MAHTE 14:6 - Jinghpaw Common Language Bible 2009

⁶ Ya, Herod a shangai nhtoi hta, Herodia a shayi sha gaw, dai poi shawa hpawng yawng a ka-ang e sa pru ka ai hte Herod hpe myit grai wa shapyaw ya wu ai.

Jinghpaw Hanson Version Bible

⁶ Ya Herod a shangai nhtoi du jang, Herodia shayi sha dai poi ka-ang e pru ka ai hte Herod hpe myit shapyaw ya wu ai;

MAHTE 14:6 ပူးပေါင်းရင်းမြစ်များ

NINGPAWT NINGHPANG 40:20

Masum ya nhtoi lai jang, hkawhkam wa shi a shangai nhtoi shani hta, shi a du salang ni yawng hpe lusha poi galaw daw wu ai; dai hpang sabyi jau ai wa hte muk kabaw ai agyi yan hpe shi a du salang ni a man de woi shapraw dat wu ai.

ESHTA 2:18

Dai hpang hkawhkam wa gaw Eshta hpe shagrau sha-a ai lusha poi kaba galaw nna shi a du salang ni hte up hkang salang ni yawng hpe saw shaga dat wu ai. Shi gaw hkawseng mungdan ting a matu ban sa ai shani langai mi masat shana ya nna hkawhkam wa a tsaw ra myit hte maren ging dan ai kumhpa ni hpe garan jaw wu ai.

MAHTE 14:3

Herod gaw shawng kaw nna kanau Hpilip a madu jan Herodia a majaw, Yawhan hpe rim gyit la nhtawm htawng e bang da nu ai.

MAHTE 14:7

Dai rai nna Herod gaw, numsha hpe, “Nang hpyi mahpyi jaw na de ai!,” ngu nna dagam ai hte ga sadi jaw wu ai.

MAHTE 22:24

Shanhte gaw, “Sara e, masha langai ngai kasha garai n kap ai si mat wa ai rai yang, shi a kanau gaw karat hpe lu la na rai nna, shan kasha lu ai hte kahpu a matu htinggaw shachyaw u ga, nga nna Mawshe htet da mi ai.

MARKU 6:14

Yesu a lam shiga shara shagu dan hkung chyam bra wa ai rai nna Herod hkawhkam gaw dai lam mahkra hpe na lu wu ai. Masha nkau mi gaw, Yesu hpe, “Hkalup Sara Yawhan si ai kaw na bai hkrung rawt wa ai wa re! Dai majaw she shi gaw lamik kumla ni hpe galaw lu nga ai,” nga nna tsun ma ai.

MARKU 6:17

Hpa majaw nga yang Herod shi nan Yawhan hpe rim la shangun nhtawm htawng hta gyit bang nna sharen da nu ai. Herod shing rai galaw ai lam gaw, shi a kanau Hpilip a madu jan Herodia hpe hkungran la ai majaw rai lu ai.

MARKU 6:19

Dai majaw Herodia gaw Yawhan hpe n ju da wu ai hte sat kau mayu wu ai, rai ti mung Herod a majaw shi hpa n di lu wu ai.

MARKU 8:15

Yesu gaw shanhte hpe, “Nanhte gaw Hparishe ni a matsi hte Herod a matsi hpe sadi let koi gam nga mu,” ngu nna sadi jaw mu ai.

LUKA 13:31

Dai ahkying hta nan, Hparishe nkau mi Yesu kaw sa nna, “Nang ndai kaw na pru mat wa nna kaga shara langai ngai de sa wa su, hpa majaw nga yang, Herod nang hpe sat na maw nga ai,” ngu nna shi hpe tsun mu ai.

LUKA 23:11

Herod hte shi a hpyen ma ni Yesu hpe n kaw n law aroi arip jahpoi asawng di nna reng ai hpun palawng jahpun nhtawm, Pilat hpang de bai nhtang sa shangun dat mu ai.

LUKA 23:7

Herod up ai Galile ginwang na masha re ai lam chye jang, Yesu hpe Herod hpang de sa dat wu ai. Dai aten gaw, Herod shi nan Yerusalem mare e du taw nga ai aten re.

LUKA 3:1

Kehta Tiberi hkaw dung ai shi manga ning hta, Yuda mung e Pontu Pilat gaw munggyi aya hta, Galile mung e Herod gaw du aya hta, Ituri hte Trakuni ginwang hta e Herod a kanau Hpilip gaw du aya hta, Abili mung e Lusanu gaw du aya hta, rai shajang nga ma ai.

LUKA 3:19

Rai ti mung, munggyi Herod gaw shi a kanau Hpilip a madu jan Herodia hpe kashun la ai hta n ga, shi galaw ai n hkru n kaja ai amu kaga law law hte seng nna mung, daru sharin ai hkrum wu ai.

LUKA 8:3

Herod a nta dinghku hpe yu hpajang ai kunhting wa Kuhta a madu jan Yawhana Susanna hte num ni law law wa, tinang a lu lawm ai ja gumhpraw arung arai ni hte, Madu hte sape ni hpe karum madi shadaw jai lang nna galaw daw let hkan nang nga ma ai.

KASA 12:1

Dai aten hte yang Herod Hkawhkam gaw hpung masha nkau mi hpe zingri zingrat na maw mawn n-gun dat hpang wa nga ai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.