MAHTE 13:41 - Jinghpaw Common Language Bible 2009

⁴¹ Dai Masha Kasha gaw, shi a lamu kasa ni hpe shangun dat na rai nna shanhte gaw shi a mungdan kata na, masha ni hpe myit kataw shangun ai ni yawng hte, n hkru n shawp ai amu galaw ai ni yawng hte hpe lata shaw la nhtawm,

Jinghpaw Hanson Version Bible

⁴¹ Dai masha kasha gaw shi a lamu kasa ni hpe shangun dat na rai nna, shanhte gaw shi a mungdan hta na, myit kataw shangun ai baw hte tara hte n bung ai amu galaw ai ni nlang hte hpe, lata shaw la nhtawm, wan htung hta kabai bang da na maru ai:

MAHTE 13:41 ပူးပေါင်းရင်းမြစ်များ

2 SAMUELA 23:6

Rai ti mung n kam n sham ai masha ni gaw kabai kau ai ju hpun ni hte bung nga ai rai nna, kadai e mung lata kaman hte dai ni hpe hkra lu ai n rai.

ZEHPANI 1:3

shinggyim masha ni hte dusat yam nga ni yawng, ntsa malen u ni hte hka kata na nga ni hpe ngai jahten kau na we ai. Ngai gaw tara n lang ai ni a hkrat sum ai lam hpe shabyin dat na nngai. Ngai gaw shinggyim masha yawng mayawng hpe shamyit kau na we ai; asak hkrung nga ai ni kadai mung ngam nga lu na n rai, nga nna Madu ngai nan tsun ni ai.

MAHTE 13:49

Dai hte maren lamu ga aprat htum ai ten hta mung byin na ra ai. Lamu Kasa ni pru sa nna, ding hpring ai ni a kata na, n hkru ai ni hpe karan da na mu ai rai nna,

MAHTE 18:7

Masha ni hpe makam masham myit kataw shangun ai baw lam ni nga ai majaw, mungkan ga na ni dingnye lu ma ai! Dai zawn re ai lam ni gaw galoi mung byin na ra ai rai ti mung masha hpe makam masham myit kataw shara shabyin ai wa gaw dingnye lu ai.

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u tsip ni lu ma ai, dai Masha Kasha chyawm gaw baw tawn na shara pyi n lu nga ai,” ngu shi hpe tsun wu ai.

MARKU 13:27

Dai hpang shi gaw lamu kasa ni hpe lamu ga jut mali maga de shangun dat nna, aga htum ai shara kaw nna lamu htum ai shara du hkra shi lata la ai masha ni hpe shinggyin jahpawng la na maru ai.

ROMA 2:16

Dai rai nna ngai hkaw tsun ai Kabu Gara Shiga hte maren, tara jeyang ai Nhtoi hta e Karai Kasang gaw Yesu Hkristu a lata hte masha nlang hte a makoi magap ai maw mawn ai myit ni hpe jeyang daw dan na ra ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

SHINGRAN 21:27

Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.