MAHTE 13:22 - Jinghpaw Common Language Bible 2009

²² Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

Jinghpaw Hanson Version Bible

²² Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

MAHTE 13:22 ပူးပေါင်းရင်းမြစ်များ

SHAKAWN KUNGDAWN 52:7

“Yu u, ndai yang e, shi a shim lam a matu Karai Kasang hpe n kam hpa ai sha, de a malai shi a law la ai sut gan hte n hkru n shawp ai amu hta shim lam tam nga ai masha langai mi, nga nga ai,” nga nna tsun ma ai.

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

GA SHAGAWP 11:28

Tinang a sut gan hta myit manoi nga ai ni gaw, nmut ta e, hpun lap ni run hkrat mat wa ai zawn, rai nga ti mung, ding hpring ai ni chyawm gaw ginhtawng ta na hpun lap ni zawn, tsit lali wa na mara ai.

GA SHAGAWP 23:5

Na a ja gumhpraw gaw singkaw tu wa ai zawn rai nna, galang zawn pyen mat wa na ra ai.

HPAJI NINGLI 4:8

Ndai yang e shi chyu sha nga ai masha langai nga nga ai. Shi gaw shadang sha n lu, kahpu kanau n lu ti mung tut nawng amu galaw nga ai. Shi lu ai sut gan hta galoi mung myit yu dik nga ai n rai. Shi gaw bungli galaw shaja ai hte shi hkum nan pyaw hpa lam hpa hpe mung ningdang kau ai gaw kade a matu rai kun? Dai mung kaman lila hte asak hkrung nga na matu nchyi nmu re ai lam sha rai nga ai.

YEREMIA 4:3

Dai Madu gaw Yuda hte Yerusalem amyu masha ni hpe, “Jahkam da ai na a sun hkauna ni hpe shawt tawn u; na a nli tum ni hpe ju prang hkan hkum gat et.

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai prat hta rai ti mung, hpang na prat hta rai ti mung, raw dat kau ya hkrum na n rai.

MAHTE 13:39

Dai hpe gat ai gumlau wa gaw, nat rai nga ai; nmut ta gaw lamu ga htum na aten rai nga ai, mam dan ai ni gaw, lamu kasa ni rai nga ma ai.

MAHTE 13:40

Dai tsing ni hpe lahkawn shinggyin la nna wan hta nat kau ai zawn, lamu ga aprat htum ai shani hta e byin na ra ai.

MAHTE 13:7

Nli tum nkau mi gaw, ju hpun nhpang e hkrat nna, ju hpun ni tu kaba wa ai hte, dai hpe lim kau mu ai.

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

LUKA 12:21

“Tinang a matu sutgan mahkawng da nhtawm, Karai Kasang a man e n lu n su ai wa gaw, shing re ai sahti wa hte bung na ra ai,” ngu nna tsun hpungdim wu ai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

LUKA 8:14

Ju sumwum ni hta hkrat ai nli tum ni gaw, mungga na la ai hpang aten na mat wa ai shaloi, ndai prat na myit ru myit tsang lam ni, sut lu sut su lam ni, pyaw daw tam ai lam ni hpring chyat bang wa nna lim kau ai majaw, ja kat ai asi galoi mung n si ai hte bung ai ni hpe ngu ai rai nga ai.

KASA 8:18

Kasa yan a lata mara ai hte kam sham ai ni Wenyi hkam la lu ai hpe Simun mu jang shi gumhpraw sak jaw nna,

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

1 KORINHTU 1:20

Dai re ai majaw, hpaji byeng-ya rawng ai wa kanang nga a ta? Laika ka ai sara kanang nga a ta? Ndai mungkan ga na ga tsun shingjawng lu ai ni kanang nga a ta? Karai Kasang gaw ndai mungkan ga a hpaji byeng-ya hpe angawk angak kaman lila shatai kau ya manu ai n rai ni?

1 KORINHTU 2:6

Rai ti mung ngai gaw, Wenyi makam masham lam hta myit su kunghpan sai ni hpe hpaji byeng-ya hte kapyawn nna tsun dan nngai. Rai ti mung dai gaw ndai mungkan ga hte seng ai hpaji byeng-ya n rai; mungkan ga na du ni a hpaji byeng-ya atsam mung n rai; mungkan du ni a n-gun atsam gaw sum mat wa magang nga ai.

1 KORINHTU 2:8

Mungkan a du hkawhkam ni hta na kadai wa mung ndai hpaji byeng-ya hpe chye ma ai n rai; chye taw gaw, hpung shingkang rawng ai Madu hpe shanhte wudang hta jen da na ma ai n rai.

1 KORINHTU 3:18

Kadai rai ti mung tinang hkum hpe hkum hkalem nga myit ga. Nanhte hta na marai langai ngai ndai mungkan a madang hku nna tinang hkum hpe hpaji byeng-ya rawng nga nngai nga nna grang a yang gaw, hpaji byeng-ya rawng ai wa majing tai na matu angawk angak re ai masha tai wa u ga.

2 KORINHTU 4:4

Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

GALATI 1:4

Ndai ya na n hkru n kaja ai prat kaw na mawai la u ga, anhte a Kawa Karai Kasang myit ra ai hte maren madat mara let anhte a yubak mara a matu mara Hkristu gaw shi hkum hpe nan ap ya kau nu ai.

EHPESU 2:2

Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

2 TIMOHTI 4:10

Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.