MAHTE 13:11 - Jinghpaw Common Language Bible 2009

¹¹ Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

Jinghpaw Hanson Version Bible

¹¹ Shi htan nna, “Sumsing lamu a mungdan a sung htum ai lam ni hpe chye na shara, nanhte a matu hku nga malit dai; wora ni a matu chye na shara n hku malu ai.

MAHTE 13:11 ပူးပေါင်းရင်းမြစ်များ

SHAKAWN KUNGDAWN 25:14

Dai Madu gaw shi a ga madat mara nga ai ni a jinghku rai nga nna shi a ga shaka shanhte hte shagrin da nga ai.

ESAIA 29:10

Dai Madu gaw nanhte hpe yup shamwi ai hte grai yup pyaw mat wa hkra galaw da nu ai. Myihtoi ni gaw amyu masha ni a myi ni tai ang ma ai, rai ti mung Karai Kasang gaw shanhte hpe amam kau ya nu ai.

ESAIA 29:11

Myihtoi shagu hte seng ai shingran a lachyum gaw nanhte kaw na makoi da hkrum na ra ai; dai gaw dazik shakap da ai laika shabawn zawn tai na ra ai. Dai hpe nanhte la nna chye hti ai wa hpe san na matu hti shangun ai rai yang, shi gaw dai gaw dazik kap nga ai majaw shi n lu hti ai nga nna tsun na ra ai.

ESAIA 35:8

Dai shara e ningmaw lam kaba langai nga na ra ai, dai hpe, “Chyoi Pra ai Lam Nmaw,” ngu shamying na mara ai. Yubak kap ai ni kadai mung dai lam de galoi mung hkawm sa lu na n rai; dai lam hkan ai ni hta angawk ai ni pyi dai lam yit na ma ai n rai.

MAHTE 13:10

Shaloi sape ni shi kaw sit sa wa nna, “Madu e, nang masha ni hpe ga shaga ai shaloi, hpa majaw ga shadawn ni lang nna tsun shaga n ta?,” ngu nna shi hpe san mu ai.

MAHTE 16:17

Dai rai nna Yesu gaw, “Yawhan a kasha Simun e, nang a lu ndai; ndai lam hpe yu maya masha langai mi hku nna nang n chye lu ndai; Sumsing lamu e nga ai nye Wa gaw dai hpe madun dan da ndai.

MAHTE 19:11

Yesu shanhte hpe htan mu ai gaw, “Ndai sharin shaga ai lam gaw, masha shagu hta akyu jashawn lu nga ai n rai, rai ti mung Karai Kasang kaw na karum ai lam lu la ai ni sha n hkungran ai hkam nga lu ma ai.

MAHTE 20:23

Bai Yesu gaw, “Nye a gawm hpe nanhte kaja wa lu na marin dai; rai ti mung, nye a hkra maga hte pai maga de kadai dung nga lu na ngu ai hpe gaw ngai lata la na ahkang n lu nngai: dai shara ni gaw nye a Wa lajang da ya ai ni a matu mara she rai nga ai,” ngu nna shanhte hpe tsun mu ai.

MARKU 10:40

Rai ti mung nye a hkra maga hte pai maga de kadai dung lu na ngu nna lata san da na ahkang ngai n lu nngai. Dai gaw, Karai Kasang shi hkyen lajang da ya ai masha ni a matu she rai na rai nga ai,” ngu nna tsun mu ai.

MARKU 4:11

Yesu gaw, “Nanhte gaw Karai Kasang a Mungdan hte seng ai, mauhpa sung htum ai makoi magap da ai lam ni hpe chye lu ai ahkang lu myit dai. Rai ti mung, shinggan de nga ai ni chyawm gaw hpa lam ni hpe mung, ga shadawn hku sha na la lu ma ai.

LUKA 8:10

Shi gaw, “Karai Kasang a Mungdan a sung htum ai lam ni hpe chye na na ahkang nanhte hpe jaw da manit dai, masha gale ni chyawm gaw, yu layu e n mu mu ga, na lana e n chye na mu ga, ga shadawn hku ngai tsun nga nngai.

