MAHTE 15:20 - Jinghpaw Common Language Bible 2009

²⁰ Dai hte gaw masha hpe awu asin di kau ai lam rai nga ai; lata n kashin ai hte sha ai mahtang gaw, masha hpe awu asin di kau wu ai n rai,” ngu mu ai.

Jinghpaw Hanson Version Bible

²⁰ Dai hte gaw masha hpe awu asin di kau ai lam rai nga ai; lata n kashin ai hte muk sha na mahtang gaw, masha hpe awu asin di kau wu ai n rai,” ngu wu ai.

MAHTE 15:20 ပူးပေါင်းရင်းမြစ်များ

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

MAHTE 15:2

“Na a sape ni gaw hpa majaw anhte a ji wa ni matsun hkrat wa ai ahtung alai ni hpe tawt lai kau nga ma ta? Shanhte gaw lata atsawm sha n kashin ai nan, muk sha ma ai!,” ngu mu ai.

MAHTE 15:21

Ya, Yesu gaw dai yang na pru nna, Turu hte Sidon mare ni a makau mayang na ginwang hkan e sa du ma ai.

SHINGRAN 21:27

Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.