MAHTE 13:47 - Jinghpaw Common Language Bible 2009

⁴⁷ “Bai, Sumsing Lamu a Mungdan gaw, nga hkan ai ni nawng hta e kabai bang nna, nga amyu myu hpe magawn la ai sumgawn hte bung nga ai.

Jinghpaw Hanson Version Bible

⁴⁷ Bai, sumsing lamu a mungdan gaw, nawng hta e kabai bang nna, nga amyu myu hpe magawn la ai sumgawn hte bung nga ai.

MAHTE 13:47 ပူးပေါင်းရင်းမြစ်များ

EZEKELA 47:10

Engedi hka deng ni kaw nna Engalim hka deng lam dingyang, nga hkan sha ai masha ni hkin-gau hkan nga nna shanhte a sumgawn ni hpe hpyan lam da na mara ai. Dai shara hta law la ai nga amyu myu hte gaw Ka-ang Panglai e rawng ai ni zawn, law htam wa na mara ai.

MAHTE 13:44

“Sumsing Lamu a Mungdan gaw, ga dachyawk hta e makoi da nna masha langai mi e mu hkrup ai hte bai makoi da ai sutgan hte bung nga ai. Kabu gara ai myit hte shi wa nhtawm, shi lu malu hte hpe dut kau nna, ga dachyawk dai hpe mari la wu ai.

MAHTE 13:46

laklai nna kaja reng dik ai hkachyi langai mi hpe mu hkrup jang, shi nhtang wa nhtawm, shi a lu malu hpe dut kau nna dai hkachyi hpe mari la kau ai hte bung nga ai.

MAHTE 13:48

Dai sumgawn hta nga hpring chyat hkra lu jang, garawt la mu ai rai nna, dung nga let, kaja ai baw hpe shanhte a mung hta bang da nna n kaja ai baw hpe kabai kau mu ai.

MAHTE 4:19

Yesu gaw shan hpe, “Ngai kaw hkan nang marit, masha hpe hkan hkwi na lam ngai nan hpe sharin ya made ga,” ngu nna shan hpe shaga wu ai.

MARKU 1:17

Yesu gaw shan hpe, “Ngai kaw hkan marit, masha hpe hkan hkwi na matu, ngai nan hpe sharin ya made ga,” ngu mu ai.

LUKA 5:10

Dai hte maren, Simun a manang ni rai nga ai, Zebedi a kasha Yaku yan Yawhan mung mau mat ma ai. Shaloi Yesu gaw, Simun hpe, “Hkum hkrit et, ya kaw nna nang masha ni hpe hkan hkwi na rin dai,” ngu wu ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

YAWHAN 15:6

Ngai hta n jung n noi ai wa gaw shinggan de kabai kau ai hkrum nna hkraw mat wa ai lakung lakying zawn tai na ra ai. Masha ni mung shing re ai lakung lakying ni hpe magawn la nhtawm, wan hta kabai bang nna, hkru krawp mat ai kaw du wa lu ai.

KASA 20:30

Nanhte hta na masha nkau mi gaw masu hkalem ai ga tsun nna kam sham ai ni hpe shanhte hpang de lau la ai aten mung du na ra ai.

1 KORINHTU 11:19

(Nanhte hta hka bra wa ai lam byin na sha rai nga ai. Shaloi she kadai ni gaw jaw ai maga rai nga ai ngu ai teng man ai lam asan sha dan pru wa na ra ai.)

2 KORINHTU 11:26

Ngai law law lang bu hkawm sa ai hta hka tung wa nna hkrum ai tsin yam, damya hkrum ai tsin yam, nye a Yuda amyu masha ni di ai tsin yam, maigan amyu ni e di ai tsin yam, mare kahtawng hkan hkrum ai tsin yam nam mali hkan hkrum ai tsin yam, nammukdara e hkrum ai tsin-yam, masu ai hpu nau ni e di ai tsin yam ni hpe hkrum katut lai wa ni ai.

GALATI 2:4

Dai masha ni gaw anhte Hkristu Yesu hte langai sha tai nna asak hkrung ai a marang e anhte lu la ai shanglawt ahkang hpe kin-yu yu na matu Hkristan hpu nau ni tai masu let anhte a hpawng de mayun shang wa ai ni rai ma ai. Shanhte gaw anhte hpe mayam shatai mayu da mi ai.

SHINGRAN 3:1

“Bai Sardi mare na hpung a lamu kasa hpe ning ngu ka dat u: “Ndai gaw, Karai Kasang a Wenyi sanit hte shagan sanit lang da ai wa kaw na mungga rai nga ai. Nang galaw ai amu hpe ngai chye nga nngai. Nang gaw asak hkrung shamu shamawt nga ai ngu nna, kajai gumhkawng nga timung, nang chyasi rai nga ndai.