MAHTE 14:8 - Jinghpaw Common Language Bible 2009

⁸ Numsha mung, kanu a hpaji jaw shadut ai hte maren, “Ya ndai ban hta e, Hkalup Sara Yawhan a baw bang ya rit!,” ngu wu ai.

Jinghpaw Hanson Version Bible

⁸ Dai numsha a kanu shi hpe shatsam wu ai majaw, “Ndai ban hta e, baptisma sara Yawhan a baw bang ya e,” ngu wu ai.

MAHTE 14:8 ပူးပေါင်းရင်းမြစ်များ

1 HKAWHKAM 18:13

Yezebela gaw dai Madu a myihtoi ni hpe sat ai shaloi, hpung mi hta manga shi shi di nna hpung lahkawng garan nhtawm marai latsa hpe lungpu ni hta makoi da let, shanhte hpe lusha hte ntsin jaw nna bau da we ai hpe nang n na yu da wu ni?

1 HKAWHKAM 18:4

Yezebela gaw dai Madu a myihtoi ni hpe sat kau wu yang, shanhte hta na marai latsa hpe hpung lahkawng garan nhtawm, hpung mi hta marai manga shi shi di nna lungpu hku ni hkan woi makoi da nna shahpa hte lu hka ntsin jaw nhtawm bau da wu ai.)

1 HKAWHKAM 19:2

Shi gaw Elia hpang de ning ngu shiga shana dat wu ai: “Hpawt de ndai aten e, myihtoi ni hpe nang galaw kau dat nit dai hte maren, nang hpe ngai n galaw ai rai yang, karai ni ngai hpe si hkra adup mi ga law.”

2 HKAWHKAM 11:1

Hkawhkam Ahazia a kanu Ahtalia gaw shi a kasha sat kau hkrum sai lam hpe chye jang, hkawhkam dinghku masha ni yawng hpe sat sharu kau na matu shi hkang dat wu ai.

EZRA 1:9

dai ni gaw lawu de na hte maren rai nga ai: hkungga nawng ja ban 30 hkungga nawng gumhpraw ban 1,000 kaga ban ni 29 ja ban kaji ni 30 gumhpraw ban kaji ni 410 kaga hkinghku arai ni 1,000

GA SHAGAWP 1:16

Shanhte gaw n hkru n shawp ai amu galaw na hpe shanhte n dawt nga ma ai; shanhte gaw masha sat na matu, tut nawng e, jin jin rai ma ai.

GA SHAGAWP 29:10

Sai gara ai masha ni gaw myit malang ai kadai hpe mung n ju n dawng nga ai; rai ti mung, myit malang ai masha wa chyawm gaw dai zawn re ai wa a asak hpe makawp maga ya na ra ai.

MAHTE 14:11

Shi a baw hpe mung ban hta e la pru nna, dai mahkawn hpe ap ya nu ai: numsha mung shi a kanu hpang de la wa wu ai.

MAHTE 14:7

Dai rai nna Herod gaw, numsha hpe, “Nang hpyi mahpyi jaw na de ai!,” ngu nna dagam ai hte ga sadi jaw wu ai.

MAHTE 14:9

Dai shaloi Hkawhkam wa gaw, yawn la ti mung, manam shawa ni yawng a man e, shi jaw kau sai ga sadi a majaw, “Jaw sana,” ngu dat wu ai.

MARKU 6:24

Dai rai nna dai numsha pru wa nhtawm, shi a kanu hpe, “Ngai hpa hpyi na we ta?,” ngu nna san wu yang, kanu gaw, Hkalup Sara Yawhan a baw hpe hpyi u,” ngu wu ai.

MARKU 6:25

Shaloi jang dai numsha gaw, hkawhkam wa hpang de tin tin shang nna, “Hkalup Sara Yawhan a baw hpe ban hta e bang nna nang ngai hpe ya jang jaw na, ngai ra nga nngai!,” ngu nna hpyi wu ai.

MARKU 6:28

Shaloi hpyen la wa sa wa nna, htawng hta na Yawhan a baw hpe daw nhtawm ban hta e la wa nna dai numsha hpe ya dat wu ai: numsha mung kanu hpe dai ap ya wu ai.