MAHTE 12:50 - Jinghpaw Common Language Bible 2009

⁵⁰ “Ngai nu hte ngai nau ni hpe yu mu: Sumsing lamu hta nga ai Nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

Jinghpaw Hanson Version Bible

⁵⁰ “Ngai nu hte ngai nau ni hpe yu mu: sumsing lamu hta nga ai nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

MAHTE 12:50 ပူးပေါင်းရင်းမြစ်များ

SHAKAWN KUNGDAWN 22:22

Nang hpa galaw dan sai lam, nye a amyu masha ni hpe tsun dan na nngai; shanhte a zuphpawng hta ngai nang hpe shakawn nga na nngai.

Shawlumon A Mahkawn Ga 4:12

Nye a nja jan, nye a num nnan e, nang gaw makoi magap da ai sun, shakum kum ai sun hte madu da sai hka hpawk rai nga ndai;

MAHTE 12:49

Bai shi a sape ni hpang de shi a lata ladawn nna,

MAHTE 13:1

Dai shani jang, Yesu gaw dai nta na pru nhtawm, sharin shaga na matu nawng makau e sa dung nga ai.

MAHTE 17:5

Petru ga naw shaga nga yang, htoi tu ai sumwi gaw shanhte a ntsa e ka-up mu ai hte dai sumwi hta na nsen ngoi pru nna, “Ndai wa gaw ngai sharawng awng ai, ngai tsaw ra ai ngai sha rai nga ai; shi a ga madat mara mu,” nga ai.

MAHTE 25:40

Dai rai nna Hkawhkam wa gaw, ‘Nanhte hpe ngai teng teng tsun made ga, ndai ngai nau ni hta na kaji htum ai wa langai mi hpe nanhte galaw ai gaw, nanhte ngai hpe galaw manit dai rai nga ai!,’ ngu nna shanhte hpe htan na mu ai.

MAHTE 25:45

Dai rai nna Hkawhkam wa gaw, ‘Ngai nanhte hpe teng teng tsun made ga, ndai kaji htum ai ni hta na langai wa mi hpe nanhte n galaw myit dai majaw ngai hpe n galaw myit dai rai nga ai,’ ngu nna shanhte hpe htan mu ai.

MAHTE 28:10

Yesu gaw, “Hkum hkrit myit, nanhte sa nna, nye a hpu nau ni hpe Galile mung de sa wa na matu tsun mu; dai yang e shanhte ngai hte mu hkrum na mara ai,” ngu mu ai.

MARKU 3:35

Karai Kasang a myit ra ai lam hte maren hkan sa galaw ai ni kadai rai ti mung, ngai nau, ngai jan, ngai nu, rai nga ma ai,” ngu mu ai.

LUKA 8:21

Yesu gaw shanhte yawng hpe, “Karai Kasang a mungga na la nna madat mara hkan galaw ai ni gaw, ngai nu, ngai nau ni rai nga ma ai,” ngu nna htan wu ai.

YAWHAN 15:14

Nanhte hpe ngai hkang da ai ga hkan shatup myit yang gaw nanhte nye a jinghku ni rai nga myit dai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

YAWHAN 6:29

Yesu gaw, “Karai Kasang a myit ra ai lam ngu ai gaw, shi shangun dat ai wa hpe kam sham ai lam, ngu ai rai nga ai,” ngu nna shanhte hpe htan mu ai.

YAWHAN 6:40

Hpa majaw nga yang, nye Wa a myit ra ai lam gaw, Kasha wa hpe mu nna kam sham ai ni yawng mayawng htani htana asak lu la shangun na lam rai nga ai. Ngai mung hpang jahtum na nhtoi hta shanhte hpe ngai sharawt la na mawe ai,” ngu nna shanhte hpe tsun mu ai.

KASA 17:30

Karai Kasang gaw shinggyim masha ni shi hpe n chye n chyang nna lai mat sai prat ni hpe yu shalai kau ya mu ai. Rai ti mung, ya gaw shara magup hkan na masha yawng hte hpe tinang a n hkru n kaja ai lam ni kaw na myit malai nhtang wa mu, ngu nna hkang dat ra ai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

ROMA 8:29

Shi a Kasha gaw kahpu kanau lanlak hta e kasha alat ningshawng tai u ga, Karai Kasang gaw shi lata san da sai ni hpe mung, shi a Kasha a gawng shingyan hte bung wa na masha lata san da mu ai.

1 KORINHTU 9:5

Kasa kaga ni, Madu a kanau ni hte Petru re ai ni a kasi hkan ai hku nna, ngai hkawm sa ai shaloi kam sham ai madu jan woi hkawm na ahkang n lu a ni?

2 KORINHTU 11:2

Karai Kasang gaw nanhte a ntsa e nsu nnawn myit rawng nga ai zawn ngai mung nanhte a ntsa e nsu nnawn myit rawng nga nngai. Nanhte gaw Hkristu shi nan hte sha hkungran na matu ngai ga sadi jaw da sai hkawn sek hte bung nga myit dai.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

GALATI 6:15

Marai langai ngai gaw matu gadoi hkam ai lam rai ti mung, n hkam ai lam rai ti mung ahkyak madung n rai; ningnan hpan da hkrum ai wa tai na she ahkyak madung rai nga ai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

1 TIMOHTI 5:2

hpawmi ni hpe kanu ni hpe zawn, mahkawn ni hpe kajan kana ni hpe zawn tsep kawp san seng ai myit hte shadum shahprang nga u.

HEBRE 5:9

Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.

1 YAWHAN 2:17

Dinghta ga hte hpawn, dai hta na shinggyim masha ni marin marit ai lam shagu gaw lai mat wa nga sai rai ti mung Karai Kasang a myit ra ai hku hkan galaw ai wa chyawm gaw, htani htana e anga nga ai.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.