MAHTE 14:36 - Jinghpaw Common Language Bible 2009

³⁶ Shanhte gaw, machyi makaw hkrum ai ni shi a palawng ban byau hpe sha pyi ahtawk na ahkang hpyi nem ma ai: ahtawk ai ni kadai mung mai mat wa ma ai.

Jinghpaw Hanson Version Bible

³⁶ shi a palawng banbyau hpe sha ahtawk na ahkang hpyi nem mu ai: ahtawk ai ni kadai mung mai mat wa ma ai.

MAHTE 14:36 ပူးပေါင်းရင်းမြစ်များ

MAHTE 14:35

Dai shara e nga ai masha ni shi hpe chye jang, dai mung grup yin a shara magup hkan na machyi makaw hkrum ai ni hpe, shi kaw woi sa shangun mu ai.

MAHTE 23:5

Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.

MARKU 3:10

Masha law law hpe shi shamai ya nu ai majaw, machyi makaw hkrum ai masha ni law law shi hpe ahtawk la lu hkra nga nna shi kaw anin shadut shang wa ma ai.

MARKU 6:56

Dai hta kaga, Yesu sa du hkawm ai shara shagu, mare, kahtawng ningchyawng hkan na masha ni gaw machyi ai masha ni hpe gat shara ni de woi sa nna shi a hpun palawng ban byau matu sha pyi shanhte hpe ahtawk la shangun na matu ahkang hpyi nem ya mu ai: Shi hpe ahtawk lu ai ni yawng nan, mai tsai mat wa ma ai.

MARKU 8:22

Yesu hte sape ni Betsaida de du ma ai. Dai yang e myi kyaw ai masha langai mi hpe masha nkau mi shi hpang de woi sa nna, shi hpe ahtawk ya na hpyi da mu ai.

LUKA 6:19

Shawa masha ni yawng shi hpe ahtawk lu hkra nga shakut ma ai, hpa majaw nga yang, shi a hkum hta na atsam pru nna mahkra hpe shamai nga ai.

YAWHAN 6:37

Nye Wa ngai hpe ap ya ai yawng mayawng hte gaw ngai hpang de du na mara ai, Ngai hpang de du sa ai wa hpe mung, kaja wa ngai n kanawng kau na nngai.

YAWHAN 7:23

Mawshe a Tara n hten mat u ga matu, nanhte gaw la kasha langai mi hpe Bansa Nhtoi hta matu gadoi lam jaw myit dai mi, Bansa Nhtoi hta masha hkum ting hpe ngai shamai ya ai majaw, nanhte ngai hpe hpa rai masin pawt bu nga myit ta?

KASA 3:16

Shi a mying nsang a atsam gaw ndai lagaw hten ai wa hpe n-gun lagaw jaw nu ai. Shi a amying nsang hpe kam sham ai a marang e, ya nanhte mu chye ai lam hpe shabyin dat sai. Nanhte yawng mu chye lu ai hte maren Yesu hpe kam sham ai hte chyu sha dai wa hpe shamai shatsai ya sai rai nga ai.