MAHTE 13:44 - Jinghpaw Common Language Bible 2009

⁴⁴ “Sumsing Lamu a Mungdan gaw, ga dachyawk hta e makoi da nna masha langai mi e mu hkrup ai hte bai makoi da ai sutgan hte bung nga ai. Kabu gara ai myit hte shi wa nhtawm, shi lu malu hte hpe dut kau nna, ga dachyawk dai hpe mari la wu ai.

Jinghpaw Hanson Version Bible

⁴⁴ Sumsing lamu a mungdan gaw, ga dachyawk hta e makoi da nna, masha mu hkrup lu ai hte, bai makoi da ai sutgan hte bung nga ai: kabu gara ai myit hte shi wa nhtawm e, shi lu malu hte hpe dut kau nna, ga dachyawk dai hpe mari la wu ai.

MAHTE 13:44 ပူးပေါင်းရင်းမြစ်များ

YOBA 28:13

Hpaji byeng-ya hpe masha hta mu tam la lu ai n rai; Kadai mung de a teng man ai manu hpe chye lu ai n rai.

GA SHAGAWP 16:16

Aja hte gumhpraw hta hpaji byeng-ya hte machye machyang hpaji lu la ai gaw grau kaja nga ai, dik hkra grau kaja nga ai.

GA SHAGAWP 17:16

Angawk ai wa a matu gumhpraw jai nna hpaji tam na gaw hpa akyu n nga nga ai, hpa majaw nga yang, shi hta chye chyang ai nyan n rawng nga ai majaw rai nga ai.

GA SHAGAWP 18:1

Kaga masha ni hte n chye kanawn ai ni gaw shanhte a hkum hpe chyu sha, machyu nga ma ai rai nna; kaga masha shagu a jaw ai ngu, chye na ai lam hpe, shanhte myit n hkrum ya na mara ai.

GA SHAGAWP 23:23

Teng man ai, hpaji byeng-ya sharin achyin ai hte chye chyang ai ni hpe manu jahpu jaw nna mari la ging nga ai rai tim, dai gaw manu nau dan ai majaw dut kau na lahpawt lama kaba rai nga ai.

ESAIA 55:1

Dai Madu gaw, “Hpang gara ai ni e, sa marit- ndai yang e hka nga nga ai! Gumhpraw n lu ai ni e, sa marit- nsi naisi mari nna sha mu! Sa marit, sabyi ntsin hte nga chyu mari lu mu- dai gaw manu jahpu hpa mung n hkrat ra nga ai!

MAHTE 13:24

Ga shadawn kaga mung, shi shanhte hpe tsun mu ai gaw; “Sumsing Lamu a Mungdan gaw hkauna hta nli kaja gat ai wa hte bung nga ai.

MAHTE 13:46

laklai nna kaja reng dik ai hkachyi langai mi hpe mu hkrup jang, shi nhtang wa nhtawm, shi a lu malu hpe dut kau nna dai hkachyi hpe mari la kau ai hte bung nga ai.

MAHTE 13:47

“Bai, Sumsing Lamu a Mungdan gaw, nga hkan ai ni nawng hta e kabai bang nna, nga amyu myu hpe magawn la ai sumgawn hte bung nga ai.

MAHTE 19:21

Shaloi Yesu gaw, “Nang ding hpring mayu n yang gaw, wa su, nang lu ai arai ni mahkra dut kau nna, matsan mayan ni hpe garan jaw u; shing rai jang sumsing lamu ntsa e sutgan ni lu na rin dai; ngai kaw mung sa nna hkan nang rit,” ngu nna shi hpe tsun wu ai.

MAHTE 19:27

Shaloi Petru htan nna, “Yu u, anhte gaw, arai yawng mayawng hpe kau da nna, nang kaw hkan saga ai, dai rai nna anhte hpa lu la na rai nga ga ta?,” ngu wu ai.

MAHTE 19:29

Nye a majaw nta ni, kahpu kanau ni, kajan ni, kanu kawa, kashu kasha ni hte yi hkauna ni hpe kau da ai wa kadai rai ti mung, htam latsa n ga akyu lu la nna htani htana asak a sali wunli hkam la na ru ai.

MAHTE 6:21

Hpa majaw nga yang, na a sutgan nga ai kaw na myit masin galoi mung nga na ra ai.

LUKA 14:33

Dai hte maren, nanhte hta na tinang a arai nga manga hpe n kau da lu ai wa gaw, nye a sape n tai lu ai,” ngu nna tsun mu ai.

YAWHAN 6:35

Yesu gaw, “Asak muk gaw ngai rai nga nngai, ngai hpang de sa ai wa gaw kawsi hkrum na n rai, ngai hpe kam sham ai wa mung, galoi mung hpang gara hkrum na n rai.

ROMA 15:4

Chyum Laika hta ka da mada hte gaw anhte hpe sharin achyin na matu rai nga ai. Shing rai anhte gaw Chyum Laika hta na lu la ai hkam sharang ai lam hte myit n-gun lu la shangun ai lam a majaw myit mada shara lu la na lam rai nga ai.

KOLOSE 2:3

Shi gaw Karai Kasang a makoi magap da ai hpaji byeng-ya nlang hte hte chye chyang ai lam ting hpe hpaw dan ai zaw si rai nga ai.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

HEBRE 10:34

Nanhte gaw bawng dung ai ni hkrum ai nni nkri hpe hkap shalan shabran lawm myit dai; nanhte a arung arai ni hpe kashun kashe di la kau hkrum ai shaloi mung kabu gara ai hte asum hkam myit dai, hpa majaw nga yang, grau nna kaja reng ai dinggrin anga nga ai arung arai lama mi nanhte naw lu nga myit dai hpe nanhte chye nga myit dai.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.