MAHTE 15:23 - Jinghpaw Common Language Bible 2009

²³ Rai ti mung Yesu gaw ga hkaw mi pyi n htan wu ai. Shi a sape ni mung shi kaw sit sa nna, “Shi hpe shabawn kau u; shi anhte a hpang e hkan nang nna marawn jahtau bu nga ai,” ngu nna shadut mu ai.

Jinghpaw Hanson Version Bible

²³ Shi chyawm gaw ga hkaw mi pyi n htan wu ai. Shi a sape ni mung sit sa nna, “Shi hpe shabawn kau u; anhte a hpang e shi hkan jahtau nga ai,” ngu nna shadut mu ai.

MAHTE 15:23 ပူးပေါင်းရင်းမြစ်များ

NINGPAWT NINGHPANG 42:7

Yosep gaw shi a kahpu ni hpe mu ai shaloi, shi shanhte hpe chye matsing wu ti mung, shanhte hpe n chye ai zawn shi galaw dan wu ai. Shi gaw shanhte hpe nsen shaja let, “Nanhte kanang na du sa ai ni rai myit ta?,” ngu nna san wu ai. Shanhte gaw, “Nai mam malu masha mari na matu Hkanan mung kaw nna anhte du sa raga ai,” ngu nna htan mu ai.

SHAKAWN KUNGDAWN 28:1

Nye a dahpran shara rai nga ai Madu e, ngai nang hpe shaga nngai. Nye a hpyi jahtau ai nsen hpe madat ya e! Ngai shaga ai nsen hpe nang n htan ya ai rai yang, katsan ga e shang sa wa ai ni hta ngai lawm mat wa na nngai.

SHARUNG SHAYAWT 3:8

Ngai gaw karum la hkrum na matu aja wa jahtau nngai, rai ti mung Karai Kasang madat ya nga ai n rai;

MAHTE 14:15

Ya shana de du yang, sape ni shi kaw sit sa wa nna, “Ndai shara nam mali rai nga ai hte, ahkying mung grai lai wa sai; shawa masha ni kahtawng hkan e sha hpa sa tam mari sha mu ga, shanhte hpe shabawn dat mu,” ngu mu ai.

MAHTE 15:22

Dai buga shara e nga ai Hkanan amyu numsha langai mi, shi kaw sit sa nna, “Dawi a Kasha Madu e, ngai hpe matsan dum e law; nye a shayi sha nat e zingri nna grai machyi sawng nga ai,” nga nna jahtau let tsun wu ai.

MAHTE 15:24

Shaloi Yesu gaw, “Israela dap na dam mat wa ai sagu ni a matu sha ngai hpe shangun dat nngai,” ngu wu ai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.