YAWHAN 6:65

Dai rai nna shi gaw, “Ndai lam a majaw nan, nye Wa a ahkang hte sha n rai yang gaw, kadai mung ngai hpang de n du n sa lu ai, ngu nna ngai nanhte hpe tsun masa de ai,” ngu mu ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

KASA 16:14

Shanhte hta na anhte a ga na la ai numsha gaw Htuatira mare na sumpan hkyeng sawm dut ai Ludi ngu ai jan rai nga ai. Shi gaw Karai Kasang hpe nawku kam sham ai numsha rai nna, Pawlu tsun dan nga ai ga hpe na lasha let madat la u ga, Madu e shi a myit hpaw ya wu ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

1 KORINHTU 15:51

Madat mu, makoi magap da ai teng man ai lam langai mi ngai nanhte hpe tsun dan made ga: anhte yawng si mat wa na ga ai n rai.

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.

1 KORINHTU 2:7

Ngai hkaw tsun ai hpaji byeng-ya gaw masha amyu ni n mu n chye hkra makoi magap da ai Karai Kasang a sung htum ai hpaji byeng-ya a lam rai nga ai. Dai gaw ginding aga garai n lat kaw nna anhte hpung shingkang hkam la na matu Karai Kasang tawn da ai yaw shada ai lam rai nga ai.

1 KORINHTU 4:1

Anhte gaw Karai Kasang a sung htum nna makoi magap da ai teng man ai lam ni hpe lit la nna kunhting tai nga ai Hkristu a shangun ma ni re ai ngu nna nanhte myit la ang myit dai.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?

EHPESU 1:18

Madu gaw nanhte hpe hpa baw myit mada ai lam hta shaga la sai hpe mung Madu a amyu masha ni hpe ndat da ai mauhpa chyeju sali wunli ni gaw, kade wa n taw n tsang rai nga ai hpe mung,

EHPESU 1:9

Shi a hpaji byeng-ya hte mung, tau chye lu ai myit yawng hte mung, Karai Kasang gaw shi a shatawng da ai lam hpe galaw nu ai rai nna Hkristu a marang e shadik shatup na matu daw dan da sai, yaw shada da sai shi a makoi magap da ai galaw hkyen ai lam hpe shadan dan mani ai.

EHPESU 5:32

Ndai lam gaw Chyum Laika hta shadan dan ai sung htum ai teng man lam langai mi rai nna Hkristu hte hpung hpe lakap nna tsun ai ga re ngu nna ngai chye na we ai.

EHPESU 6:19

Ngai tsun na matu jin ai ten hta Karai Kasang ngai hpe mung sumtu jaw u ga, hte dai Kabu Gara Shiga a sung htum ai lachyum hpe n hkrit n kang nden marai hte tsun dan lu hkra nye a matu mung akyu hpyi nga mu.

KOLOSE 2:2

Shing rai ngai gun hpai shakut ai lam gaw, shanhte yawng hta nden ja ai myit hte hpring tsup nna langai hte langai a tsaw ra myit hta makyit mahkai wa ai hte shanhte gaw dai teng man ai lam hpe chye nna myit kam da lu sai ngu ai sutgan hpe hpring hpring tsup tsup hkam la lu na mara ai. Ndai lam hku nna Karai Kasang a makoi magap da ai sung htum ai lam ngu ai Hkristu hpe chye chyang wa na mara ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

1 TIMOHTI 3:9

dai shadan dan da sai makam masham a teng man ai lam hpe myit asan sha hte hkap la manoi ai ni rai ra ma ai.

YAKU 1:5

Rai ti mung, nanhte hta na langai ngai hpaji ra kadawn nga a yang gaw, shi Karai Kasang kaw akyu hpyi nga u ga, Karai Kasang gaw shi hpe dai lam jaw ya na ru ai; hpa majaw nga yang, shi gaw yawng mayawng hpe n daw n hta chyeju hku nna jaw ya ai wa rai nga ai.

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

1 YAWHAN 2:27

Rai ti mung nanhte chyawm gaw, Hkristu shi a wenyi hpe nanhte a ntsa e ru jaw bang ya ai hkrum manit dai rai nna, nanhte hta dai wenyi a shanu nga dingsa kadai mung nanhte hpe sharin shaga na n ra sai. Hpa majaw nga yang, shi a Wenyi gaw nanhte hpe lam shagu hta e sharin shaga nga ai rai nna, shi sharin shaga ai lam gaw teng man nga ai, masu ai lam hpa mung n lawm ai. Dai majaw nanhte gaw dai Wenyi e sharin ai hte maren madat mara hkan sa nna Hkristu hte langai sha rai nga mu.