MAHTE 15:28 - Jinghpaw Common Language Bible 2009

²⁸ Dai rai nna Yesu gaw, “Nang gaw kam sham myit kaba ai numsha rai nga ndai! Nang ra sharawng ai hte maren byin wa lit ga,” ngu nna shi hpe htan wu ai. Dai ahkying kaw nna nan, shi a shayi sha mai mat lu ai.

Jinghpaw Hanson Version Bible

²⁸ Dai rai nna Yesu gaw, “Numsha e; na a kamsham ai gaw kaba nga lit dai; nang tsaw nga ai hku byin wa lit ga,” ngu nna, shi hpe htan wu ai. Dai ahkying kaw nna, shi a shayi sha mai mat lu ai.

MAHTE 15:28 ပူးပေါင်းရင်းမြစ်များ

YOBA 13:15

Karai kasang ngai hpe sat ai rai yang, myit mada shara mahkra n nga mat na n rai ni? ngai gaw nye a amu hpe shi a man e tsun dan na nngai.

YOBA 23:10

Rai tim, ngai hkawm ai lagaw lahkam shagu hpe Karai Kasang chye nga ai; shi ngai hpe chyam dinglik yu ai rai yang, ngai san seng nga nngai hpe shi mu lu na ra ai.

SHAKAWN KUNGDAWN 145:19

Shi hpe hkrit hkungga ai ni a ra kadawn ai lam ni hpe shi jaw ya nna; shanhte a hpyi jahtau ai nsen ni hpe na ai hte shanhte hpe hkye hkrang la mu ai.

SHARUNG SHAYAWT 3:32

Shi gaw anhte hpe yawn hkyen ai amu shapraw dan ti mung, anhte a matu shi a tsaw ra myit gaw kam ram ai hte n-gun ja nga ai.

MAHTE 14:31

Shaloi jang Yesu gaw shi a lata ladawn nna, shi hpe dun la let, “Ai n kam ai wa e! Hpa majaw nang kam shut nga n ta?,” ngu nna shi hpe tsun wu ai.

MAHTE 15:27

Dai num sha mahtang, “Rai nga ai Madu e, gwi ni gaw tinang a Madu a sha ku hta na hkrat ai ayun ayaw ngam ni hpe sha mai nga ai,” nga ai.

MAHTE 8:10

Dai ga hpe Yesu na ai shaloi shi mau nna shi kaw hkan nang ai ni hpe, “Nanhte hpe ngai teng teng tsun made ga, Israela amyu hta pyi dai hte wa kam sham ai gaw langai mi muk n mu hkrup ga nngai.

MAHTE 8:13

Dai hpang Yesu gaw, dai hpyen du wa hpe, “Nta de wa su, nang kam sham ai hte maren, nang hta byin u ga,” ngu dat wu ai. Dai ahkying hta nan dai shangun ma gaw mai mat lu ai.

MAHTE 9:22

Yesu mahtang kayin yu nna shi hpe mu wu yang, “Shayi sha e, ngwi pyaw nga n ga, na a kam sham ai gaw nang hpe shamai ya nit dai,” ngu wu ai. Dai ahkying kaw nna nan dai numsha mai mat nga ai.

MARKU 5:34

Yesu gaw, “Nye a shayi sha e, na a kam sham ai myit gaw nang hpe shamai ya nit dai. Ngwi pyaw ai hte wa su, na a machyi ai atsu atsam mai wa nu ga,” ngu nna tsun dat wu ai.

LUKA 17:5

Kasa ni gaw, Madu hpe, “Anhte a kam sham ai myit kaba shangun ya mi,” ngu nna hpyi mu ai.

LUKA 7:50

Rai ti mung, Yesu gaw numsha hpe, “Na a kam sham ai gaw nang hpe hkye la nit dai, apyaw sha wa nu,” ngu nna tsun dat wu ai.

LUKA 7:9

Yesu gaw dai ga na jang, dai wa a lam mau nna, shi kaw hkan nang ai shawa masha ni hpe kayin yu let, “Nanhte hpe ngai tsun made ga, Israela amyu hta pyi, ndai zawn kam sham ai gaw ngai n mu hkrup nngai,” ngu mu ai.

2 HTESALONI 1:3

Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.