MAHTE 14:27 - Jinghpaw Common Language Bible 2009

²⁷ Shaloi jang Yesu gaw, “Myit n kaji ai sha apyaw sha nga mu; ngai she rai nngai; hkum hkrit nga myit,” ngu nna shanhte hpe tsun mu ai.

Jinghpaw Hanson Version Bible

²⁷ Shaloi jang Yesu gaw, “Myit apyaw sha nga mu; ngai she rai nngai; hkum hkrit nga myit,” ngu nna shanhte hpe tsun mu ai.

MAHTE 14:27 ပူးပေါင်းရင်းမြစ်များ

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 41:4

Ndai zawn re ai hpe shabyin dat ai wa gaw kadai rai nga a ta? Masha ban hte ban a labau hpe kadai gawn dan a ta? Dai Madu ngai gaw shawng npawt e nga nga nngai, Dai Madu ngai gaw ahpang jahtum e mung nga nga na nngai.

ESAIA 51:12

Dai Madu gaw, “Ngai gaw nang hpe n-gun shaja ya ai wa rai nga nngai. Nang gaw hpa majaw tsingdu hta grau nna pyi n grin lu ai si chye ai masha wa hpe hkrit nga n ta?

MAHTE 14:28

Shaloi, Petru mahtang htan nna, “Madu e nang rai n yang gaw, hka ntsa hku nang kaw sa du lu na, ngai hpe shaga la e,” ngu wu ai.

MAHTE 17:7

Shaloi Yesu wa nna shanhte hpe ahtawk let, “Rawt mu, hkum hkrit nga myit,” ngu wu ai.

MAHTE 28:10

Yesu gaw, “Hkum hkrit myit, nanhte sa nna, nye a hpu nau ni hpe Galile mung de sa wa na matu tsun mu; dai yang e shanhte ngai hte mu hkrum na mara ai,” ngu mu ai.

MAHTE 28:5

Dai lamu kasa mahtang numsha yan hpe tsun mu ai gaw, “Nan hkum hkrit myit, wudang hta jen da sai Yesu hpe, nan tam nga myit dai hpe ngai chye nga nngai.

MAHTE 9:2

Shaloi, masha nkau mi gaw, yup ra hta taw nga ai katsing si ai masha langai mi hpe, shi hpang de hpai sa ma ai. Yesu gaw shanhte hta kam sham ai myit gade daram rawng ai hpe mu jang, “Sha e, ngwi pyaw nga n-ga, na a yubak dat kau ya ai hkrum nit dai,” ngu katsing si ai wa hpe tsun wu ai.

MARKU 6:50

Shanhte shi hpe mu lu ma yang hkrit kahpra mat ma ai. Shaloi jang shi shanhte hpe ga shaga nna, “Ngwi pyaw nga myit ga!, ngai she rai nngai. Hkum hkrit myit!,” ngu mu ai.

LUKA 1:13

Rai ti mung, dai lamu kasa tsun ai gaw, “Zahkaria e, hkum hkrit et; Karai Kasang gaw na a akyu hpyi ai ga hpe madat ya nit dai rai nna, na madu jan Elisabet gaw shadang sha langai mi shangai na ra ai, nang shi hpe Yawhan ngu nna shamying ya na rai ndai.

LUKA 1:30

Shaloi dai lamu kasa gaw, “Mari e, hkum hkrit et, nang Karai Kasang a man e myi man pa nit dai.

LUKA 12:32

Sagu hpung kaji e, hkum hkrit et; hpa majaw nga yang, dai mungdan nanhte hpe jaw na, nanhte a Kawa myit ra sharawng nga ai.

LUKA 2:10

Rai ti mung, lamu kasa gaw, “Hkum hkrit myit! Masha nlang a matu nachying kabu gara mai ai shi ga ngai nanhte kaw gun sa ring ngai.

LUKA 5:10

Dai hte maren, Simun a manang ni rai nga ai, Zebedi a kasha Yaku yan Yawhan mung mau mat ma ai. Shaloi Yesu gaw, Simun hpe, “Hkum hkrit et, ya kaw nna nang masha ni hpe hkan hkwi na rin dai,” ngu wu ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

YAWHAN 6:20

Yesu gaw, “Hkum hkrit myit, ngai she rai nngai!,” ngu mu ai.

KASA 23:11

Dai shana Madu gaw shi a makau e tsap pru nna, “Hkum hkrit et, nang nye a lam Yerusalem mare hta sakse hkam nit dai hte maren Roma mare hta mung naw hkam lu na ndai,” ngu tsun wu ai.