MAHTE 13:36 - Jinghpaw Common Language Bible 2009

³⁶ Dai hpang Yesu gaw shawa masha ni kaw na pru mat wa nna nta hta e shang mat wa ai. Shaloi shi a sape ni shi kaw sit sa wa nna, “Hkauna hta e tu ai tsing ga shadawn a lam, anhte hpe htai dan mi,” ngu mu ai.

Jinghpaw Hanson Version Bible

³⁶ Dai hpang shawa masha ni hte shi hka wa nna, dai nta hta e shang mat wa ai. Shaloi shi a sape ni shi kaw sit sa wa nna, “Hkauna hta e tu ai tsing a ga shadawn lam, anhte hpe htai dan mi,” ngu mu ai.

MAHTE 13:36 ပူးပေါင်းရင်းမြစ်များ

MAHTE 13:1

Dai shani jang, Yesu gaw dai nta na pru nhtawm, sharin shaga na matu nawng makau e sa dung nga ai.

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

MAHTE 13:18

“Dai rai nna, nli gat ai ga shadawn a lachyum hpe madat la mu.

MAHTE 13:25

Lana mi hta, masha ni yup nga yang, gumlau wa gaw sa nna, dai mam hta e tsing gat bang da nhtawm pru mat wa ai.

MAHTE 14:22

Shaloi Yesu gaw, shawa masha ni hpe shabawn dat nga yang, sape ni hpe mung li shajawn nna, shi a shawng e nawng wora hkran de rap mat wa shangun mu ai.

MAHTE 15:39

Dai shawa masha ni hpe shi shabawn dat nhtawm, li hta shang nna Magadan ginwang hkan e sa du ai.

MAHTE 9:28

Yesu dai nta de shang mat wa yang, dai myi kyaw ai yan shi kaw sa du ma ai rai nna, Yesu gaw, “Ngai nan hpe shamai ya lu na re ngu nna nan kam nga myit ni?,” ngu nna shan hpe san mu ai. Shan mahtang, “Rai sa, Madu e,” ngu mu ai.

MARKU 4:34

Ga shadawn hte n rai yang gaw shi shanhte hpe hpa mung n tsun dan yu ai rai ti mung shi a sape ni hte rau shanhte hkrai rai nga ai ten hta, lam shagu shanhte hpe lachyum hpyan dan mu ai.

MARKU 6:45

Yesu gaw shawa masha ni hpe shabawn dat nga yang, shi a sape ni hpe mung shaloi jang li hta shang nna shi a shawng e nawng wora hkran Betsaida mare de rap sa wa shangun dat mu ai.

MARKU 7:17

Yesu gaw shawa masha ni hte hka nna nta de shang wa yang shi a sape ni, dai ga shadawn lachyum hpa re ai lam san ma ai,

MARKU 8:9

Dai hpang sape ni gaw ngam ai adaw ahkyep ni ka sanit tup lu lahkawn la mu ai. Dai hpang Yesu gaw shanhte hpe shabawn dat mu ai.