MAHTE 13:24 - Jinghpaw Common Language Bible 2009

²⁴ Ga shadawn kaga mung, shi shanhte hpe tsun mu ai gaw; “Sumsing Lamu a Mungdan gaw hkauna hta nli kaja gat ai wa hte bung nga ai.

Jinghpaw Hanson Version Bible

²⁴ Ga shadawn kaga mung, shi shanhte hpe kahtap tsun mu ai gaw, “Sumsing lamu a mungdan, hkauna hta nli kaja gat ai wa hte bung nga ai.

MAHTE 13:24 ပူးပေါင်းရင်းမြစ်များ

ESAIA 28:10

Shi gaw anhte hpe ga hkum mi hte ga hkum mi, ga yan mi hte ga yan mi, ginlam mi hte ginlam mi, laika daw mi hte daw mi sharin ya na matu shakut nga ai,” nga nna tsun ma ai.

ESAIA 28:13

Dai re ai majaw, dai Madu gaw nanhte hpe ga hkum mi hte ga hkum mi, ga yan mi hte ga yan mi, ginlam mi hte ginlam mi, sharin ya na ra ai. Dai hpang nanhte hkawm sa wa ai lagaw lahkam shagu ahtu kataw wa na marin dai. Nanhte gaw hkala nba hkrum ai hte mahkam hkam hkrum nhtawm bawng masha tai mat na marin dai.

EZEKELA 17:2

Shi gaw, “Si chye ai masha wa e, Israela amyu masha ni hpe

MAHTE 13:19

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

MAHTE 13:25

Lana mi hta, masha ni yup nga yang, gumlau wa gaw sa nna, dai mam hta e tsing gat bang da nhtawm pru mat wa ai.

MAHTE 13:31

Ga shadawn kaga mung Yesu shanhte hpe kahtap tsun mu ai gaw, “Sumsing Lamu a Mungdan gaw, masha langai mi e la nna shi a yi hta hkai ai chyinghkrang tum hte bung nga ai.

MAHTE 13:33

Ga shadawn kaga mung shi shanhte hpe naw tsun mu ai gaw, “Sumsing Lamu a Mungdan gaw numsha langai mi matsi loi mi la nna muk shadung dang mi hta bang dat wu yang, mahkra hte hpe shawawm dat lu ai hte bung nga ai,” ngu mu ai.

MAHTE 13:37

Yesu gaw, “Nli kaja gat ai wa gaw, dai Masha Kasha rai nga ai.

MAHTE 13:47

“Bai, Sumsing Lamu a Mungdan gaw, nga hkan ai ni nawng hta e kabai bang nna, nga amyu myu hpe magawn la ai sumgawn hte bung nga ai.

MAHTE 18:23

Dai rai nna sumsing lamu a Mungdan gaw, shi a mayam ni hpe jahpan jep san mayu ai hkawhkam wa langai mi hte bung nga ai.

MAHTE 20:1

“Sumsing lamu a Mungdan gaw, sabyi sun madu langai mi hkrum katut ai mabyin masa hte bung nga ai. Kalang mi na sabyi sun madu langai mi gaw, shi a sabyi sun hta amu galaw na masha saw bang na matu jahpawt jau jau e pru sa wa ai.

MAHTE 21:33

“Ga shadawn kaga langai mi hpe mung naw madat la mu. Kalang mi na sun madu langai mi gaw sabyi sun langai mi hkai sharam da nna, de a grup yin e nhpan kum da ai hte, dai hta e sabyi shup na htung htu da nhtawm, langchyi langai mi mung gap da nu ai. Dai hpang, sun galaw sha ai masha ni hpe shap ya nna kaga mungdan de bu hkawm sa mat wa ai.

MAHTE 22:2

“Sumsing lamu a Mungdan gaw, kasha a hkungran poi shachyip da ai Hkawhkam langai mi hte bung nga ai.

MAHTE 25:1

“Dai shaloi e sumsing lamu a Mungdan gaw, tinang a sau pyengdin ni hpe lang nna la ningnan hpe hkap bawp la na pru sa wa ai mahkawn shi hte bung na ra ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

LUKA 13:18

Yesu gaw, “Karai Kasang a Mungdan gaw hpa hte bung a ta? Ngai hpa hte shadawn na rai ta?

LUKA 13:20

Bai Yesu gaw, “Karai Kasang a Mungdan hpe ngai hpa hte shadawn na rai ta?

KOLOSE 1:5

Dai teng man ai mungga ngu ai Kabu Gara Shiga nanhte kaw shawng du dep sa wa ai shaloi, nanhte gaw dai Kabu Gara Shiga e jaw ya ai myit mada ai lam hpe na yu manit dai. (Dai rai nna nanhte a makam masham hte tsaw ra ai lam gaw sumsing lamu e nanhte a matu kyem da ya ai myit mada ai lam hta npawt jung nga ai.)

1 PETRU 1:23

Hpa majaw nga yang, nanhte gaw dai ahkrung nga ai hte htani htana anga nga ai Karai Kasang a mungga marang e n si n mat chye ai kanu kawa ni a kasha ni zawn shangai wa manit dai.