MAHTE 15:22 - Jinghpaw Common Language Bible 2009

²² Dai buga shara e nga ai Hkanan amyu numsha langai mi, shi kaw sit sa nna, “Dawi a Kasha Madu e, ngai hpe matsan dum e law; nye a shayi sha nat e zingri nna grai machyi sawng nga ai,” nga nna jahtau let tsun wu ai.

Jinghpaw Hanson Version Bible

²² Shaloi, Yu mu, Hkanan amyu numsha langai mi, dai mung a ga jarit de na pru sa nna, “Dawi a Kasha, Madu e, ngai hpe matsan dum e law; nye a shayi sha nat e zingri ai grai hkrum nga ai,” nga nna jahtau let tsun wu ai.

MAHTE 15:22 ပူးပေါင်းရင်းမြစ်များ

SHAKAWN KUNGDAWN 4:1

Ngai hpe makawp maga ya ai Karai Kasang e! ngai akyu hpyi yang, htan ya e! Ngai ru tsang hkrum ai shaloi, nang ngai hpe karum la nit dai. Ngai hpe ya jang matsan dum ai hte nye a akyu hpyi ai ga hpe na ya e law.

SHAKAWN KUNGDAWN 45:12

Turu amyu masha ni nang hpe kumhpaw kumhpa sa jaw na mara ai; sut su ai ni mung na a myi man tam wa na mara ai.

SHAKAWN KUNGDAWN 6:2

O Madu e, ngai hki ba la nga nngai, ngai hpe matsan dum la e law! Ngai tsep kawp kya gumba mat nga nngai majaw ngai hpe n-gun jaw ya e.

EZEKELA 3:6

Ngai gaw nang hpe nang n chye na lu ai hte chye na yak ai ga ni hte shaga nna galu kaba ai masha amyu baw ni hpang de shangun dat ai rai yang, shanhte na a ga hpe madat na ma ai.

MAHTE 1:1

Ndai gaw Abraham a aru arat rai nga ai Dawi a matu mara Yesu Hkristu a labau gawn ai hta lawm ai kaji kawa ni a mying jahpan rai nga ai.

MAHTE 15:23

Rai ti mung Yesu gaw ga hkaw mi pyi n htan wu ai. Shi a sape ni mung shi kaw sit sa nna, “Shi hpe shabawn kau u; shi anhte a hpang e hkan nang nna marawn jahtau bu nga ai,” ngu nna shadut mu ai.

MAHTE 17:15

“Madu e, ngai sha hpe matsan dum la ya e law! Shi ma mu mu ai rai nna wan hta mung, hka hta mung law law lang htan malap kadawng bang bang re ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 9:27

Yesu gaw dai shara kaw na sat sa wa yang, myi kyaw ai masha lahkawng shi kaw hkan nang let, “Dawi a Kasha e, an hpe matsan dum la mi,” nga nna jahtau ma ai.

LUKA 17:13

“Madu Yesu e, anhte hpe matsan dum la mi law,” nga nna jahtau ma ai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

LUKA 6:18

Shanhte shi a ga madat la na hte tinang a machyi makaw ni hpe shamai la na matu sa ma ai. N san seng ai Nat ni a sharu shatsang hkrum ai ni mung mai mat ma ai.