MAHTE 14:23 - Jinghpaw Common Language Bible 2009

²³ Shawa masha ni hpe shabawn kau dat nhtawm, akyu hpyi na matu bum ntsa de shi hkrai lung wa ai: nrim rim rai jang, shi chyu sha dai yang e hti nga ai.

Jinghpaw Hanson Version Bible

²³ Shawa masha ni hpe shabawn dat kau nhtawm, akyu hpyi na matu, bum ntsa de shi hkrai lung wa ai: nrim rim rai jang, shi chyu sha dai yang e hti nga ai.

MAHTE 14:23 ပူးပေါင်းရင်းမြစ်များ

MAHTE 26:36

Dai hpang Yesu gaw shi a sape ni hte rau Getsemane ngu ai shara de du ai rai nna, shanhte hpe, “Ngai akyu hpyi na wora de sa nga yang, nang e naw dung nga mala,” ngu wu ai.

MAHTE 6:6

Rai ti mung nanhte mahtang akyu hpyi ai shaloi, nta kata gawk de shang nna, chyinghka hpe la da nhtawm, myi hte n mu lu ai nanhte a Kawa kaw hpyi mu; n dan n leng ai hku galaw ai amu hpe mu lu ai nanhte a Kawa gaw, nanhte hpe bai htang jaw na marin dai.

MARKU 1:35

Hpang jahpawt manap jau jau e, nhtoi garai n htoi yang shi yup rawt nna nta na pru mat wa ai. Shi gaw mare kata na pru nhtawm machyi shim ai shara de sa wa nna dai yang e akyu hpyi nga ai.

MARKU 6:46

Shawa masha ni hpe shakram dat ngut jang akyu hpyi na matu bum langai mi de shi lung wa sai.

LUKA 3:21

Masha yawng hkalup hkam la ngut ai hpang, Yesu mung hkalup hkam la nhtawm, akyu hpyi nga yang, lamu hpaw malang wa nna,

LUKA 5:16

Shi chyawm gaw nam mali de lagyim sa mat wa nna, akyu hpyi nga ai.

LUKA 6:12

Dai nhtoi hte hta Madu Yesu gaw akyu hpyi na nga, dai bum de pru sa wa nna, shana tup Karai Kasang kaw akyu hpyi let nga nga ai.

LUKA 9:18

Lang mi na Yesu shi hkrai akyu hpyi nga yang, sape ni shi hpang de sa du ma ai. Shaloi shi shanhte hpe, “Shawa masha ni ngai hpe kadai wa re ai nga nga ma ta?,” ngu nna san yu mu ai.

LUKA 9:28

Ndai lam ni tsun ai bat mi daram na ai hpang, Yesu gaw Petru Yawhan, Yaku hte hpe woi nna, akyu hpyi na nga, dai bum de lung wa ai.

KASA 6:4

Anhte nan chyawm gaw, akyu hpyi ai lam hte mungga hkai dan ai amu hta aten tup gunhpai nga na ga ai,” ngu nna tsun mu ai.