MAHTE 14:15 - Jinghpaw Common Language Bible 2009

¹⁵ Ya shana de du yang, sape ni shi kaw sit sa wa nna, “Ndai shara nam mali rai nga ai hte, ahkying mung grai lai wa sai; shawa masha ni kahtawng hkan e sha hpa sa tam mari sha mu ga, shanhte hpe shabawn dat mu,” ngu mu ai.

Jinghpaw Hanson Version Bible

¹⁵ Ya shana de du yang, sape ni shi kaw sit sa wa nna, “Ndai shara nam mali rai nga ai hte, ahkying mung lai wa sai: shawa masha ni kahtawng hkan e shahpa sa mari la mu ga, shanhte hpe shabawn dat mu,” ngu mu ai.

MAHTE 14:15 ပူးပေါင်းရင်းမြစ်များ

MAHTE 14:13

Yesu gaw Yawhan a lam shiga na jang, li jawn let dai yang kaw na pru mat wa nhtawm, shingran katsi ai shara de lagyim sa mat wa ai. Shawa masha ni dai na mu yang, shanhte gaw tinang a mare ni kaw na pru nna shi a hpang de hkarang hku hkan nang ma ai.

MAHTE 14:14

Li hta na pru wa yang, masha wunawng wuwa kaba hpe mu hkrup nna, shanhte hpe matsan dum ai hte machyi makaw hkrum ai ni hpe shamai shatsai ya mu ai.

MAHTE 14:16

Yesu mahtang, “Shanhte hpe shabawn dat shara n nga ai; nanhte nan shanhte hpe sha hpa lama ma jaw mu!,” ngu nna sape ni hpe tsun wu ai.

MAHTE 15:23

Rai ti mung Yesu gaw ga hkaw mi pyi n htan wu ai. Shi a sape ni mung shi kaw sit sa nna, “Shi hpe shabawn kau u; shi anhte a hpang e hkan nang nna marawn jahtau bu nga ai,” ngu nna shadut mu ai.

MARKU 8:3

Shanhte hpe hpa mung n jaw sha ai sha shanhte a nta de ngai shabawn dat yang gaw, shanhte hkrun lam e ba kalawp mat na ma ra ai, hpa majaw nga yang, shanhte hta na nkau mi gaw grai tsan ai shara kaw na sa wa ai ni rai nga ma ai,” ngu nna tsun mu ai.

LUKA 9:12

Ya jan du wa magang nga ai; dai rai nna sape shi lahkawng gaw Madu kaw sit sa nna, “Dai shawa masha ni hpe grup yin hkan na kahtawng ni hte yi, sun hkauna wa hkan e yup nna lusha tam sha mu ga, shabawn dat u, hpa majaw nga yang, ndai shara gaw masha hte tsan ai shara she rai nga ai,” ngu nna shi hpe tsun mu ai.