MAHTE 13:19 - Jinghpaw Common Language Bible 2009

¹⁹ Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

Jinghpaw Hanson Version Bible

¹⁹ Kadai mung, dai mungdan lam hpe na ninglen n chye la yang gaw, dai n hkru ai wa sa du nna, shi a myit hta gat ai nli hpe shaw la kau wu ai: dai gaw lam makau e gat ai nli hpe rai nga ai.

MAHTE 13:19 ပူးပေါင်းရင်းမြစ်များ

GA SHAGAWP 1:7

Nang gaw machye machyang hpaji lu la na matu, shawng npawt e, dai Madu hpe hkrit hkungga ai myit rawng ra nga ndai. Angawk ai masha ni gaw hpaji byeng-ya a manu hpe n chye ma ai, dai hpe sharin la na matu ningdang kau ma ai.

GA SHAGAWP 17:16

Angawk ai wa a matu gumhpraw jai nna hpaji tam na gaw hpa akyu n nga nga ai, hpa majaw nga yang, shi hta chye chyang ai nyan n rawng nga ai majaw rai nga ai.

EZEKELA 31:18

“Dai hpun gaw Egutu hkawhkam hte shi a amyu masha ni yawng rai ma ai. Eden sun hta tu ai hpun ni hta pyi grau tsaw ai hte kung dam nga nit dai. Rai ti mung, ya chyawm gaw, Eden sun hta tu ai hpun ni zawn nang gaw Katsan ga de yu mat wa nna n kam n sham ai ni hte majan hta sat kau hkrum sai ni hte rau kanawn mazum nga lu na rin dai. Tsaw Htum ai dai Madu ngai nan tsun ni ai.”

MAHTE 12:26

Dai rai nna Satan gaw Satan hpe shaden kau ai rai yang gaw, shi a mungdan gaw kaning rai grin nga lu na rai ta?

MAHTE 13:20

Lungrawk hta gat ai nli tum gaw, dai mungga hpe na nna, shaloi jang kabu gara ai myit hte hta la wu ai.

MAHTE 13:38

Hkauna gaw mungkan ga rai nga ai. Kaja ai nli gaw Karai Kasang a Mungdan a kashu kasha ni rai nga ma ai; Tsing gaw dai n hkru ai wa a kashu kasha ni rai nga ma ai.

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 5:37

Na ga gaw, ‘Re ai’ shing n rai, ‘N re ai,’ ngu nna sha tsun u. Dai hta jan nna nang tsun ai ga gaw n kaja ai wa kaw na pru ai ga rai nga ai.

MARKU 4:15

Masha nkau mi gaw lam hkan e hkrat taw ai nli tum ni hte bung nga ma ai, shanhte dai mungga hpe na la ai shaloi jang, Satan wa sa du nna shanhte hta gat da ai mungga hpe shaw la kau ya mu ai.

LUKA 10:9

Dai mare na machyi ai ni hpe shamai ya nna, dai yang na masha ni hpe, ‘Karai Kasang a Mungdan gaw nanhte hte ani sha du ra ai,’ ngu nna tsun dan mu.

LUKA 9:2

Dai hpang, Karai Kasang a Mungdan lam hkaw tsun dan na hte, machyi makaw shamai ya na matu, shi shanhte hpe shangun dat mu ai.

YAWHAN 18:38

Pilat gaw, “Teng man ai ngu ai gaw hpa rai ta?,” ngu nna shi hpe san wu ai. Dai hpang Pilat gaw shinggan de Yuda masha ni kaw bai pru nna “Ndai wa hpe daw dan na matu hpa mara mung n mu tam lu nngai.

YAWHAN 8:43

Ngai tsun ai lam hpe nanhte hpa rai n chye na myit ta? Dai gaw nanhte nye a mungga n madat la lu ai majaw rai nga myit dai.

KASA 17:32

Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.

KASA 18:15

Rai ti mung dai amu gaw tsun shaga ai hta lang ai ga hkum ni a lam, mying shingteng ni hte nanhte a tara ni hte seng nna tsun dangrang mara shagun hkat ai amu she rai nga malit dai majaw, nanhte hkrai jeyang daw dan la mu. Dai zawn re ai amu ni a matu ngai tara agyi tai ya nngai n rai!,” ngu nna Yuda masha ni hpe daru kau wu ai.

KASA 20:25

“Ngai gaw Karai Kasang a Mungdan lam hpe nanhte hpang de hkaw tsun kawan hkawm ni ai. Rai ti mung ya gaw nanhte hta na kadai mung nye a myi man hpe htawm hpang de galoi mung bai n mu lu na rai myit dai hpe ngai chye nga nngai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

ROMA 2:8

Rai ti mung masha nkau mi gaw dai n ding n man ai maga de hkan sa na matu tinang a akyu tam nna teng man ai tara hpe kabai kau ma ai, shing re ai ni a ntsa e Karai Kasang gaw shi a pawt bu nna sindawng kahtet ai ru bun na ru ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

2 HTESALONI 2:12

De a mahtai gaw, dai teng man ai hpe n kam n sham nna yubak a pyaw daw lam hta hkan sa ai ni nlang hte gaw daw dan ai hkrum na mara ai.

HEBRE 2:1

Dai re ai majaw anhte lam n yit mat wa u ga, anhte na la sai dai teng man ai lam hta grau nna kangka ai hte magra noi nga lu ra ga ai.

1 YAWHAN 3:12

Anhte gaw Ka-in zawn n mai rai ga ai. Shi gaw Nat a maga na masha tai nna shi a kanau Abela hpe sat kau nu ai. Ka-in gaw Abela hpe hpa majaw sat kau a ta?. Shi nan galaw ai amu bungli ni shut nga ai. Shi a kanau galaw ai lam ni mahtang jaw nga ai majaw rai nga ai.

1 YAWHAN 5:18

Karai Kasang a kashu kasha rai nga ai wa gaw yubak hpe matut nna n galaw ai hpe anhte chye ga ai, hpa majaw nga yang, shi hpe Karai Kasang a kasha e bau sin nga ai rai nna, dai n hkru ai wa gaw shi hpe n hkra lu wu ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.