MAHTE 14:9 - Jinghpaw Common Language Bible 2009

⁹ Dai shaloi Hkawhkam wa gaw, yawn la ti mung, manam shawa ni yawng a man e, shi jaw kau sai ga sadi a majaw, “Jaw sana,” ngu dat wu ai.

Jinghpaw Hanson Version Bible

⁹ Dai hkawhkam chyawm gaw, yawn la timung, dagam ai ga hte shi hte rau dung sha ai ni a majaw, jaw sa na, ngu dat wu ai:

MAHTE 14:9 ပူးပေါင်းရင်းမြစ်များ

HPAJI NINGLI 5:2

Nang garai n shaga yang, shawng myit yu u. Karai Kasang hpe tin shapun ga sadi hkum jaw et. Shi gaw sumsing lamu e nga nga nna, nang mahtang ginding aga ntsa e nga nga ndai, dai re ai majaw nang shaga ang ai hta jan nna hkum shaga et.

MAHTE 14:1

Dai aten hta e, Galile Ginwang up ai Herod munggyi gaw Yesu a kajai gumhkawng ai shiga hpe na lu wu ai.

MAHTE 14:10

Shaloi shi shangun nna htawng hta e rawng nga ai Yawhan a du hpe htau dut wu ai.

MAHTE 14:5

Herod gaw shi hpe sat kau mayu da wu ai rai ti mung, mung masha ni Yawhan hpe myihtoi zawn nawn da mu ai majaw, shanhte hpe hkrit da wu ai.

MAHTE 14:8

Numsha mung, kanu a hpaji jaw shadut ai hte maren, “Ya ndai ban hta e, Hkalup Sara Yawhan a baw bang ya rit!,” ngu wu ai.

MARKU 6:14

Yesu a lam shiga shara shagu dan hkung chyam bra wa ai rai nna Herod hkawhkam gaw dai lam mahkra hpe na lu wu ai. Masha nkau mi gaw, Yesu hpe, “Hkalup Sara Yawhan si ai kaw na bai hkrung rawt wa ai wa re! Dai majaw she shi gaw lamik kumla ni hpe galaw lu nga ai,” nga nna tsun ma ai.

MARKU 6:20

Yawhan gaw, ding hpring ai hte chyoi pra ai wa rai nga ai hpe Herod chye wu ai majaw, shi hpe hkrit kamyin ai hte makawp maga nga ai. Herod gaw Yawhan a sharin shaga ai ga na lu ai ten shagu shi a myit hta grai ung ang shangun ai rai tim, shi a ga na la na grai ra nga ai.

MARKU 6:26

Hkawhkam wa chyawm gaw, ja ja myit yawn nga timung, rau dung rau hpawng nga ai manam ni a man e shi dagam tsun kau ai ga ni a majaw numsha hpe shi n ningdang kau lu wu ai.

LUKA 13:32

Yesu gaw, “Dai chyahkyawn hpe ning ngu wa tsun mu, ‘Dai ni hte hpawt ni na nhtoi ni hta ngai nat ni hpe shaden kau nna, machyi makaw shamai ya na rai nga nngai; masum ya nhtoi du jang, nye a amu ngut na, rai nga ai.’

TARA AGYI 11:39

Shata lahkawng lai jang, shi gaw shi a kawa hpang de bai nhtang wa wu ai. Shi mung dai Madu hta ga sadi tawn da nu ai hte maren galaw wu ai. Shi gaw hkawn jet naw rai nga ai. Dai kaw nna ndai amu gaw Gilead masha Yephta a shayi sha a majaw numsha ni gaw shaning shagu mali ya ya sharung shayawt ai htung Israela amyu hta nga wa sai.

TARA AGYI 21:1

Israela masha ni gaw Mizpa mare e zup hpawng nga ma yang, dai Madu hpe dagam ga sadi shaka tawn da ma ai: “Anhte a shayi sha langai mi hpe pyi Benyamin masha hte hkungran la shangun na ahkang kadai hpe mung n jaw na saga ai.”

1 SAMUELA 14:24

“Nye a gumlau hpyen ni hpe ngai matai garai n htang lu yang, dai ni na nhtoi hta lusha sha ai wa kadai mung dagam dala hkrum u ga,” ngu nna Shawlu dagam shaka nna hkang da nu ai majaw dai shani e Israela amyu masha ni kawsi hpang gara hkrum nna n-gun kya nga ma ai. Kadai mung dai shani tup hpa mung n lu n sha nga ma ai.

1 SAMUELA 14:28

Rai ti mung, masha langai mi gaw, “Anhte yawng kawsi hpang gara hkrum nna n-gun kya nga saga ai, rai ti mung na nwa mahtang anhte hpe, ‘Dai ni na nhtoi hta, lusha sha ai wa kadai mung dagam dala hkrum u ga,’ ngu mi ai,” ngu nna tsun ma ai.

1 SAMUELA 25:22

Jahpawt de garai n du rau yang, ndai masha ni hpe ngai n sat kau ai sha ngam da hkrup ai rai yang, Karai Kasang mahtang ngai hpe adup nu ga,” ngu nna myit sumru yu wu ai.

1 SAMUELA 28:10

Dai hpang Shawlu gaw chyoi pra ai ga shaka hpe dagam shaka let, dai numsha hpe, “Dai lam a majaw nang hta ari n hkrum sha u ga, ahkrung nga ai dai Madu hta ngai ga sadi tawn da nngai,” ngu nna tsun wu ai.