MAHTE 13:39 - Jinghpaw Common Language Bible 2009

³⁹ Dai hpe gat ai gumlau wa gaw, nat rai nga ai; nmut ta gaw lamu ga htum na aten rai nga ai, mam dan ai ni gaw, lamu kasa ni rai nga ma ai.

Jinghpaw Hanson Version Bible

³⁹ dai hpe gat ai gumlau wa gaw, Nat rai nga ai; nmut ta gaw, lamu ga htum na aten rai nga ai; mam dan ai ni gaw, lamu kasa ni rai nga ma ai.

MAHTE 13:39 ပူးပေါင်းရင်းမြစ်များ

Daniela 7:10

dai kaw nna hka shi langai zawn grung nga ai wan lwi pru nga ai. Shi hpe daw jau na matu masha hkying hkying law ai ni nga nna, wan wan re ai masha ni shi a man e tsap nga ma ai. Dai tara rung gaw jeyang na lamang ni hpe galaw hpang wa let laika buk ni hpe hpaw da nga ai.

YOELA 3:13

Shanhte gaw grai wa n hkru nga ma ai; mam shu la ai aten na nsi naisi zawn shanhte hpe gadoi la mu ai; sabyi ntsin kabrat mat ai aten du hkra, sabyi si ni hpe sabyi htumbyen hta hpring hkra kabye mu ai zawn shanhte hpe kabye agrawp kau u.”

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai prat hta rai ti mung, hpang na prat hta rai ti mung, raw dat kau ya hkrum na n rai.

MAHTE 13:22

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

MAHTE 13:25

Lana mi hta, masha ni yup nga yang, gumlau wa gaw sa nna, dai mam hta e tsing gat bang da nhtawm pru mat wa ai.

MAHTE 13:28

Shi gaw, ‘Gumlau wa dai hpe galaw nu ai,’ ngu nna shanhte hpe tsun mu ai. Dai rai nna shanhte gaw, ‘Anhte sa nna dai hpe magang kau na nang hkraw nga n ni?,’ shi hpe ngu mu ai.

MAHTE 13:40

Dai tsing ni hpe lahkawn shinggyin la nna wan hta nat kau ai zawn, lamu ga aprat htum ai shani hta e byin na ra ai.

MAHTE 13:49

Dai hte maren lamu ga aprat htum ai ten hta mung byin na ra ai. Lamu Kasa ni pru sa nna, ding hpring ai ni a kata na, n hkru ai ni hpe karan da na mu ai rai nna,

MAHTE 24:3

Yesu gaw Tsanlun Bum ntsa e dung nga yang, shi a sape ni hkrai shi kaw sit sa nna, “Dai hte gaw galoi me byin wa na rai ta? Nang bai du na aten hte mungkan ga htum mat na aten hpe madun dan ai hku nna hpa baw lamik kumla ni byin pru wa na ra ta? Anhte hpe tsun dan mi,” ngu mu ai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

1 KORINHTU 10:11

Ndai lam ni mahkra shanhte hta byin wa ai gaw, kaga masha ni a matu shari tai na matu rai nna, anhte hpe shadum shahprang sadi jaw na matu ka da nga ai. Hpa majaw nga yang, anhte gaw mungkan aprat htum na ni wa ai ten hta sa pra ang ai ni rai nga ga ai.

2 KORINHTU 11:3

Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten kau hkrum nna, nanhte a hpring tsup nna san seng ai myit hte Hkristu hta maju jung kam sham daw jau ai lam hpe kau da na myit tsang nga nngai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

EHPESU 2:2

Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai.

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.

HEBRE 9:26

Shing rai nawng ya ra ai rai yang gaw, ginding aga nnan lat kaw nna law law lang si hkam hkam rai na nu ai; ya chyawm gaw, mungkan ga prat htum na ni wa ai ten hta kalang mi hte ngut hkra du sa nna shi hkum dai nawng ya kau ai hte yubak mara hpe yeng seng kau nu ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

YUDA 1:14

Adam a prat kaw nna ading tawk yu hkrat wa ai prat sanit ngu na Enuk gaw moi chyaloi nhkoi kaw nna ndai masha ni a lam hpe, “Dai Madu gaw shi a chyoi pra ai lamu kasa mun mun sen sen hte du sa nna,

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.