MAHTE 15:4 - Jinghpaw Common Language Bible 2009

⁴ Hpa majaw nga yang, Karai Kasang gaw, ‘Na nwa hte nnu hpe hkungga lara di u; bai tinang a kanu kawa hpe matsa mawa ga tsun ai wa gaw, teng teng si u ga,’ nga nna tsun nga ai.

Jinghpaw Hanson Version Bible

⁴ Kaning rai nme law, ‘Na nwa hte nnu hpe hkungga lara di u; bai Tinang a kanu kawa hpe n hkru ai ga tsun ai wa gaw, teng teng si u ga,’ nga nna Karai Kasang tsun nga timung,

MAHTE 15:4 ပူးပေါင်းရင်းမြစ်များ

PRU MAT 20:12

“Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai.

PRU MAT 21:17

“Tinang a kanu kawa hpe matsa ai wa kadai mung si lu na rai wu ai.

GA SHAGAWP 20:20

Na a nnu yan nwa hpe dagam dala ga tsun ai rai yang, na a asak gaw htat ai nsin hta si mat ai pyengdin wan zawn htum mat na ra ai.

GA SHAGAWP 23:22

Na nwa a ga hpe madat mara u, shi a majaw n rai yang, nang nga pra lu na n rai; asak kaba sai na nnu hpe shareng hkungga ai lam madun dan u.

GA SHAGAWP 30:17

Kawa hpe asaw ale nga nna, asak kaba sai kanu a hkang da ai ga hpe asawng asang di kau ai wa kadai hpe rai ti mung, zai ai u hka ni gaw shi a myi hpe achye malawk kau ya nna langda ni mung, shi a mang hpe sha kau ya na ging nga ai.

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

JAW JAU 19:3

Nanhte langai hte langai gaw tinang a kanu kawa hpe hkungga lara na rai myit dai. Ngai hkang da sai Bansa Nhtoi hpe mung dum nga lu na rai myit dai. Ngai gaw dai Madu nanhte a Karai Kasang rai nga nngai.

JAW JAU 20:9

Dai Madu gaw ndai hkan sa na tara lam ni hpe jaw ya wu ai; kadai rai tim tinang kanu kawa hpe matsa ai wa gaw si ai hkrum na rai wu ai. Shi gaw shi a si hkrung si htan a matu lit lu nga ai.

MAHTE 15:3

Shi shanhte hpe htan nna tsun mu ai gaw, “Taw, nanhte wa gaw, hpa majaw Karai Kasang hkang da ai ga matsun hpe tawt kau nna tinang a htung lai ni hpe hkan nga myit ta?

MAHTE 15:5

Rai ti mung, nanhte mahtang gaw, marai langai ngai hta tinang a kanu kawa hpe karum madi shadaw na matu arung arai lama ma lu ti mung, ‘Dai gaw Karai Kasang hpe sak nawng kau ai arai rai mat sai,’ nga nna tsun jang,

MAHTE 19:19

na nnu yan nwa hpe hkungga lara di u; na a htingbu wa hpe na a hkum hte maren tsaw ra nga u,” ngu wu ai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

ROMA 3:31

Dai rai yang gaw, kam sham ai hte anhte gaw dai jep ai Tara hpe yeng seng kabai kau sagaw ni? N rai law! Anhte dai tara hpe shangang shagrin ga ai.

EHPESU 6:1

Ma ni e nanhte a Kanu yan Kawa a ga hpe madat mara nga mu, shing rai galaw ai gaw Hkristan ni hku nna galaw na ang ai amu rai nga ai;

TARA JAHPRANG 27:16

“ ‘Kanu kawa hpe n kaw n law di ai wa kadai mung Karai Kasang jaw ai dagam dala hkrum u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

TARA JAHPRANG 5:16

“ ‘Ngai Madu nanhte a Karai Kasang nan nanhte hpe jaw ya nga ai mungdan hta asak galu nna ngamu ngamai lu myit ga, ngai nanhte hpe hkang da ni ai hte maren tinang a kanu kawa ni hpe hkungga lara rai nga mu.