MAHTE 14:3 - Jinghpaw Common Language Bible 2009

³ Herod gaw shawng kaw nna kanau Hpilip a madu jan Herodia a majaw, Yawhan hpe rim gyit la nhtawm htawng e bang da nu ai.

Jinghpaw Hanson Version Bible

³ Herod mahtang, shi kanau Hpilip a madu jan Herodia majaw, Yawhan hpe rim gyit la nna, htawng hta e bang da nu ai.

MAHTE 14:3 ပူးပေါင်းရင်းမြစ်များ

MAHTE 11:2

Hkristu galaw dat ai amu bungli a lam ni hpe Yawhan gaw htawng hta e na wu yang, shi a sape nkau mi hpe shi hpang de shangun dat nna,

MAHTE 14:6

Ya, Herod a shangai nhtoi hta, Herodia a shayi sha gaw, dai poi shawa hpawng yawng a ka-ang e sa pru ka ai hte Herod hpe myit grai wa shapyaw ya wu ai.

MAHTE 4:12

Yawhan hpe htawng hta rim bang da ai lam Yesu na wu yang, shi Galile mung de htawt sa mat wa ai.

MARKU 6:14

Yesu a lam shiga shara shagu dan hkung chyam bra wa ai rai nna Herod hkawhkam gaw dai lam mahkra hpe na lu wu ai. Masha nkau mi gaw, Yesu hpe, “Hkalup Sara Yawhan si ai kaw na bai hkrung rawt wa ai wa re! Dai majaw she shi gaw lamik kumla ni hpe galaw lu nga ai,” nga nna tsun ma ai.

MARKU 6:17

Hpa majaw nga yang Herod shi nan Yawhan hpe rim la shangun nhtawm htawng hta gyit bang nna sharen da nu ai. Herod shing rai galaw ai lam gaw, shi a kanau Hpilip a madu jan Herodia hpe hkungran la ai majaw rai lu ai.

MARKU 6:19

Dai majaw Herodia gaw Yawhan hpe n ju da wu ai hte sat kau mayu wu ai, rai ti mung Herod a majaw shi hpa n di lu wu ai.

MARKU 6:22

Dai shana, shat sha poi de Herodia a shayi sha shang nna ka hkalum nga ai rai nna Herod hte shi hte rau dung nga ai manam ni hpe yu ra shangun da mu ai. Shing rai Hkawhkam wa gaw numsha hpe, “Nang hpa baw ra n ta? Nang tsaw matsaw hpa rai ti mung ngai nang hpe jaw na de ai,” ngu nna tsun wu ai.

MARKU 8:15

Yesu gaw shanhte hpe, “Nanhte gaw Hparishe ni a matsi hte Herod a matsi hpe sadi let koi gam nga mu,” ngu nna sadi jaw mu ai.

LUKA 13:1

Dai aten hta, dai yang e du nga ai masha nkau mi Yesu kaw sa nna, Pilat hkawhkam gaw, Galile masha nkau mi hpe, shanhte Karai Kasang kaw nawng jau na matu, hkungga dusat hpe sat nga yang, dai hkungga hte rau sat kayau kau sai lam, shi hpe tsun dan mu ai.

LUKA 13:31

Dai ahkying hta nan, Hparishe nkau mi Yesu kaw sa nna, “Nang ndai kaw na pru mat wa nna kaga shara langai ngai de sa wa su, hpa majaw nga yang, Herod nang hpe sat na maw nga ai,” ngu nna shi hpe tsun mu ai.

LUKA 23:11

Herod hte shi a hpyen ma ni Yesu hpe n kaw n law aroi arip jahpoi asawng di nna reng ai hpun palawng jahpun nhtawm, Pilat hpang de bai nhtang sa shangun dat mu ai.

LUKA 23:7

Herod up ai Galile ginwang na masha re ai lam chye jang, Yesu hpe Herod hpang de sa dat wu ai. Dai aten gaw, Herod shi nan Yerusalem mare e du taw nga ai aten re.

LUKA 3:1

Kehta Tiberi hkaw dung ai shi manga ning hta, Yuda mung e Pontu Pilat gaw munggyi aya hta, Galile mung e Herod gaw du aya hta, Ituri hte Trakuni ginwang hta e Herod a kanau Hpilip gaw du aya hta, Abili mung e Lusanu gaw du aya hta, rai shajang nga ma ai.

LUKA 8:3

Herod a nta dinghku hpe yu hpajang ai kunhting wa Kuhta a madu jan Yawhana Susanna hte num ni law law wa, tinang a lu lawm ai ja gumhpraw arung arai ni hte, Madu hte sape ni hpe karum madi shadaw jai lang nna galaw daw let hkan nang nga ma ai.

KASA 12:1

Dai aten hte yang Herod Hkawhkam gaw hpung masha nkau mi hpe zingri zingrat na maw mawn n-gun dat hpang wa nga ai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.