MAHTE 16:16 - Jinghpaw Common Language Bible 2009

¹⁶ Simun Petru gaw htan nna, “Nang gaw Meshia ngu ai ahkrung nga ai Karai Kasang a Kasha rai nga ndai,” ngu wu ai.

Jinghpaw Hanson Version Bible

¹⁶ Simun Petru gaw htan nna, “Nang gaw Hkristu ngu ai ahkrung nga ai Karai Kasang a Kasha rai nga ndai,” ngu wu ai.

MAHTE 16:16 ပူးပေါင်းရင်းမြစ်များ

SHAKAWN KUNGDAWN 2:7

Hkawhkam wa gaw, “Madu kaning nga tsun ai lam hpe ngai tsun shabra na nngai,” nga nna tsun ai. Shi gaw ngai hpe, ‘Nang gaw nye a kasha rai nga ndai; dai ni, ngai gaw na a kawa tai nga ni ai.

SHAKAWN KUNGDAWN 42:2

Ahkrung nga ai Karai Kasang e, ngai nang hpe shagroi gara nga nngai; ngai gaw na a man e, galoi wa mi she, sa wa lu nna, nawku daw jau lu na rai nga a ta?

Daniela 6:26

Nye a mungdan ting hta nga nga ai masha shagu hte gaw Daniela a Karai Kasang hpe hkrit kamyin ai hte hkungga lara ang nga ai ngu, ngai hkang da nngai. “Shi gaw ahkrung nga ai Karai Kasang rai nga ai, shi gaw htani htana up hkang na ra ai. Shi a mungdan galoi mung hten run mat na ra ai n rai, shi a daru magam n-gun galoi mung htum mat na ra ai n rai.

MAHTE 1:16

Yaku gaw Meshia ngu ai Yesu a kanu hpe hkungran la ai Yosep hpe shaprat wu ai.

MAHTE 14:33

Dai shaloi li kata e nga ai sape ni mahtang shi hpe nawku nna, “Nang gaw Karai Kasang a Kasha kaja wa teng teng rai nga ndai,” ngu mu ai.

MAHTE 16:15

Bai shi gaw, “Nanhte mahtang ngai hpe kadai wa rai nga ai, nga nga myit ta?,” ngu wu ai.

MAHTE 26:63

Yesu mahtang atsin sha nga nga ai. Bai Hkinjawng Agyi Kaba wa gaw, “Nang gaw Karai Kasang a Kasha ngu ai Meshia rai nga ndai kun? Anhte hpe tsun dan mi ga, ngu nna ahkrung nga ai Karai Kasang a mying nsang hta ya ngai nang hpe dagam da de ai,” ngu nna shi hpe tsun wu ai.

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

MAHTE 4:3

Shaloi, dai gunglau ai Nat shi kaw du nna, “Nang Karai Kasang a Kasha rai n-yang gaw, ndai nlung ni hpe muk tai mu ga, tsun u!,” ngu wu ai.

MARKU 14:61

Rai ti mung Yesu gaw atsin sha nga nna ga hkaw mi mung n htan wu ai. Bai Hkinjawng Agyi Kaba wa gaw, “A lu ai Karai Kasang a Kasha, Meshia nang rai nga n ni?,” ngu nna shi hpe san wu ai.

LUKA 2:11

Dai ni na nhtoi hta Hkye Hkrang La ai Wa Hkristu ngu ai Madu gaw, Dawi a mare e nanhte a matu shangai wa sai.

YAWHAN 1:49

Nahtanela gaw, “Sara e, nang gaw Karai Kasang a Kasha rai nga ndai,” ngu nna shi hpe htan wu ai.

YAWHAN 11:27

Shaloi Marhta gaw, “Rai sa, Madu e, nang gaw ndai mungkan ga de du sa na ra ai Meshia ngu ai Karai Kasang a Kasha rai nga ndai hpe ngai kam nga nngai,” ngu nna htan wu ai.

YAWHAN 20:31

Rai ti mung, Yesu gaw Karai Kasang a Kasha ngu ai Meshia rai nga ai hpe, nanhte kam sham lu nna, shi hpe kam sham ai a marang e asak hkrung ai lu la myit ga, ngu nna ndai hte wa ka tawn da nga ai.

YAWHAN 6:57

Ahkrung nga ai nye Wa gaw, ngai hpe shangun dat ai rai nna, ngai gaw Wa a majaw hkrung nga nngai. Dai hte maren, ngai hpe sha ai wa mung, nye a majaw hkrung nga na ra ai.

YAWHAN 6:68

Shaloi Simun Petru gaw, “Madu e, anhte kadai hpang de wa na rai nga a ta? Nang gaw htani htana asak jaw ya ai mungga lu ndai.

YAWHAN 6:69

Nang gaw Karai Kasang kaw na du sa ai chyoi pra ai Wa rai nga ndai hpe anhte kam sham ai hte chye lu saga ai,” ngu nna shi hpe htan wu ai.

