MAHTE 12:39 - Jinghpaw Common Language Bible 2009

³⁹ Yesu gaw htan let shanhte hpe tsun mu ai gaw, “N hkru ai hte shut hpyit ai amyu gaw lamik kumla tam ma ai; myihtoi Yona a lamik kumla hta kaga; hpa lamik kumla mung; shanhte hpe n dan na nme ai.

Jinghpaw Hanson Version Bible

³⁹ Shi htan let shanhte hpe tsun mu ai gaw, “N hkru ai hte shut hpyit ai amyu gaw, lamik kumla tam ma ai; myihtoi Yona a lamik kumla hta kaga, hpa lamik kumla mung, shanhte hpe n dan na nme ai.

MAHTE 12:39 ပူးပေါင်းရင်းမြစ်များ

2 HKAWHKAM 14:25

Dai Madu Israela a Karai Kasang gaw shi a shangun ma, Gat Hehpera kaw na Amati a kasha myihtoi Yona hku nna jaw tawn da ai ga sadi hte maren, Israela ni madu da sai lamu ga rai nga ai dingdung maga Hamat uhkan kaw nna dingda maga Jum Nawng du hkra dam ai lamu ga yawng hpe shi bai gasat dawm la wu ai.

ESAIA 57:3

Yubak kap ai ni e, jeyang hkam na matu ndai shara de sa wa mi! Nanhte gaw hpyi shung shung ai ni, numshaw lashaw ai ni hte shawa num ni hta grau kaja nga myit dai n rai.

YONA 1:1

Lani mi hta, Amihtai a kasha Yona hpe dai Madu ga shaga wu ai.

MAHTE 16:4

Ndai prat na masha ni gaw gade wa n hkru n kaja nna karai kata ai masha ni rai nga ma hka! Nanhte gaw ngai kaw lamik kumla langai mi hpyi myit dai; rai ti mung, Yona a lamik kumla hta kaga, hpa lamik kumla mung, nanhte hpe ngai n dan na nme ai,” ngu nna tsun wu ai. Shaloi shi shanhte hpe kau da nna pru mat wa ai.

MARKU 8:12

Rai ti mung Yesu gaw nsa kaba shaw madai let, “Ndai prat na masha ni gaw hpa rai lamik kumla langai mi hpyi ma ai kun? Ngai kaja wa teng teng tsun made ga! Ndai masha ni hpe dai zawn re ai lamik kumla hpa mung madun na mawe ai n rai!,” ngu mu ai.

MARKU 8:38

Masha langai mi gaw, ndai Karai kata nna tara n nga, n hkru n kaja ai prat aten hta e, ngai hte ngai sharin shaga ai mungga hpe kaya nga a yang gaw, dai Masha Kasha gaw shi a Kawa a hpung shingkang dagraw nna chyoi pra ai lamu kasa ni hte nawng du sa wa yang, dai wa hpe kaya kau na ru ai,” ngu nna shanhte hpe tsun mu ai.

YAKU 4:4

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.