MAHTE 15:19 - Jinghpaw Common Language Bible 2009

¹⁹ Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

Jinghpaw Hanson Version Bible

¹⁹ Kaning rai nme law, myit masin hta na n hkru ai myit mang ai, masha sat na, num shaw na, num shut hpyit na, lagu na, n teng n man ai sakse hkam na hte shatan nhkan ai lam hte gaw byin pru wa ai.

MAHTE 15:19 ပူးပေါင်းရင်းမြစ်များ

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

SHAKAWN KUNGDAWN 119:113

Nang hta tsep kawp sadi n dung ai ni hpe ngai n ju n dawng nga nngai; rai ti mung, na a hkang da ai tara hpe chyawm gaw ngai tsaw ra nga nngai.

GA SHAGAWP 22:15

Ma ni gaw shingra maka hte maren, shanhte n grin n grang ndum ndam sadi sahka n nga ai amu hpe galaw nga ma ai; shingna hte kayat sharin ai gaw shanhte hpe kaja ai arawn alai hta hkan sa shangun nga ai.

GA SHAGAWP 24:9

Angawk ai wa a myit shapraw dat ai maw mawn lam hpa rai tim, yubak hte seng ai lam rai nga ai. Kaga masha ni hpe jahpoi jahpyak chye ai hta jan nna hpa n lu ai wa hpe masha ni n dawng nga ma ai.

GA SHAGAWP 4:23

Na a myit mang ai lam gaw na a asak hpe hkrang shapraw ya nga ai majaw, nang myit mang ai lam gara hku rai nga ai hpe sadi sahka nga u.

GA SHAGAWP 6:14

Shanhte a n gring ai myit masin ni hta n hkru ai lam hkrai maw mawn nna ru yak tsin-yam hpe shara shagu hkan e, shalut kabrawng ya nga ma ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

BU HKAWM 22:29

Balam mahtang, “Nang ngai hpe mana shachyoi kau nit dai majaw nhtu lu taw gaw, ngai nang hpe sat kau na we ai,” ngu nna htan wu ai.

MAHTE 15:20

Dai hte gaw masha hpe awu asin di kau ai lam rai nga ai; lata n kashin ai hte sha ai mahtang gaw, masha hpe awu asin di kau wu ai n rai,” ngu mu ai.

MAHTE 5:28

Rai ti mung, ya, ngai nanhte hpe tsun made ai gaw kadai rai ti mung numsha langai mi hpe madu mayu ai myit hte yu ai wa gaw, shi a myit hta, dai numsha hte num shaw ai mara galaw nu ai.

MAHTE 9:4

Yesu gaw shanhte a myit mang ai hpe chye ya jang, “Nanhte a kraw lawang ni hta e, hpa majaw n kaja ai myit nga myit ta?

KASA 8:22

Dai majaw na a n hkru n kaja maw mawn ai lam hta na myit malai lu u. Dai Madu kaw hpyi nem nga u, shing rai yang na a kraw lawang hta dai n hkru n kaja ai hku myit mang kau ai lam hpe mara raw dat ya na rin dai.

ROMA 7:18

Nye a kraw e rai sa nye a shinggyim hkum shan myit hta kaja ai baw hpa n rawng li ai ngai chye nngai; hpa majaw nga yang mai kaja ai baw galaw mayu ai myit ngai hta rawng nga timung ngai dai hpe n galaw lu nngai.