MAHTE 12:46 - Jinghpaw Common Language Bible 2009

⁴⁶ Shawa masha ni hpe Yesu ga naw shaga nga yang, shi a kanu hte kanau ni gaw, shi hte ga tsun na nga nna shinggan e la tsap nga ma ai.

Jinghpaw Hanson Version Bible

⁴⁶ Shawa masha ni hpe ga naw tsun nga yang, shi a kanu hte kanau ni gaw, shi hte ga tsun na nga nna shinggan e tsap nga ma ai.

MAHTE 12:46 ပူးပေါင်းရင်းမြစ်များ

MAHTE 1:18

Ya, Yesu Hkristu kaning rai shangai chyinghkai wa ai lam ning rai nga ai; Shi a kanu Mari gaw Yosep hte mahtan da nga ai rai nna, shan garai n hkungran ai majaw garai n kanawn yang, Mari gaw dai Chyoi Pra ai Wenyi a majaw na-um nasin rai wa sai.

MAHTE 12:47

Dai rai nna marai langai mi gaw, “Na nnu hte nnau ni, nang hte ga tsun mayu ai nga nna shinggan e la tsap nga ma ai,” ngu mu ai.

MAHTE 13:55

Shi gaw laksama wa a kasha re ai, n rai ni? Shi a kanu Mari mying ai hte, shi a kanau ni, Yaku, Yosep, Simun hte Yuda rai nga ma ai n rai ni?

MAHTE 2:11

Shanhte dai nta hta e shang bang wa ma yang, dai ma kaji hte kanu Mari hpe shanhte mu mu ai rai nna, lahput hput di let shi hpe nawku mu ai. Tinang a sut sumpu hpaw nna, shi hpe aja, lawban, mura ngu ai kumhpa ni sak jaw mu ai.

MAHTE 2:20

“Rawt u, dai ma kaji hte kanu hpe woi la nna, Israela mung de wa su, hpa majaw nga yang, dai ma kaji a asak hpe tam ai ni si mat masai,” nga ai.

MARKU 2:21

“Kadai mung sumpan chyen nnan hte palawng dingsa hpe n kapa ga ma ai, hpa majaw nga yang, dai sumpan chyen nnan htun wa nna dai dingsa hpe gang je kau na ra ai rai nna, de a je mat ai hkang gaw grau kaba wa ai.

MARKU 6:3

Shi gaw Mari a kasha laksama wa rai nga ai hte Yaku, Yosep, Yuda, Simun ni a kahpu shi rai nga ai n rai ni? Shi a kajan ni mung anhte hte rau nang e nga nga ma ai n rai ni?,” nga nna san ma ai. Shing rai shanhte shi a lam myit kataw nna shi hpe n hkap la ma ai.

LUKA 1:43

Nye Madu a kanu ngai kaw sa du ai gaw, hpa chyeju ahkaw ahkang kaba wa rai na rai i?

LUKA 2:33

Ma a kanu yan kawa gaw Simun shi a lam tsun ai ga a majaw, mau nga ma ai.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela ni hta law law a matu kataw shara hte, law law a matu rawt wa na lam mung, masha law law ndang kalang hkat na Karai Kasang kaw na kumla matu mung san da ai wa rai nga ai.

LUKA 2:48

Shi hpe mu jang shan mau mat ma ai rai nna, shi a kanu gaw, “Ngai sha e, hpa rai an e ning di mi ta? Yu u, na nwa hte an grai myit ru myit tsang ai hte nang hpe hkan tam nga ga ai,” ngu nna shi hpe tsun mu ai.

LUKA 2:51

Shi chyawm gaw shan hte rau Nazaret mare de bai wa nna shan hpe madat mara let nga nga ai, Shi a kanu gaw ndai lam ni mahkra hpe shi kraw hta matsing da wu ai.

LUKA 8:10

Shi gaw, “Karai Kasang a Mungdan a sung htum ai lam ni hpe chye na na ahkang nanhte hpe jaw da manit dai, masha gale ni chyawm gaw, yu layu e n mu mu ga, na lana e n chye na mu ga, ga shadawn hku ngai tsun nga nngai.

YAWHAN 19:25

Yesu a wudang a makau e tsap nga ai ni gaw shi a kanu hte kanu a kanau, Klopa a madu jan Mari hte Magdala Mari ni rai ma ai.

YAWHAN 2:1

Dai hpang lahkawng ya na ai shani e, Galile mung na Hkana kahtawng e hkungran poi langai mi galaw ma ai. Yesu a kanu gaw dai hkungran poi hta lawm nga ai.

YAWHAN 2:12

Dai hpang Yesu gaw, shi a kanu, kanau ni hte sape ni hte rau Kaperna-um mare de yu wa nna, dai yang e nhtoi mali manga ya hkring nga ma ai.

YAWHAN 2:5

Rai ti mung shi a kanu gaw, “Shi nanhte hpe tsun matsun galaw mu,” ngu nna shangun ma ni hpe tsun da mu ai.

YAWHAN 7:10

Shi a kanau ni dai poi de lung mat wa ai hpang, Yesu mung dai de dan leng ai hku n re ai sha mayun mayoi ai hku sa lawm nga ai.

YAWHAN 7:3

Dai rai nna, shi a kanu ni gaw, “Nang galaw nga ai amu ni hpe na a sape ni mu lu mu ga, ndai shara na pru nhtawm, Yuda mung de sa wa su.

YAWHAN 7:5

Shi a kanau ni pyi shi hpe n kam n sham ma ai.)

KASA 1:14

Shanhte nlang hte gaw, Yesu a kanu Mari hte kaga numsha ni mung shi a kanau ni hte mung, akyu hpyi na matu ya sha ya sha myit mang langai sha hte hpawng nga ma ai.

1 KORINHTU 9:5

Kasa kaga ni, Madu a kanau ni hte Petru re ai ni a kasi hkan ai hku nna, ngai hkawm sa ai shaloi kam sham ai madu jan woi hkawm na ahkang n lu a ni?

GALATI 1:19

Dai Madu a kanau Yaku hta kaga kasa gale kadai hpe mung ngai n mu nngai.