KASA 14:15

Hkau hte e, “Hpa rai dai galaw wa myit ta? An mung nanhte hte maren shinggyim masha yan sha arai ga ai! Ndai kaman lila amu ni hpe kau da nna, sumsing lamu hte ginding aga nammukdara hte dai hta rawng ai nga manga hpe hpan tawn da ai ahkrung nga ai Karai Kasang hpang de kayin wa myit ga, ngu nna she nanhte hpe dai Kabu Gara Shiga hkaw dan ai rai ga ai.

KASA 8:36

Shing rai shan hkawm sa wa ma yang hka nga ai shara langai mi kaw du jang dai du wa gaw, “Yu u, nang e hka nga nga ai; ngai hkalup hkam na hpa hkum shara nga a ta?,” ngu wu ai.

KASA 8:37

Hpilip gaw, “Na a myit masin mahkra hte nang kam sham nit yang gaw hkam la mai ai,” ngu wu ai. Shi mung, “Yesu Hkristu Karai Kasang a Kasha rai nga ai hpe ngai kam sham ni ai,” ngu nna htan wu ai.

KASA 9:20

Shi gaw tara jawng ni de alawan sa du nna Yesu gaw Karai Kasang a Kasha rai nga ai lam hkaw dan nga ai.

ROMA 1:4

Chyoi Pra ai Karai hkum hku nna Karai Kasang a Kasha nan rai nga ai hpe shadan dan na matu Karai Kasang gaw hpung shingkang kaba hte dai Madu hpe si ai kaw na bai jahkrung sharawt dat nu ai.

2 KORINHTU 1:19

Hpa majaw nga yang, nanhte hpe ngai hte Sila yan Timohti hkaw dan sai Karai Kasang a kasha Hkristu Yesu gaw, “Re ai hte n re ai,” kayau kaya re ai wa n rai. Kaja wa nga yang shi gaw Karai Kasang a myit ra ai lam hpe, “Re ai,” ngu nna tsun ai Madu rai nga ai.

2 KORINHTU 3:3

Dai laika hpe Hkristu shi nan ka nhtawm, anhte hte shagun dat ai gaw dan leng nga ai. Dai laika hpe tsi hte n ka ai sha hkrung nga ai Karai Kasang a wenyi hte, bai lungpa ni hta n re ai sha shinggyim masha ni a kraw lawang ni hta ka da nga ai.

2 KORINHTU 6:16

Karai Kasang a nawku htingnu gaw gawng-ngu sumla ni hte kaning di nna myit hkrum lu na rai ta? Hpa majaw nga yang, anhte gaw ahkrung nga ai Karai Kasang a nawku htingnu ni rai nga ga ai! Karai Kasang shi nan, “Ngai gaw nye a amyu masha ni hta nye a nta shatai nna, shanhte hta shanu nga na nngai; Ngai shanhte a Karai Kasang tai nga na nngai rai nna, shanhte gaw nye a amyu masha ni tai na mara ai,” nga nna tsun ai.

TARA JAHPRANG 5:26

Wan kata kaw na shaga ai dai ahkrung nga ai Karai Kasang a nsen hpe na ai shinggyim masha kadai wa hkrung nga lu a ta?

1 HTESALONI 1:9

Nanhte kaw anhte sa du ai shaloi, nanhte gara hku anhte hpe hkap hkalum la myit dai hpe mung, nanhte gaw ahkrung nga ai hte teng man ai Karai Kasang hpe daw jau lu na matu gawkngu sumla ni hpe shinggan kau nhtawm, Karai Kasang hpang de kaning rai kayin wa myit dai mung,

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

1 TIMOHTI 4:10

Shinggyim masha yawng hte, grau nna kam sham ai ni a hkye hkrang la ai Madu rai nga ai ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw ai lam aja awa shakut nga ga ai.

HEBRE 10:31

Hkrung nga ai Karai Kasang a lata de hkrat bang wa ai lam gaw nachying hkrithpa wa rai nga ai!

HEBRE 12:22

Nanhte chyawm gaw Sina Bum a malai Ziun Bum hte lamu kasa mun sen nga ai ahkrung nga ai Karai Kasang a mare ngu ai sumsing lamu na Yerusalem mare de du nga manit dai.

HEBRE 3:12

Kam sham ai hpu nau ni e, ahkrung nga ai Karai Kasang kaw na htak mat wa hkra n hkru n shawp kam shut chye ai myit masin rawng ai masha nanhte hta na langai mi mung n lawm malit ga, sadi nga mu.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.

1 YAWHAN 4:15

Yesu gaw Karai Kasang a Kasha rai nga ai nga nna marai langai ngai yin la ai rai yang, shi gaw Karai Kasang hte langai sha tai nna nga nga ai, Karai Kasang mung shi hte langai sha tai nna nga nga ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.

1 YAWHAN 5:5

Yesu gaw Karai Kasang a kasha rai nga ai nga nna kam sham ai wa sha n rai yang gaw mungkan ga hpe kadai wa dang kau lu na rai nga a ta?

SHINGRAN 7:2

Bai, ahkrung nga ai Karai Kasang a dazik lang tawn da ai lamu kasa langai mi sinpraw maga de nna pru lung wa ai hpe ngai mu nngai. Shi gaw lamu ga hte panglai hpe jahten shaza kau na ahkang jaw da hkrum ai lamu kasa mali hpe,