MAHTE 15:21 - Jinghpaw Common Language Bible 2009

²¹ Ya, Yesu gaw dai yang na pru nna, Turu hte Sidon mare ni a makau mayang na ginwang hkan e sa du ma ai.

Jinghpaw Hanson Version Bible

²¹ Ya Yesu gaw dai yang na pru wa nna, Turu hte Sidun a mung ginwang hkan e sa du ai.

MAHTE 15:21 ပူးပေါင်းရင်းမြစ်များ

NINGPAWT NINGHPANG 49:13

“Zebulun gaw panglai makau e nga na ra ai. Shi a hka kau gaw sanghpaw li ni a matu daru tai na ra ai. Shi a lamu ga jarit mung Sidon du hkra maden na ra ai.

MAHTE 15:20

Dai hte gaw masha hpe awu asin di kau ai lam rai nga ai; lata n kashin ai hte sha ai mahtang gaw, masha hpe awu asin di kau wu ai n rai,” ngu mu ai.

YAWSHU 11:8

Dai Madu mung shanhte hpe Israela masha ni a lata de ap ya nna awng padang jaw ya wu ai rai nna, Israela ni mung shanhte hpe dingdung maga Misrehpot Ma-in hte Sidon du hkra mung, sinpraw maga Mizpa Kadit du hkra mung hkan shachyut gasat ma ai. Gumlau hpyen langai mung n ngam mat hkra matut gasat nga ai.

YAWSHU 13:6

Lebanon Bum ni kaw nna Misrehpot Ma-in lapran hta nga ai bum ga na masha nlang ngu ai Sidon masha mahkra a lamu ga lawm nga ai. Israela amyu masha ni rawt lung wa yang, ndai masha ni hpe ngai shaden kau na we ai. Ngai nang hpe hkang da ni ai hte maren, Israela amyu masha ni hpe dai lamu ga karan jaw lu na rai ndai.

TARA AGYI 1:31

Ashe amyu bawsang mung Ahko, Sidon, Alab, Akzib, Helaba, Ahpek, hte Rehob mare ni hkan nga nga ai masha amyu ni hpe n gawt shapraw kau ma ai.