MAHTE 15:32 - Jinghpaw Common Language Bible 2009

³² Shaloi Yesu gaw shi a sape ni hpe shaga la nna, “Ndai masha hpung ni hpe ngai matsan dum nga nngai: Ya masum ya tup shanhte ngai hte rau nga nga masai rai nna, shahpa mung n nga ma salu ai; lam hkan e hku gwi n hkrum mu ga, kawsi nga ma yang, ngai shanhte hpe n shabawn dat mayu nngai,” ngu mu ai.

Jinghpaw Hanson Version Bible

³² Shaloi Yesu shi a sape ni hpe shaga la nna, “Ndai masha hpung ni hpe ngai matsan dum nga nngai: ya masum ya tup shanhte ngai hte rau nga nga masai rai nna, shahpa hpa mung n nga masalu ai: lam hkan e hki ba htum ai n hkrum mu ga, kawsi nga ma yang ngai shanhte hpe n shabawn dat mayu nngai,” ngu mu ai.

MAHTE 15:32 ပူးပေါင်းရင်းမြစ်များ

2 HKAWHKAM 4:42

Bai kalang mi na masha langai mi Bala Shalisha kaw nna wa yang, dai shaning hta shawng shu la ai muk-yaw mam muk tawng hkun hte nsi naisi gungsi nnan loi mi Elisha kaw la sa ya wu ai. Shaloi Elisha gaw dai hpe myihtoi hpung mi hpe jaw sha na matu shi a shangun ma ni hpe tsun wu ai;

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

MAHTE 14:13

Yesu gaw Yawhan a lam shiga na jang, li jawn let dai yang kaw na pru mat wa nhtawm, shingran katsi ai shara de lagyim sa mat wa ai. Shawa masha ni dai na mu yang, shanhte gaw tinang a mare ni kaw na pru nna shi a hpang de hkarang hku hkan nang ma ai.

MAHTE 15:33

Sape ni mahtang, “Ndai daram wa law la ai shawa masha ni hpe daw jaw na matu shahpa law hkra ndai nam mali hta e kanang na lu la na ga ta?,” ngu nna shi hpe tsun mu ai.

MAHTE 20:34

Shaloi Yesu shan hpe matsan dum nna shan a myi hpe ahtawk ya mu ai; shaloi jang shan myi mu wa nna shi kaw hkan nang ma ai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

MAHTE 9:36

Dai shawa hpawng ni hpe shi mu jang, shi shanhte hpe matsan dum da mu ai; hpa majaw nga yang, shanhte gaw sagu rem wa n nga ai majaw ru tsang hkrum ai hte bra mat wa ai sagu ni hte bung nga ma ai.

MARKU 9:22

Nat gaw ma hpe sat kau lu hkra nga, wan hta mung, hka hta mung law law lang kadawng bang shangun wu ai. Madu nang rai lu n yang gaw, anhte hpe matsan dum nna karum la mi law!,” ngu wu ai.

LUKA 7:13

Madu gaw, dai gaida jan hpe mu jang, shi hpe matsan yu dum nna, “Hkum hkrap et,” shi hpe ngu wu ai.

KASA 27:33

Ya nhtoi htoi wa mahka e, Pawlu gaw shanhte mahkra hpe lusha sha na tsun shadut mayu wu ai rai nna nanhte kaning rai byin na lam hpe ala nga let, lusha hpa mung n sha ai nga ai gaw dai ni, shi mali ya na wa manit dai.

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.