MAHTE 15:13 - Jinghpaw Common Language Bible 2009

¹³ Yesu gaw, “Sumsing lamu e nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

Jinghpaw Hanson Version Bible

¹³ Shi htan nna, “Sumsing lamu hta nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

MAHTE 15:13 ပူးပေါင်းရင်းမြစ်များ

SHAKAWN KUNGDAWN 92:13

Dai ni gaw Madu a nta hta hkai da nna, anhte a Karai Kasang a Htingnu hta lali tsawm nga ai hpun ni hte bung nga ma ai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

MAHTE 15:12

Shaloi shi a sape ni shi kaw sit sa nna, “Ya tsun ai ga Hparishe ni na jang, shanhte myit na machyi ma ai hpe nang chye nga n ni?,” ngu nna shi hpe san mu ai.

YAWHAN 15:1

Yesu tsun ai gaw, “Ngai gaw teng man ai sabyi ru rai nga nngai, nye Wa gaw sabyi sun galaw ai wa rai nga ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

YAWHAN 15:6

Ngai hta n jung n noi ai wa gaw shinggan de kabai kau ai hkrum nna hkraw mat wa ai lakung lakying zawn tai na ra ai. Masha ni mung shing re ai lakung lakying ni hpe magawn la nhtawm, wan hta kabai bang nna, hkru krawp mat ai kaw du wa lu ai.

1 KORINHTU 3:9

Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.