MAHTE 14:31 - Jinghpaw Common Language Bible 2009

³¹ Shaloi jang Yesu gaw shi a lata ladawn nna, shi hpe dun la let, “Ai n kam ai wa e! Hpa majaw nang kam shut nga n ta?,” ngu nna shi hpe tsun wu ai.

Jinghpaw Hanson Version Bible

³¹ Shaloi jang Yesu gaw shi a lata ladawn nna, shi hpe dun la let, “Ai n kam ai wa e, hpa majaw nang kam shut nga n ta?” ngu nna shi hpe tsun wu ai.

MAHTE 14:31 ပူးပေါင်းရင်းမြစ်များ

NINGPAWT NINGHPANG 22:14

Abraham mung dai shara hpe, “Dai Madu karum ai,” ngu nna shamying wu ai. Dai ni na amyu masha ni pyi,” Dai Madu a bum ntsa e, shi karum la ai,” ngu nna tsun ma ai.

SHAKAWN KUNGDAWN 138:7

Ru tsang ai hte gawan da ai ngai hkrum nga ai shaloi, ngai hpe nang makawp maga da nga ndai. Nye a gumlau hpyen ni a sindawng kahtet ai hpe nang hkap shingdang ya nna, na a daru magam n-gun hte ngai hpe hkye hkrang la nga ndai.

ESAIA 63:12

Shi hkum nan a matu htani htana gumhkawng wa lu hkra, Mawshe hku nna shi a daru magam n-gun hte panglai hka hpe ga garan kau nna sung ai hka hku shi a amyu masha ni hpe woi lakawn wa ai amu kaba galaw dan sai dai Madu gaw kanang e rai nga a ta?,” ngu nna san ma ai. Dai Madu woi lakawn wa ai majaw gumra shazai ni n kashawt n kataw ai zawn shanhte gaw galoi mung ahtu kataw nga ma ai n rai.

MAHTE 14:30

Rai ti mung, nbung ja ai hpe mu jang shi hkrit nga ai; dai rai nna hka hta lup bang wa jang, shi gaw, “Madu e ngai hpe sai la rit,” ngu nna jahtau wu ai.

MAHTE 14:32

Shan dai li hta shang mat jang, dai nbung num mat wa ai.

MAHTE 16:8

Shing nga tsun nga ai hpe Yesu chye wu ai rai nna, “Ai n kam ai ni e, nanhte muk n gun ai lam hpe nanhte shada da hpa rai tsun bawng nga myit ta?

MAHTE 17:20

Yesu gaw, “Nanhte ai n kam myit dai majaw, n di lu myit dai; nanhte hpe ngai teng teng tsun made ai gaw, kam sham ai myit chyinghkrang tum daram nanhte hta rawng nga ai rai yang gaw, ndai bum hpe, ‘Nang kaw nna wora de htawt sit mat u!,’ ngu nna nanhte tsun mu yang, dai htawt sit mat na ra ai: nanhte n di lu na amu hpa mung n nga na re,” ngu nna shanhte hpe tsun mu ai.

MAHTE 6:30

Karai Kasang hta kam sham ai myit n law ai masha baw e! Dai ni nga nna, hpawt de wan mang hta kabai bang kau ai nam na tsingdu hpe pyi Karai Kasang shing rai jahpun da ai rai yang gaw, dai hta grau nna nanhte hpe jahpun na myit dai n rai ni?

MAHTE 8:26

Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

MARKU 1:31

Shaloi shi sit sa nna, shi a lata hte jum let machyi ai jan hpe sharawt wu ai. Shing rai shi hta hkum kahtet ai kawp mat nna, shi shanhte hpe galaw daw mu ai.

MARKU 1:41

Yesu gaw matsan dum ai hte shi a lata ladawn nna ahtawk let, “Ngai hkraw nga nngai, san pra wa nu!,” ngu nna htan wu ai.

MARKU 11:23

Ngai nanhte hpe teng teng tsun made ai gaw, kadai rai ti mung, tinang a myit masin hta kam shut ai myit n rawng ai sha, tinang tsun ai hte maren byin na ra ai ngu nna kam ai wa gaw, ndai bum hpe, ndai shara kaw na baw mat nna panglai de htawt bang mat u, ngu yang, shi tsun ai hte maren shabyin ya na ra ai.

MARKU 16:7

Ya nanhte sa nna, Petru hte hpawn shi a sape ni hpe, ‘Nanhte a shawng e Galile mung de shi sa wa na ra ai, shi nanhte hpe tsun da sai hte maren shi hpe mu hkrum na marin dai,’ ngu nna ndai shiga wa tsun masu,” ngu nna tsun mu ai.

MARKU 4:40

Shaloi Yesu gaw shi a sape ni hpe, “Nanhte hpa majaw hkrit kajawng nga myit ta? Nanhte kam sham ai myit garai n rawng nga myit ni?,” ngu nna shanhte hpe tsun mu ai.

MARKU 5:41

Dai ma a lata hpe shi jum da nna, “Talitha, koum,” ngu wu ai. (De a lachyum gaw, “Mahkawn ma e rawt u, ngu nna ngai tsun de ai,” nga ai re.)

LUKA 24:34

Hpawng nga ai ni gaw, “Kaja wa Madu gaw hkrung rawt wa sai! Shi gaw Petru hpe shadan dan nu ai,” nga nna tsun nga mala ai.

KASA 4:30

Machyi makaw mai tsi hkra na a lata ladawn nna, na a chyoi pra ai Shangun Ma Yesu a mying hte lamik kum la hte mau hpa amu ni hpe byin shangun u law,” nga nna akyu hpyi ma ai.

TARA JAHPRANG 32:36

Shanhte n-gun htum mat ai hpe shi mu ai shaloi, dai Madu gaw shi a amyu masha ni hpe hkye mawai la na ra ai. Shanhte hpe karum la na masha n nga ai hpe shi mu ai shaloi, shi gaw shi hpe daw jau ai ni hpe matsan dum ai myit madun dan na ra ai.

1 TIMOHTI 2:8

Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.