MAHTE 16:1 - Jinghpaw Common Language Bible 2009

¹ Shaloi, Hparishe ni hte Saduke ni Yesu kaw sa du nna, shi hpe chyam dinglik yu let, Karai Kasang kaw na shangun dat ai wa re n re ai lam chye lu na matu lamik kumla madun dan mi ga, hpyi ma ai.

Jinghpaw Hanson Version Bible

¹ Shaloi Hparishe ni hte Saduke ni sa du nna, shi hpe chyam dinglik yu let, lamu de na lamik kumla madun dan mi ga, hpyi ma ai.

MAHTE 16:1 ပူးပေါင်းရင်းမြစ်များ

GA SHAGAWP 26:5

Lachyum n pru ai ga san hpe lachyum n pru ai mahtai jaw ya u; dai shaloi, san ai wa gaw shi chye dum ai zawn shi n rai taw nga ai hpe chye na wu ai.

MAHTE 12:14

Hparishe ni chyawm gaw tara jawng na pru mat wa nna, shi hpe kaning di sat kau lu na lam bawng nga ma ai.

MAHTE 15:1

Dai shaloi e, Yerusalem mare de na Hparishe ni hte tara Sara nkau mi Yesu kaw sa du nna,

MAHTE 16:6

Shaloi Yesu gaw, “Hparishe ni hte Saduke ni a matsi hpe sadi maja let koi gam nga mu,” ngu nna tsun mu ai.

MAHTE 19:3

Hparishe nkau mi Yesu kaw sa du nna shi hpe mara rim na matu mahkam hkam ai hku maw let, “Hpa mara a majaw mi rai rai, masha langai mi tinang a madu jan hpe jahka kau na anhte a tara hta ahkang jaw da nga a ni?,” ngu nna san yu mu ai.

MAHTE 22:15

Hparishe ni pru mat wa nna Yesu hpe mara shagun lu hkra gara hku ga san ni san na lam bawng ban ma ai.

MAHTE 22:18

Yesu mahtang, shanhte a n hkru n kaja ai hku maw mawn ai lam hpe chye ya mu ai majaw, “Sawt ai ni e nanhte ngai hpe hpa rai chyam yu nga myit ta?

MAHTE 22:23

Dai shani nan Saduke nkau mi gaw Yesu kaw sit sa wa ma ai. Shanhte gaw si mat wa ai masha ni bai hkrung rawt wa ai ngu ai hpe n kam ai ni rai ma ai.

MAHTE 23:2

“Tara sara ni hte Hparishe ni gaw Mawshe a jep ai Tara hpe lachyum htai dan na ahkaw ahkang lu da ai ni rai ma ai.

MAHTE 27:62

Hpang shani, Yuda ni a Laban Nhtoi rai nga ai dai laban kru ya du ai shaloi, hkinjawng agyi ni hte Hparishe ni Pilat hpang de sa zuphpawng nna,

MAHTE 5:20

Dai rai nna, ngai nanhte hpe tsun made ai gaw, Karai Kasang a myit ra ai lam hpe hkan sa galaw ai lam hta Hparishe ni hte tara sara ni hta n grau malit yang gaw, sumsing lamu a mungdan hta nanhte shang lu na myit dai n rai.

MAHTE 9:11

Hparishe nkau mi dai hpe mu ma yang, shanhte gaw, “Nanhte a sara gaw kang hta ai ni hte rau hpa rai shat pawng sha a ta?,” nga nna shi a sape ni hpe san mu ai.

MARKU 10:2

Shaloi Hparishe nkau mi Yesu kaw sa du nna, shi hpe mara rim lu hkra hpaji daw ai hku nna, “Anhte a tara hta, masha langai mi tinang a madu jan hpe jahka kau na ahkang jaw da a ni?, anhte hpe tsun dan mi,” nga nna shanhte san ma ai.

MARKU 12:15

Yesu gaw shanhte a myit magaw hpaji daw ai lam hpe mu chye ya mu ai rai nna, “Nanhte ngai hpe hpa rai mara tam mayu nga myit ta? Dai gumhpraw dengga lap mi ngai kaw la wa marit, ngai yu yu we ga,” ngu nna htan mu ai.

MARKU 12:18

“Masha gaw, si ai kaw na bai hkrung rawt wa na n re,” nga nna tsun ai Saduke nkau mi Yesu hpang de sa nna,

LUKA 10:25

Tara sara langai mi Madu kaw sa nna, “Sara e, n htum n wai asak lu la hkra, ngai hpa galaw na rai ta?,” ngu nna Yesu hpe chyam dinglik yu wu ai.

LUKA 11:16

Nkau mi mung, shi hpe chyam dinglik yu mayu nna, Karai Kasang lawm n lawm madun na matu, lamu de na lamik kumla langai mi hpyi ma ai.

LUKA 20:23

Rai ti mung Yesu gaw, shanhte a myit magaw hpaji daw ai lam hpe mu chye ya mu ai rai nna shanhte hpe,

LUKA 20:27

Dai shaloi, masha gaw si ai kaw na bai hkrung rawt wa na n rai, nga nna kam ai hte tsun ai Saduke nkau mi gaw Yesu kaw sa du nna,

YAWHAN 8:6

Shanhte shing nga san ai gaw, shi hta mara shagun na lam mu lu hkra, shi hpe chyam dinglik yu ai rai nga ai. Rai ti mung Yesu gaw, ga de gum nna ga hta layung hte ka mahkret let nga nga ai.

KASA 4:1

Petru yan Yawhan shawa masha ni hpe naw shaga nga ma yang, hkinjawng agyi ni, Nawku Htingnu sin ai ni a du wa hte Saduke nkau mi sa du ma ai.

KASA 5:17

Dai shaloi Hkinjawng Agyi Kaba wa hte, shi a manang ni buga Saduke hpung hta lawm ai masha ni gaw nachying manawn ai myit hkrai chyat rai nga malu ai rai nna kasa ni hpe lama ma di na hku shanhte daw dan ma ai.

1 KORINHTU 1:22

Dai hkaw dan ai mungga gaw, Karai Kasang kaw na re ai n re ai sakse mu lu na matu, Yuda ni gaw lamik kumla hpyi ma ai, Heleni ni mahtang gaw hpaji byeng-ya hpe tam ma ai.