare chyinghka lam makau e tsap nga yang, shi a masha ni mahtang hkying dap, latsa dap rai nna pru sa wa ma ai.

YOBA 38:17

Nang hpe kadai wa sin mak ai katsan ga hpe sin ai chyinghka ni hpe madun yu sani?

SHAKAWN KUNGDAWN 107:18

Shanhte gaw lusha shahpa hpe pyi n kam yu mat mu ai hte, si hkrung si htan a chyinghka de ni wa nga ma ai.

SHAKAWN KUNGDAWN 127:5

Dai zawn re ai pala law law lu ai masha wa gaw a nga ai. Shi gaw shi a gumlau hpyen ni hte tara rung e hkrum ti mung, sum ai lam galoi mung hkrum na n rai.

SHAKAWN KUNGDAWN 129:2

“Ngai naw kaji nga ai aten kaw nna, nye a gumlau hpyen ni ngai hpe mazut ai hku zingri nga ma ti mung, shanhte ngai hpe n dang lu ma ai.

SHAKAWN KUNGDAWN 69:12

Mare lam ni hta, shanhte nye a lam hpe hkan shatan nga ma ai; chyaru nang ai ni mung, laka ga ni hte nye a lam hpe asawng nga ma ai.

SHAKAWN KUNGDAWN 9:13

Madu e, ngai hpe matsan dum la e law! Nye a gumlau hpyen ni ngai hpe jahkrum ai nni nkri lam ni hpe mu ya e! Madu e, si hkrung si htan kaw nna ngai hpe mawai la e,

GA SHAGAWP 24:7

Hpaji ga gaw angawk ai masha wa chye na hkawn hkrang na matu, nau wa sung la nga ai. Shi gaw ahkyak ai amu ni hpe bawng ban ai shaloi, tsun dan na lam hpa mung n lu nga ai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ESAIA 28:6

Shi gaw tara agyi amu galaw ai ni hpe teng man ai nyan hte, mare chyinghka lam e hpyen hkap manga kau lu ai ni hpe n-gun atsam jaw na ra ai.

ESAIA 38:10

Ngai gaw asak hpungngang aten e Katsan ga de sa mat wa nna Galoi mung asak bai hkrun na n rai ni ai ngu myit nawn la nngai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

YONA 2:6

Ngai gaw bum ni a npawt de yu mat wa nna, katsan ga a chyinghka ni htani htana pat da nga ai. Rai ti mung, O Madu nye a Karai Kasang e, nang chyawm gaw ngai hpe sung htum ai shara kaw na woi la nga nit dai.

MAHTE 10:2

Ya dai kasa shi lahkawng a mying ni gaw ndai ni rai nga malu ai; shawng na wa Petru ngu ai Simun hte shi a kanau Andre; Zebedi a kasha Yaku hte shi a kanau Yawhan;

MAHTE 11:23

Nang mung Kurazin e, lamu du hkra shagrau sharawt ai hkam la lu na ra ai ngu nna nawn da wu ni? Katsan ga du hkra jahkrat kau ai nang hkrum na rin dai. Hpa majaw nga yang, nang hta dan ai mauhpa magam bungli ni hpe, Sodom hta e shabyin taw gaw, dai mare gaw dai ni du hkra naw agrin nga na rai nga ai.

MAHTE 18:17

Shanhte a ga hpe shi n madat hkraw a yang gaw, dai lam yawng mayawng dai hpung hpe sa shana ya mu. Hpang jahtum dai hpung hpe mung n madat hkraw a yang gaw, tara maigan wa shing n rai, kang hta ai wa hpe zawn na a man e shi rai u ga.

MAHTE 4:18

Ya, Yesu Galile nawng makau e garet hkawm nga yang, shan nau rai nga ai nga hkan sha ai masha marai lahkawng, Petru ngu ai Simun hte shi a kanau Andre yan gaw, shan a sumgawn langai mi hte nawng hta e nga hkan nga ma ai hpe shi mu hkrup wu ai.

MAHTE 7:24

“Ndai nye a ga na nna hkan galaw ai wa kadai mung, tinang a nta hpe lunghkrung ntsa e gap da ai hpaji rawng ai wa hte bung nga ai.

YAWHAN 1:42

Dai hpang shi gaw Simun hpe Yesu hpang de woi sa wu ai. Yesu gaw shi hpe hkap yu nna, “Nang gaw Yawhan a kasha Simun rai nga ndai; rai ti mung nang hpe Kehpa ngu nna shamying na rai nga ai,” ngu wu ai. (Kehpa ngu ai gaw Petru (Nlung) ngu ai lachyum re.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

KASA 8:1

Shawlu mung dai masha sat ai amu hta awlaw lawm nga ai. Dai shani kaw nna Yerusalem mare na hpung gaw zingri zingrat kaba laja lana hkrum hpang wa sai. Kasa ni hta lai nna kam sham ai ni yawng gaw, Yuda mung, Samari mung, shara magup hkan e bra ayai mat wa ma ai.

1 KORINHTU 15:55

“Si hkrung si htan e, na a padang ninghkaw kanang nga nga a ta? Si hkrung si htan e, na a palen kanang nga nga a ta?,”

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

EHPESU 3:10

Shing rai galaw ai lam gaw lamu kasa hte seng ai up hkang ai ni hte sumsing mungdan kata na n- gun atsam ni gaw Madu a hpaji byeng-ya amyu myu hpe ya aten hta nawku hpung marang e sharin chye la shangun na matu rai nga ai.

EHPESU 5:32

Ndai lam gaw Chyum Laika hta shadan dan ai sung htum ai teng man lam langai mi rai nna Hkristu hte hpung hpe lakap nna tsun ai ga re ngu nna ngai chye na we ai.

KOLOSE 1:18

Shi gaw shi a hkum hkrang ngu ai Hpung a baw rai nga ai. Shi nan dai hkum hkrang hte seng ai asak a npawt rai nga ai. Shi chyu sha lam shagu hta nambat langai shara la da nna yawng mayawng a nhtung nhka tai wa u ga, si mat ai ni kaw na hkrung sharawt la ai Kasha alat ningshawng rai nga ai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

1 TIMOHTI 3:5

Masha langai mi gaw shi a nta dinghku hpe gara hku up hkang na lam n chye ai rai yang gaw, Karai Kasang a nawku hpung hpe gara hku lanu lahku lu na rai nga a ta?

HEBRE 12:28

Dai rai nna anhte lu la ai mungdan gaw n shamu n shamawt lu ai rai nna, anhte Karai Kasang hpe chyeju dum nga ga. Anhte gaw chyeju dum let hkrit hkungga ai myit hte Madu sharawng awng na hku Karai Kasang hpe nawku daw jau nga ga.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 21:14

Dai mare a bunghku hpe npawt nhpang nlung shi lahkawng a ntsa e gaw da nna, dai ni a ntsa e Sagu Kasha a kasa ni shi lahkawng a mying shingteng ni hpe ka kap da nga ai.