MAHTE 15:33 - Jinghpaw Common Language Bible 2009

³³ Sape ni mahtang, “Ndai daram wa law la ai shawa masha ni hpe daw jaw na matu shahpa law hkra ndai nam mali hta e kanang na lu la na ga ta?,” ngu nna shi hpe tsun mu ai.

Jinghpaw Hanson Version Bible

³³ Sape ni mahtang, “Masha nde wa nan hkru kat lu hkra muk ningsan wa, ndai nam mali hta e, kanang na lu la na ga ta?” ngu nna shi hpe tsun mu ai.

MAHTE 15:33 ပူးပေါင်းရင်းမြစ်များ

MAHTE 14:15

Ya shana de du yang, sape ni shi kaw sit sa wa nna, “Ndai shara nam mali rai nga ai hte, ahkying mung grai lai wa sai; shawa masha ni kahtawng hkan e sha hpa sa tam mari sha mu ga, shanhte hpe shabawn dat mu,” ngu mu ai.

MAHTE 15:32

Shaloi Yesu gaw shi a sape ni hpe shaga la nna, “Ndai masha hpung ni hpe ngai matsan dum nga nngai: Ya masum ya tup shanhte ngai hte rau nga nga masai rai nna, shahpa mung n nga ma salu ai; lam hkan e hku gwi n hkrum mu ga, kawsi nga ma yang, ngai shanhte hpe n shabawn dat mayu nngai,” ngu mu ai.

MAHTE 15:34

Yesu gaw, “Nanhte kaw muk gade wa nga nga a ta?,” ngu nna shanhte hpe san mu ai. Shanhte gaw, “Muk tawng sanit hte nga kaji loi mi nga nga ai,” ngu mu ai.

MARKU 6:37

Yesu gaw, “Nanhte nan shanhte hpe sha hpa lama ma jaw mu,” ngu nna htan wu ai, shanhte gaw, “Anhte sa nna gumhpraw lap lahkawng tsa hte shanhte hpe muk mari jaw na rai kun?,” ngu nna shi hpe san mu ai.

LUKA 9:13

Rai ti mung, Yesu gaw, “Nanhte nan shanhte hpe sha na lama ma jaw mu,” ngu nna tsun mu ai. Shanhte gaw, “Anhte kaw muk tawng manga hte nga lahkawng hta kaga hpa mung n nga ai. Ndai shawa masha mahkra ting a matu, anhte hpe lusha sa mari shangun mayu nga n ni?,” ngu mu ai.