MAHTE 15:27 - Jinghpaw Common Language Bible 2009

²⁷ Dai num sha mahtang, “Rai nga ai Madu e, gwi ni gaw tinang a Madu a sha ku hta na hkrat ai ayun ayaw ngam ni hpe sha mai nga ai,” nga ai.

Jinghpaw Hanson Version Bible

²⁷ Dai numsha mahtang, “Rai nga ai, Madu e; gwi ni gaw tinang a madu a sha ku hta na hkrat ai ayun ayaw hpe sha mai nga ai,” nga ai.

MAHTE 15:27 ပူးပေါင်းရင်းမြစ်များ

NINGPAWT NINGHPANG 32:10

Na a shangun ma wa, ngai gaw nang madun dan sai matsan dum ai chyeju hte sadi sahka lam mahkra hte n ging n dan la nga nngai. Nye a dawhkrawng langai mi hte sha, ndai Yawdan hka hpe rap di nngai; ya chyawm gaw ndai hpung lahkawng hte ngai nhtang wa ni ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

Daniela 9:18

O karai Kasang e, anhte a ga madat ya mi; anhte hpe mada yu nna anhte hkrum sha ai tsin-yam tsindam hpe mung, na a mying gang ai mare a nni nkri hpe mung mu ya e. Anhte gaw jaw ai amu galaw ga ai majaw n rai, nang nan matsan dum ai wa rai nga ndai majaw sha nang kaw anhte akyu hpyi nga ga ai.

MAHTE 15:26

Yesu gaw, “Kasha ni a shahpa hpe la nhtawm gwi ni hpe jaw kau na gaw n jaw nga ai,” ngu nna htan wu ai.

MAHTE 15:28

Dai rai nna Yesu gaw, “Nang gaw kam sham myit kaba ai numsha rai nga ndai! Nang ra sharawng ai hte maren byin wa lit ga,” ngu nna shi hpe htan wu ai. Dai ahkying kaw nna nan, shi a shayi sha mai mat lu ai.

MAHTE 5:45

Shing rai yang gaw, sumsing lamu e nga ai nanhte a Kawa a kasha ni nanhte tai na marin dai; hpa majaw nga yang, shi gaw n kaja ai ni hte kaja ai masha ni a ntsa e maren sha shi a jan hpe shi mai ya nga ai rai nna, kaja ai galaw ai ni hte n kaja ai galaw ai ni a ntsa e marang jahtu ya mu ai.

MAHTE 8:8

Shaloi dai hpyen du wa gaw, “Madu e, nye nta de nang sa shang na gaw, ngai n ging n dan nngai, na a ga hkaw mi sha tsun dat rit, shaloi nye a shangun ma mai mat na ra ai.

MARKU 7:28

Dai numsha mahtang, “Madu e, sha ku npu na gwi ni pyi ma ni a ahkyep alep ni hpe sha ga ma ai!,” ngu nna shi hpe htan wu ai.

LUKA 16:21

Dai wa hpe, sahti wa a sha ku na hkrat ai ahkyep alep ni hpe hta sha u ga nga nna myit mada let, shi a chyinghka makau e sa tawn da da di mu ai, gwi ni mung shi a nma ni hpe sa mata ya ma ai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

ROMA 10:12

Hpa majaw nga yang, dai hta yawng lawm nga ai rai nna, Yuda ni hte tara maigan masha ni a lapran e lachyen lahka n nga ai sha dai Madu gaw yawng mayawng a ntsa na Madu rai nga ai hte shi hpe shaga ai ni yawng mayawng hte hpe shaman chyeju nhpaw n-ya jaw ya mu ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

ROMA 3:29

Karai Kasang gaw Yuda amyu masha ni a Karai Kasang sha rai ni? Tara maigan masha ni a Karai Kasang mung rai nga ai n rai ni? Rai sa, shi rai nga ai.

ROMA 3:4

Shing n rai law! Masha shagu masu magaw ai ni rai ma ti mung, Karai Kasang gaw sadi dung nga na sha rai nga ai. Dai Chyum Laika hta, “Na a ga gaw nang ding hpring nga ai hpe madun lu na rai nna nang tara dara hkrum yang awng dang lu na rai ndai,” nga nna ka da ai hte maren rai nga ai.

EHPESU 3:19

Rai sa shi a tsaw ra myit hpe gaw, galoi mung tsep kawp chye lu na n rai, rai ti mung, nanhte gaw shi a tsaw ra myit hpe chye chyang wa nna Karai Kasang nan hkum dingnum nanhte hta e shanu nga u ga, ngu nna akyu hpyi nngai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,