MAHTE 12:40 - Jinghpaw Common Language Bible 2009

⁴⁰ Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

Jinghpaw Hanson Version Bible

⁴⁰ Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra, ga sung ai kata e rawng nga na ra ai.

MAHTE 12:40 ပူးပေါင်းရင်းမြစ်များ

2 HKAWHKAM 14:25

Dai Madu Israela a Karai Kasang gaw shi a shangun ma, Gat Hehpera kaw na Amati a kasha myihtoi Yona hku nna jaw tawn da ai ga sadi hte maren, Israela ni madu da sai lamu ga rai nga ai dingdung maga Hamat uhkan kaw nna dingda maga Jum Nawng du hkra dam ai lamu ga yawng hpe shi bai gasat dawm la wu ai.

SHAKAWN KUNGDAWN 63:9

Ngai hpe sat na matu shakut shaja ai ni gaw katsan ga de yu mat wa na mara ai.

YONA 1:17

Dai Madu hkang da ai ga hte maren, nga kaba langai gaw Yona hpe mayu kau ai rai nna shi gaw nga kan kata hta masum ya masum na rawng nga ai.

MAHTE 12:8

Hpa majaw nga yang, dai Masha Kasha gaw, Bansa Nhtoi a Madu rai nga ai, ngu mu ai.

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

MAHTE 17:23

Shanhte shi hpe sat kau na maru ai rai nna, masum ya nhtoi hta e shi hpe hkrung sharawt la ai hkrum na ra ai,” ngu nna shanhte hpe tsun mu ai. Dai rai nna shanhte nachying myit yawn nga ma ai.

MAHTE 27:40

Nawku Htingnu hpe run kau nna, masum ya laman bai gaw gap da na nga ai wa e, na hkum hpe nang hkye la u, nang Karai Kasang a Kasha rai n yang gaw, wudang hta na yu hkrat wa u!,” ngu mu ai.

MAHTE 28:6

Shi nang e nga ai n rai, shi tsun da sai hte maren, shi bai hkrung rawt wa sai: sa marit, shi taw lai wa sai shara hpe sa yu maru.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u tsip ni lu ma ai, dai Masha Kasha chyawm gaw baw tawn na shara pyi n lu nga ai,” ngu shi hpe tsun wu ai.

YAWHAN 2:19

Yesu gaw, “Ndai Nawku Htingnu hpe hpya kau u, masum ya laman e, ngai dai hpe bai sharawt na we ai,” ngu nna shanhte hpe htan mu ai.