MAHTE 13:30 - Jinghpaw Common Language Bible 2009

³⁰ Dai majaw, dai lahkawng yan nmut ta du hkra, rau tu kaba wa mu ga; nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,’” ngu mu ai.

Jinghpaw Hanson Version Bible

³⁰ Dai lahkawng yan nmut ta du hkra, rau tu kaba wa mu ga: nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,” ngu mu ai.

MAHTE 13:30 ပူးပေါင်းရင်းမြစ်များ

2 SAMUELA 23:7

Dai ju hpun ni hpe jum na matu hpri hte galaw ai arai shing n rai nri langai lang ra na ndai; dai ju hpun ni atsai awai nat kau ai hkrum na ra ai.

YOBA 39:12

Na a chyarang pa kaw na nsi naisi shinggyin la nna shu la sai hpe dum hta wa bang da na matu shi hpe myit mada nga n ni?

ESAIA 17:5

Israela gaw nsi naisi dan nna shu la ngut sai yi langai hte bung na ra ai, dai gaw Rehpim Kadit e nlim gut la ngut sai yi zawn akrin akraw shara tai mat na ra ai.

MALAHKI 3:18

Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,” ngu nna tsun wu ai.

MAHTE 13:25

Lana mi hta, masha ni yup nga yang, gumlau wa gaw sa nna, dai mam hta e tsing gat bang da nhtawm pru mat wa ai.

MAHTE 13:29

Shi mahtang, ‘N rai,’ nanhte tsing baw kau myit yang gaw, mam nkau mi hpe tsing hte rau baw shalawm kau na myit dai.

MAHTE 25:32

amyu baw shagu hpe shi a man e jahpawng tawn da na ra ai. Dai shaloi shi gaw, sagu rem wa gaw, sagu ni hte bainam ni hpe garan ginhka da ai zawn shanhte hpe garan ginhka da na ru ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

LUKA 3:17

Shi a lata hta shi hkuwawn lang nna shi a mam ni mahkra hpe yit jasan kau nhtawm, mam gu hpe shi a dum hta shinggyin da na ra ai, nsan hpe chyawm gaw galoi mung n krip ai wan hta nat kau na ra ai,” ngu nna shanhte hpe tsun mu ai.

YAWHAN 15:6

Ngai hta n jung n noi ai wa gaw shinggan de kabai kau ai hkrum nna hkraw mat wa ai lakung lakying zawn tai na ra ai. Masha ni mung shing re ai lakung lakying ni hpe magawn la nhtawm, wan hta kabai bang nna, hkru krawp mat ai kaw du wa lu ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

1 TIMOHTI 5:24

Masha nkau mi a yubak mara nkau mi gaw, mu lu na matu dan leng nga ai rai nna shanhte ni a yubak mara ni gaw shanhte a shawng e jeyang ai de sa wa ai. Rai ti mung nkau mi a yubak mara ni chyawm gaw hpang e she dan leng ai hku mu lu nga ai.

1 SAMUELA 25:29

Nang hpe htim gasat ai hte sat kau na matu shakut ai wa nga dam ti mung, masha gaw manu dan ai sut rai hpe makawp da ai zawn dai Madu na a Karai Kasang mung nang hpe shim hkra makawp da na ra ai. Na a gumlau hpyen ni hpe chyawm gaw, masha wa e shi a lahpaw hte nlung shinggyin ni hte gap kau ai zawn shi shanhte hpe kabai kau na ra ai.