MAHTE 12:43 - Jinghpaw Common Language Bible 2009

⁴³ “Dai n seng ai nat chyawm gaw, masha langai mi hta na pru nhtawm, hkun hkraw ai shara hkan e hkawm sa wa nna hkring sa na shara tam wu ti mung, n mu nu ai.

Jinghpaw Hanson Version Bible

⁴³ Dai n seng ai nat chyawm gaw, masha hta na pru nhtawm, hkraw hkun ai shara hkan e hkawm sa wa nna, simsa na shara tam wu timung, n mu nu ai.

MAHTE 12:43 ပူးပေါင်းရင်းမြစ်များ

YOBA 1:7

Dai Madu gaw shi hpe, “Nang hpa baw galaw hkawm n ta?,” ngu nna san wu ai. Satan gaw, “Ngai gaw nang de, wo de htinglet hkawm nna ginding aga grup grup wam hkawm nngai,” ngu nna htan wu ai.

YOBA 2:2

Dai Madu gaw shi hpe, “Nang kade nna du pru n ta?,” ngu nna san wu ai. Satan gaw, “Wo de, le de kahkrang hkawm let ga ntsa e wam hkawm nngai,” ngu nna htan wu ai.

SHAKAWN KUNGDAWN 63:1

O Karai Kasang e, nang gaw nye a Karai Kasang rai nga ndai, ngai nang hpe marit nga nngai. Nye a hkum ting nang hpe ra marit nga nngai; hkun hkraw mat nna, akyu n jaw mai sai hte hka n rawng mat sai lamu ga zawn, nye a myit masin mung nang hpe shagroi gara nga li ai.

ESAIA 41:18

Ngai gaw krin ai kawng ni a lapran e hka nu ni hpe shalwi dat nna kadit ni hta hka hpawk ni hpe jahpaw ya na nngai. Ngai gaw zaibru jang hpe hka la-ing shatai nna, hkun hkraw ai lamu ga hpe hka hpawk lwi shangun na nngai.

MAHTE 12:44

Shaloi shi gaw, ‘Ngai pru kau da se ai nta de, ngai nhtang wa na nngai,’ nga ai; bai du wa yu yang, dai nta gaw asan awan di nna ye kau ai hte shatsawm da ai hpe mu nu ai.

MAHTE 8:29

Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

KASA 8:13

Simun shi nan mung kam sham wa nna hkalup hkam la ngut jang Hpilip kaw hkan nang nga ai. Lamik kumla hte mauhpa amu kaba ni galaw dan ai hpe shi mu yang mau mahka mat nga ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.