MAHTE 15:31 - Jinghpaw Common Language Bible 2009

³¹ Dai rai nna, n chye shaga ai ni shaga lu ma ai, hkum hkrang hten ai ni mai tsai wa lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu ma yang shanhte mau mahka nga ma ai rai nna, Israela Karai Kasang hpe shakawn kungdawn shajang ma ai.

Jinghpaw Hanson Version Bible

³¹ Dai rai nna, n chye shaga ai ni shaga lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu mu yang, shanhte mau mahka nga ma ai rai nna, Israela Karai Kasang hpe shakawn kungdawn mu ai.

MAHTE 15:31 ပူးပေါင်းရင်းမြစ်များ

NINGPAWT NINGHPANG 32:28

Dai masha wa gaw, “Na a mying Yaku ngu lu sana n rai. Nang gaw Karai Kasang hte mung, masha ni hte mung malan da ting hkat ai hte dang kau nit dai; dai rai nna na a amying Israela rai na lit dai,” ngu nna tsun wu ai.

NINGPAWT NINGHPANG 33:20

Dai yang e, tawn hkungri langai mi shi galaw tawn da nhtawm dai hpe Ela, Israela a Karai Kasang ngu nna shamying wu ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 50:23

Chyeju dum ai shagu hkungga gaw ngai hpe shagrau sha-a ai lam rai nga ai; nye a ga madat mara ai ni yawng hte hpe ngai teng teng hkye hkrang la na nngai.”

PRU MAT 24:10

shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai.

MAHTE 15:30

Shaloi masha wunawng wuwa kaba shi kaw du sa ma ai hte, lagaw hten ai, myi kyaw ai, hkum hkrang hten ai ni, n chye shaga ai hte ana amyu myu kap ai machyi masha kaga law law hpe shanhte lahku sa ma ai rai nna Yesu a lagaw nhpang e shayu tawn da ma ai. Yesu mung shanhte hpe shamai shatsai ya mu ai.

MAHTE 18:8

“Na a lata, shing n rai, na a lagaw nang hpe makam masham hta myit kataw shangun n yang gaw, dai hpe kahtam dut kabai kau u! Lagaw lata hkum hkum re ai hte htani htana wan hta jahkrat kau ai hkrum na hta, lagaw shing n rai, lata n lawm ai sha asak hkrung ai de shang na gaw, grau mai nga ai.

MAHTE 21:14

Myi kyaw ai ni hte lagaw hten ai ni gaw, dai htingnu kata de shi kaw du ma ai rai nna, shi shanhte hpe shamai shatsai ya mu ai.

MAHTE 8:10

Dai ga hpe Yesu na ai shaloi shi mau nna shi kaw hkan nang ai ni hpe, “Nanhte hpe ngai teng teng tsun made ga, Israela amyu hta pyi dai hte wa kam sham ai gaw langai mi muk n mu hkrup ga nngai.

MAHTE 9:32

Dai yan pru mat wa jang, masha nkau mi gaw n chye shaga ai nat kap ai masha langai mi hpe shi kaw woi jashawn mu ai.

MAHTE 9:33

Rai ti mung, dai nat hpe shaden kau ai shaloi jang n chye shaga ai wa gaw shaga lu ai. Masha shagu mung mau nga ma ai hte, “Israela amyu hta ndai zawn re ai, galoi mung n mu yu ga ai!,” nga ma ai.

MAHTE 9:8

Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkaw ahkang jaw ai Karai Kasang hpe shakawn shagrau nga ma ai.

MARKU 2:12

Shanhte yawng la yu nga ma yang, dai masha wa rawt nna, shi a yup ra rai hta hpai let tin tin pru mat wa ai. Shanhte yawng mau mahka mat ma ai hte, Karai Kasang hpe shakawn kungdawn let, “Anhte galoi mung ndai zawn re ai n mu yu ga ai,” nga nna tsun ma ai.

MARKU 7:37

Dai byin ai lam hpe na lu ai masha yawng mayawng gaw nachying wa mau mahka mat ma ai rai nna, “Shi gaw lam yawng mayawng hte hpe mai kaja ai hku galaw lu nga ai! Na lahpang ai ni hpe na lu shangun nna, n chye shaga ai ni hpe ga tsun shangun lu ai!,” nga nna tsun shajang ma ai.

MARKU 9:43

Dai rai nna, na a lata gaw na a makam masham hpe myit kataw shangun a yang gaw, dai hpe kahtam dut kau u! Lata lahkawng ahkum ara hte ngarai mung na n si n krip ai wan hta shang na hta lata maga mi n tu ai hte asak hkrung ai de shang na gaw grau mai nga ai.

LUKA 14:13

Nang lusha poi galaw daw n yang, matsan mayan ni, jahten labye ni, lagaw hten ai ni hte myi kyaw ai ni hpe shaga la u.

LUKA 14:21

“Dai shangun ma wa gaw Madu kaw wa nna dai lam ni mahkra tsun dan wu ai. Dai ga na jang, nta madu wa gaw masin pawt la ai hte shi a shangun ma hpe, ‘Mare na nmaw lam ni hte htingwan lam ni de alawan sa nna, matsan mayan ni hte jahten labye ni, myi kyaw ai ni hte lagaw hten ai ni hpe shaga woi wa rit,’ ngu nna shangun dat wu ai.

LUKA 18:43

Dai wa gaw shaloi jang myi mu lu nna, Karai Kasang hpe shagrau sha-a let, Yesu kaw hkan nang wu ai. Dai byin ai lam hpe mu ai ni yawng, Karai Kasang hpe shakawn kungdawn nga ma ai.

LUKA 7:16

Masha yawng hte mung hkrit let mau mat shajang ma ai rai nna, Karai Kasang hpe shagrau sha-a let, “Myihtoi kaba anhte kaw paw pru ra ai, nga nna mung; Karai Kasang gaw shi a amyu hpe hkye la na matu du sa ra ai, nga nna mung,” shanhte tsun gara ma ai.

YAWHAN 9:24

Dai re ai majaw, dai hkritung nna myi n mu ai wa hpe lahkawng lang ngu na bai shaga la nhtawm, “Karai Kasang a man e teng man ai ga tsun na nngai ngu nna ga sadi jaw u, dai wa gaw yubak mara lu ai wa rai nga ai hpe anhte chye ga ai,” ngu nna shi hpe tsun mu ai.