MAHTE 12:4 - Jinghpaw Common Language Bible 2009

⁴ Shi gaw Karai Kasang a nta de shang nna hkinjawng ni hta lai nna kadai mung n mai sha ai madun da ai muk ni hpe, tara hte n htan shai rai tim shi hte shi a masha ni la sha manu ai.

Jinghpaw Hanson Version Bible

⁴ shi mung, shi hte rau nga ai ni mung, n mai sha ai, hkinjawng ni chyu sha mai sha ai madun da ai muk ni hpe la sha nu ai lam hpe pyi, nanhte n hti yu myit ni?

MAHTE 12:4 ပူးပေါင်းရင်းမြစ်များ

PRU MAT 25:30

Dai ku hpe Ga Shaka Sumpu a man e tawn da na rai nga ai; dai ku a ntsa e mung, nye a matu nawng jau ai chyoi pra ai muk hpe tut nawng bang tawn da na rai nga ai.

JAW JAU 8:31

Mawshe gaw Arun hte shi a shadang sha ni hpe, “Dai Madu a hpung shingkang shanu nga ai Sum a shang wa chyinghka lam de hkungga shan la sa nhtawm dai hpe shadu nna dai Madu hkang da sai hte maren, aya dang ai hkungga ka hta na muk hte rau sha lu na myit dai.

MAHTE 12:3

Yesu gaw, “Dawi gaw shi kaw hkan nang ai ni hte rau kawsi hkrum ma yang, hpa galaw ma ai lam kalang mi mung n hti yu myit ni?

MAHTE 12:5

Bai Bansa Nhtoi shagu dai Nawku Htingnu hta nga ai hkinjawng ni gaw, Bansa Nhtoi hte seng ai tara hpe tawt lai ma ti mung, mara n nga ai lam Mawshe a Tara laika hta nanhte n hti yu myit ni?

MARKU 2:26

Hkinjawng agyi Abiahta a lakhtak e, Dawi gaw Karai Kasang a nta de shang nna anhte a tara hte maren hkinjawng ni sha n rai yang gaw, kadai mung n mai sha ai madun da ai muk hpe sha nna shi a manang ni hpe mung dai muk jaw sha yu sai n rai ni?,” ngu nna tsun mu ai.

LUKA 6:4

Shi gaw Karai Kasang a nta de shang nna, hkinjawng ni hta lai nna, kaga kadai n mai sha ai madun da ai muk ni hpe la sha nna, shi kaw hkan nang ai ni hpe mung jaw sha wu ai.

HEBRE 9:2

Hpa majaw nga yang, sum langai mi gap da nga ai. De a shawng na gawk hta pyengdin shadun hte Karai Kasang kaw nawng ya ai hkungga, muk mara da ai ku nga nga ai. Dai hpe Chyoi Pra ai shara ngu mu ai.

1 SAMUELA 21:4

Dai hkinjawng wa gaw, “Ngai kaw hkrup mara sha mai ai muk hpa mung n lu nngai, chyoi pra ai muk chyawm gaw lu nngai; na a masha ni ndai laman numsha ni hte n kanawn ai rai yang chyawm gaw dai hpe lu la mai nga myit dai,” ngu nna tsun wu ai.

1 SAMUELA 21:6

Dai rai nna hkinjawng wa gaw Karai Kasang hpe nawng jau ya ai muk ngu na dai chyoi pra ai muk ku hta madun da ai muk hpe chyu sha shi lu ai majaw dai chyoi pra ai muk Dawi hpe jaw wu ai; chyoi pra ai muk ku hta chyawm gaw a kahtet sha re ai muk bai mara tawn da nga ai.